விக்ரம்காட் தாலுகா
விக்ரம்காட் தாலுகா (Vikramgad taluka),இந்தியாவின் மகாராட்டிரா மாநிலத்தின் பால்கர் மாவட்டத்தின் 8 தாலுகாக்களில் ஒன்றாகும்.[1]இதன் நிர்வாகத் தலைமையிடம் விக்ரம்காட் எனும் கணக்கெடுப்பில் உள்ள ஊர் ஆகும். 2011 இந்திய மக்கள் தொகை கணக்கெடுப்பின் படி, இத்தாலுகா 1 கணக்கெடுப்பில் உள்ள ஊர் மற்றும் 93 வருவாய் கிராமங்களும் கொண்டது. இத்தாலுகாவின் 98% மக்கள் கிராமப்புறங்களில்வாழ்கின்றனர். [2]
மக்கள் தொகை பரம்பல்[தொகு]
2011 இந்திய மக்கள் தொகை கணக்கெடுப்பின் படி, விக்ரம்காட் தாலுகாவின் மொத்த மக்கள் தொகை 137,625 ஆகும். மக்கள் தொகையில் ஆண்கள் 68,489 மற்றும் பெண்கள் 69,136 ஆக உள்ளனர். பாலின விகிதம் 1000 ஆண்களுக்கு 1,009 பெண்கள் வீதம் உள்ளனர். 6 வயதிற்குட்பட்ட குழந்தைகள் எண்ணிக்கை 21962 - 16% ஆகும். சராசரி எழுத்தறிவு 63.78% ஆகும். மக்கள் தொகையில் பட்டியல் மக்கள் மற்றும் பழங்குடிகள் முறையே 341 மற்றும் 1,26,368 ஆகவுள்ளனர். 98% மக்கள் கிராமப்புறங்களில் வாழ்கின்றனர். இதன் மக்கள் தொகையில் இந்துக்கள் 99.26%, இசுலாமியர்கள் 0.44% மற்றும் பிறர் 0.31% ஆக உள்ளனர். இதன் பெரும்பான்மையான பேச்சு மொழி மராத்தி மொழி ஆகும்.