விக்கிப்பீடியா:பங்களிப்பாளர் அறிமுகம்/எஸ்ஸார்

எஸ். ஆர். சசிக்குமார் மதுரை மாவட்டம் வாடிப்பட்டியைச் சேர்ந்தவர். மதுரை அமெரிக்கன் கல்லூரியில் சமூகவியல் துறையில் இளங்கலை பட்டமும், மதுரை காமராசர் பல்கலையில் முதுகலைப் பட்டமும் பெற்று, மதுரையில் உள்ள செய்தித்தாள் நிறுவனம் ஒன்றில் பணியாற்றி வருகிறார். 2008 ஆம் ஆண்டின் பிற்பகுதி முதல் தமிழ் விக்கிப்பீடியாவுக்குப் பங்களித்து வருகிறார். மதுரைத் தமிழ், டைம்ஸ் சதுக்கம், ஜன் லோக்பால் மசோதா, திருமங்கலம் சூத்திரம், நோபல் பரிசு சர்ச்சைகள், இழிவான போர் (அர்ஜென்டினா), அவகாதரோவின் விதி முதலியவை இவர் தொடங்கிய முக்கியக் கட்டுரைகளில் சில. புகைப்படம் எடுப்பதில் ஆர்வமுடைய சசிக்குமார் தமிழ் விக்கி ஊடகப் போட்டியில் பங்கு பெற்று முதல் பரிசைப் பெற்றார் என்பது குறிப்பிடத்தக்கது. விக்கிமீடியா காமன்சிலும் பங்களித்து வருகிறார்.