விக்கிப்பீடியா:பங்களிப்பாளர் அறிமுகம்/அரிஅரவேலன்

கட்டற்ற கலைக்களஞ்சியமான விக்கிப்பீடியாவில் இருந்து.

அரிஅரவேலன், ஒரு சமூக - கல்விச் செயல்பாட்டாளர் ஆவார். தேனி மாவட்டம், சின்னமனூரில் பிறந்த இவர், தற்பொழுது மதுரையில் வசித்து வருகிறார். குழந்தைகளுக்கும் இளையோருக்குமான வாழ்க்கைத் திறன் கல்விக்குரிய கலைத்திட்டத்தை வகுத்து அதனைக் காணொளிப்படங்களாக உருவாக்கும் திட்டத்தில் தற்பொழுது பணியாற்றிக் கொண்டிருக்கிறார். சூன், 2012 முதல் தமிழ் விக்கிப்பீடியாவில் பங்களித்து வருகிறார். ஆளுமைகளையும் நூல்களையும் பற்றிய கட்டுரைகளை உருவாக்குவதில் ஆர்வம் கொண்டவர். ம. ரா. போ. குருசாமி, பரலி சு. நெல்லையப்பர், கா. சு. பிள்ளை, சாலை இளந்திரையன், தி. க. சண்முகம், மணியம்மையார் ஆகியன இவர் எழுதிய கட்டுரைகளில் சில.