விஜயகுமார்

விஜயகுமார்
பிறப்பு	பஞ்சாக்சரம் ரங்கசாமி பிள்ளை ஆகத்து 29, 1943 (1943-08-29) நாட்டுச்சாலை, பட்டுக்கோட்டை, தமிழ்நாடு
பணி	நடிகர்
செயற்பாட்டுக் காலம்	1961, 1973 – தற்போது வரை
பெற்றோர்	ரங்கசாமி பிள்ளை சின்னம்மாள்
வாழ்க்கைத் துணை	முத்துக்கண்ணு (1969–தற்போது) மஞ்சுளா (1976–2013)
பிள்ளைகள்	அருண் விஜய் பிரீத்தா ஸ்ரீதேவி விஜயகுமார் கவிதா வனிதா அனிதா

விஜயகுமார் (Vijayakumar, பிறப்பு: 29 ஆகத்து 1943) என்பவர் தென்னிந்தியத் திரைப்பட நடிகர் ஆவார். பல்வேறு வகையான கதாபாத்திரங்களில் பெருமளவு (குறிப்பாக தமிழ்த் திரைப்படங்களில்) நடித்துள்ளார். ஒரு சில இந்தி, தெலுங்கு ஆகிய மொழிப் படங்களில் நடித்த இவர் தற்பொழுது குணசித்திர கதாபாத்திரங்களில் நடித்து வருகிறார். 1961இல் வெளிவந்த ஸ்ரீ வள்ளி என்ற திரைப்படத்தில் முருகனாக அறிமுகமான இவர், 400இற்கும் மேற்பட்ட திரைப்படங்களில் நடித்துள்ளார்.

வாழ்க்கைக் குறிப்பு

இவர் தஞ்சாவூர் மாவட்டம், பட்டுக்கோட்டை அருகிலுள்ள நாட்டுச்சாலை என்ற சிற்றூரில் பிறந்தார். இவரின் முதல் மனைவி பெயர் முத்துக்கண்ணு, திரைப்பட நடிகையான மஞ்சுளாவை இரண்டாவதாக திருமணம் செய்து கொண்டார். விஜயகுமாருக்கு அருண் விஜய் என்ற மகனும், கவிதா, அனிதா, வனிதா, பிரீத்தா, சிறீதேவி என ஐந்து மகள்களும் உள்ளனர்.

சின்னத்திரையிலும் நடிக்கத் தொடங்கியுள்ள இவர் 'தங்கம்' என்ற தொடரில் ரம்யா கிருஷ்ணனுக்கு தந்தையாக நடித்துள்ளார்.

இவர் தென்னிந்திய நடிகர் சங்கத்தின் முன்னாள் துணைத் தலைவராக பதவி வகித்திருந்தார்.

தொழில் வாழ்க்கை

1961 ஆம் ஆண்டில் ஸ்ரீ வள்ளி திரைப்படத்தில் குழந்தை நடிகராக இவரது பயணம் தொடங்கியது . சிவாஜி கணேசன், பத்மினி ஆகியோர் நடித்த இப்படத்தில் சிறுவயது முருகனாக விஜயகுமார் நடித்தார். அதன் பின் பெரிய அளவில் வாய்ப்புகள் இல்லையென்றாலும், இவர் கந்தன் கருணை திரைப்படத்தில் முருகக் கடவுளாக நடிக்கவிருந்தார். ஆனால் அதற்குப் பதிலாக சிவகுமார் அந்த வேடத்தில் நடித்தார். சூரபத்மனால் கைது செய்யப்பட்ட பிரபுகளில் ஒருவராக விஜயகுமார் ஒரு சிறிய பாத்திரத்தில் நடித்தார்.

1973 ஆம் ஆண்டில், தேவராஜ்-மோகன் இயக்கிய பொண்ணுக்குக் தங்க மனசுவில் விஜயகுமார் தனது முதல் வெற்றியைப் பெற்றார். இப்படத்தின் மற்றொரு நாயகன் சிவகுமார். பொண்ணுக்கு தங்க மனசு திரைப்படத்தின் வெற்றி இவருக்கு தமிழ்த் திரைப்படங்களில் நிரந்தர இடத்தைப் பெற்றுத் தந்தது. முன்னணி நடிகர்களுடன் எழுபதுகளில் இணைந்து நடிக்கும் வாய்ப்பைப் பெற்றார். குறிப்பாக எம்.ஜி.ராமச்சந்திரன் உடன் இன்று போல் என்றும் வாழ்க,சிவாஜி கணேசன் உடன் தீபம், கமல்ஹாசன் உடன் நீயா போன்ற திரைப்படங்களில் நடித்தார். 1970களில் விஜயகுமார் ஒரு பிரபலமான துணை நடிகராக இருந்தபோது, அவள் ஒரு தொடர்கதை, மதுர கீதம், அழகே உன்னை ஆராதிக்கிறேன் போன்ற படங்களில் இவர் முக்கியக் கதாபாத்திரத்தில் நடித்தார்.

1980களின் முற்பகுதியில் ஒரு சிறிய சரிவைச் சந்தித்த பிறகு, விஜயகுமார் இரண்டாவது 1988 ஆம் ஆண்டில் நடிக்கத் தொடங்கினார். மணிரத்னம் இயக்கிய அக்னி நட்சத்திரம் திரைப்படத்தில், பிரபு, கார்த்திக் இருவருக்கும் தந்தையாக நடித்தார். 1990களில், இவர் நடித்த நாட்டாமை, கிழக்குச் சீமையிலே, பாட்ஷா ஆகிய திரைப்படங்கள் இவர் திரைப்பயணத்தில் முக்கியமானவை. கடந்த சில ஆண்டுகளில், திரைப்படங்களை விட தொலைக்காட்சித் தொடர்களில் அதிக கவனம் செலுத்தி வருகிறார். விஜயகுமார் இதுவரை மொத்தமாக 400இற்கும் மேற்பட்ட திரைப்படங்களில் நடித்துள்ளார்.

அரசியல் வாழ்க்கை

அவர் 2015 அக்டோபர் 18 வரை தென்னிந்திய நடிகர் சங்கத்தின் துணைத் தலைவராகவும், அகில இந்திய அண்ணா திராவிட முன்னேற்ற கழக உறுப்பினராகவும் இருந்தார்.

2016 மார்ச் 16 அன்று, விஜயகுமார் பாஜகவில் இணைந்தார்.

தனிப்பட்ட வாழ்க்கை

விஜயகுமாரின் மனைவிகள் முத்துகண்ணு, மஞ்சுளா.

முத்துக்கண்ணுவின் வழியே வந்த பிள்ளைகள் கவிதா, அனிதா, அருண் விஜய் ஆகியோராவர்.

மஞ்சுளாவின் வழியே வந்த பிள்ளைகள் வனிதா, பிரீத்தா, ஸ்ரீதேவி ஆகியோராவர்.

இதுவரை, அருண் விஜயும் அவரது தந்தையான விஜயகுமாரும் நான்கு முறை மட்டுமே திரையில் ஒன்றாக நடித்துள்ளனர். அவை, பாண்டவர் பூமி, மலை மலை , மாஞ்சா வேலு, குற்றம் 23.

2013 சூலை 23 அன்று, விஜயகுமாரின் இரண்டாவது மனைவி மஞ்சுளா சென்னையில் இறந்தார். அவருக்கு வயது 59.

குறிப்பிடத்தக்க திரைப்படங்கள்

• அக்னி நட்சத்திரம்
• கிழக்குச் சீமையிலே
• குசேலன்
• சேரன் பாண்டியன்
• நாட்டாமை
• முதல்வன்
• மஜா
• சந்திரமுகி
• சாமி
• சிங்கம்
• அந்தி மந்தாரை
• பொண்ணுக்கு தங்க மனசு
• அவள் ஒரு தொடர்கதை
• அழகே உன்னை ஆராதிக்கிறேன்
• பெரிய இடத்து மாப்பிள்ளை

நடித்த திரைப்படங்கள்

2010 களில்

ஆண்டு	திரைப்படம்	கதாபாத்திரம்	குறிப்புகள்
2014	சண்டமாருதம்
	ஆம்பள
	லிங்கா
2013	சிங்கம் 2	தமிழக அமைச்சர்
	சென்னையில் ஒரு நாள்	மருத்துவர். அருமைநாயகம்
2011	மம்பட்டியான்
	ஒஸ்தி
	கண்டேன்
	பொன்னர் சங்கர்	பெரியமலை கவுண்டர்
2010	சிங்கம்	தமிழக உள்துறை அமைச்சர்
	மாஞ்சா வேலு	வேலுவின் அப்பா
	கோவா	நாட்டாமை
	ஜக்குபாய்

2000 களில்

ஆண்டு	திரைப்படம்	கதாபாத்திரம்	குறிப்புகள்
2009	பொக்கிஷம்		சிறப்புத் தோற்றம்
	சொல்ல சொல்ல இனிக்கும்
	மலை மலை	காவல் ஆய்வாளர்
	1977
2008	குசேலன்	அவராகவே	சிறப்புத் தோற்றம்
	கண்ணும் கண்ணும்
	வைத்தீஸ்வரன்
	ஆயுதம் செய்வோம்	உதயமூர்த்தி
	'சந்தோஷ் சுப்பிரமணியம்	ராஜேஸ்வரியின் அப்பா
2007	தாமிரபரணி	பானுவின் தாத்தா
	குற்றப்பத்திரிகை
	தீபாவளி	முதலியார்
2006	குஸ்தி	அபி, திவ்யாவின் தாத்தா
	தலைமகன்
	இளவட்டம்
	ஜாம்பவான்
	தர்மபுரி
	ஆதி	ஆதியின் தாத்தா
2005	குருதேவா
	ராமகிருஷ்ணா
	ஜி
	மஜா	சிதம்பரம்
	லண்டன்
	சந்திரமுகி	துர்காவின் தாத்தா
2004	ஏய்
	வானம் வசப்படும்
	மானஸ்தன்
	குத்து
2003	சாமி	சாமியின் அப்பா
	அன்பு
2002	பாபா
	ஆல்பம்
	ஸ்ரீ
	ஆசை ஆசையாய்
	துள்ளுவதோ இளமை
	என் மன வானில்
	வில்லன்
2001	பாண்டவர் பூமி
	ஆனந்தம்
	ஸ்டார்
	ஏழுமலை
2000	குஷி
	சந்தித்த வேளை
	மாயி

1990 களில்

ஆண்டு	திரைப்படம்	கதாபாத்திரம்	குறிப்புகள்
1999	மலபார் போலிஸ்
	பூவெல்லாம் கேட்டுப்பார்
	நீ வருவாய் என
	பொண்ணு வீட்டுக்காரன்
	ஆனந்த பூங்காற்றே
	ஜோடி
	சுயம்வரம்	குசேலன்
	சின்ன துரை
	ஆசையில் ஒரு கடிதம்
	முதல்வன்
	தேசிய கீதம்
	சங்கமம்	சிவசங்கர மூர்த்தி
1998	என் ஆசை ராசாவே
	நட்புக்காக	பிரபாவதியின் அப்பா
1997	ஆஹா	பரசுராமன்
	பாரதி கண்ணம்மா
	பாஞ்சாலங்குறிச்சி
	புதையல்
	அபிமன்யு
	பெரிய தம்பி	சங்கரபாண்டியன்
	பெரிய இடத்து மாப்பிள்ளை	பெரியதம்பி
1996	மிஸ்டர் ரோமியோ
	அந்திமந்தாரை
	லவ் பேர்ட்ஸ்
	பூவரசன்	உக்கிர பாண்டி
	பரம்பரை
	பெரிய இடத்து மாப்பிள்ளை
	சேனாதிபதி	லிங்கப்பன் நாயக்கர்
1995	பாட்ஷா	மாணிக்கத்தின் அப்பா
	மாண்புமிகு மாணவன்
	லக்கிமேன்
	முத்துகாளை	சங்கையா
	பெரிய குடும்பம்
	ராசய்யா	ராசய்யாவின் தாத்தா
1994	தாய் மாமன்
	ச ரி க ம ப த
	சக்திவேல்	சக்திவேல்
	நாட்டாமை	பெரிய நாட்டாமை
	சாது
	அரண்மனை காவலன்
	ராஜகுமாரன்
	அதிரடிப்படை
	அதர்மம்
	ரசிகன்
1993	அரண்மனைக் கிளி
	எஜமான்
	ராக்காயி கோயில்
	கட்டபொம்மன்
	தாலாட்டு
	மறவன்
	கிளிப்பேச்சு கேட்கவா
	கிழக்குச் சீமையிலே	மாயாண்டி தேவன்
	உழைப்பாளி	தமிழரசுவின் மாமா
1992	வால்டர் வெற்றிவேல்	வெற்றிவேலுவின் அப்பா
	அமரன்
	ஊர் மரியாதை	சின்ன ராஜா	சிறப்புத் தோற்றம்
	சூரியன்
	தெய்வ வாக்கு
	முதல் குரல்
	பட்டத்து ராணி	சுந்தரம்
	செந்தமிழ் பாட்டு
1991	சத்ருவு	வழக்கறிஞர்
	கிழக்குக் கரை	ரங்கநாதன்
	ரிக்சா மாமா
	பிரம்மா
	இதயம்
	சேரன் பாண்டியன்
1990	கிழக்கு வாசல்
	பணக்காரன்
	சத்ரியன்
	பெரிய வீட்டு பண்ணைக்காரன்
	வேலை கிடைச்சிருச்சு

1980 களில்

ஆண்டு	திரைப்படம்	கதாபாத்திரம்	குறிப்புகள்
1989	ராஜாதி ராஜா
	வெற்றி விழா
1988	அக்னி நட்சத்திரம்	விஸ்வநாத்
	மதுரைக்கார தம்பி
	புதிய வானம்
	என் தமிழ் என் மக்கள்
1987	இன்சாப் கி புகார்
	விடுதலை
	வேலுண்டு வினையில்லை
	வைராக்கியம்
1986	மாவீரன்
	மௌனம் கலைகிறது
	ஒரு இனிய உதயம்
	நான் அடிமை இல்லை
	உயிரே உனக்காக
1985	ராஜரிஷி
	நேர்மை
1984	சுமங்கலி கோலம்
1983	யாமிருக்க பயமேன்
	நீதிபதி
	சட்டம்
	தாய் வீடு
	சந்திப்பு
	துடிக்கும் கரங்கள்
	ஜீத் ஹமாரி
1982	தியாகி
	ஊரும் உறவும்
	நாயக்கரின் மகள்
	தீர்ப்பு
	நெஞ்சங்கள்
1981	சத்யம் சுந்தரம்
1980	காளி

1970 களில்

ஆண்டு	திரைப்படம்	கதாபாத்திரம்	குறிப்புகள்
1979	அழகே உன்னை ஆராதிக்கிறேன்
	குப்பத்து ராஜா
	வீட்டுக்கு வீடு வாசப்படி
	பகலில் ஒரு இரவு
	நீயா
	கவரி மான்
	அடுக்கு மல்லி
1978	சங்கர் சலீம் சியாமன்
	ஆயிரம் ஜென்மங்கள்
	அல்லிதர்பார்
	அவளொரு பச்சைக் குழந்தை
	மீனாட்சி குங்குமம்
	பைலட் பிரேம்நாத்	சிவாஜி கணேசனின் மகன்
	சொன்னது நீ தானா
	வட்டத்துக்குள் சதுரம்
	வருவான் வடிவேலன்
	ருத்ர தாண்டவம்
	இறைவன் கொடுத்த வரம்
	வணக்கத்துக்குரிய காதலியே
	என் கேள்விக்கு என்ன பதில்
	மாங்குடி மைனர்
1977	ஆறு புஷ்பங்கள்
	ரகுபதி ராகவ ராஜாராம்
	இன்று போல் என்றும் வாழ்க
	இளைய தலைமுறை
1976	துணிவே துணை	ஜெய்சங்கரின் சகோதரர்
	ஒரு ஊதாப்பூ கண் சிமிட்டுகிறது
1974	அவள் ஒரு தொடர்கதை
1973	பொண்ணுக்கு தங்க மனசு	மறு அறிமுகம் மாவட்ட ஆட்சியர் வேடம்||(திஞா)

1960 களில்

ஆண்டு	திரைப்படம்	கதாபாத்திரம்	குறிப்புகள்
1961	ஸ்ரீவள்ளி

தொலைக்காட்சித் தொடர்கள்

ஆண்டு	தொடர்	கதாபாத்திரம்	தொலைக்காட்சி	மொழி
2009-2013	தங்கம்	ராஜராமச்சந்திர ரகுநாத் ஏலியஸ் ஐயா	சன் தொலைக்காட்சி	தமிழ்
2013–2014	வம்சம்	வெற்றிவேல் அண்ணாச்சி	சன் தொலைக்காட்சி	தமிழ்
2016-2017	தலம்பிராலு (తలంబ్రాలు)	சங்த்யாவின் தாத்தா	ஜெமினி தொலைக்காட்சி	தெலுங்கு
2017-தற்போது	நந்தினி	ராஜசேகர்	சன் தொலைக்காட்சி	தமிழ்