விகுதி

நன்னூல் வகுத்துக் காட்டும் பகுபத உறுப்புகளில் ஒன்று விகுதி. தொல்காப்பியம் இதனைப் பாலறி கிளவி எனக் குறிப்பிடுகிறது. தொல்காப்பியத்தில் 11 எழுத்துக்கள் பாலறி கிளவிகளாகக் காட்டப்பட்டுள்ளன.

தொல்காப்பியம் காட்டும் பாலறி கிளவி

ன், ள், ர், ப, மார், கு, டு, று, அ, ஆ, வ – ஆகிய 11 எழுத்துகளும் இரண்டு திணைகளிலும் உள்ள ஐந்து பாலையும் காட்டும் பால் அறி கிளவிகளாம். இதனை,

“ இருதிணை மருங்கின் ஐம்பா லறிய

ஈற்றுநின் றிசைக்கும் பதினோ ரெழுத்தும் தோற்றந் தாமே ...

”

என்ற நூற்பா உணர்த்துகிறது.

நன்னூல் குறிப்பிடும் விகுதிகள்

வினைச்சொல் விகுதிகள்

நன்னூல் இலக்கணம் வினைச்சொல் விகுதிகளைக் குறிப்பிடுகிறது.

• விகுதிகளுக்கு உரிய எடுத்துக்காட்டுகள் அடிக்குறிப்பாகத் தரப்பட்டுள்ளன.

படர்க்கை, ஆண்பால் வினைமுற்று விகுதி	அன்	ஆன்
படர்க்கை, பெண்பால் வினைமுற்று விகுதி	அள்	ஆள்
படர்க்கை, பலர்பால் வினைமுற்று	அர்	ஆர்	ப	மார்
படர்க்கை, பலவின்பால் வினைமுற்று விகுதி	அ	ஆ
படர்க்கை, ஒன்றன்பால்	கு	து	து	று
தன்மை, ஒருமை	என்	ஏன்	அல்	அன்
தன்மை, பன்மை	அம்	ஆம்	எம்	ஏம்	ஒம்	ஓம்
தன்மையும், முன்னிலையும் சேர்ந்த பன்மை	கும்	டும்	தும்	றும்
முன்னிலை, ஒருமை	ஐ	ஆய்	இ	மின்
முன்னிலை, பன்மை	இர்	ஈர்	ஈயர்
தன்மையும், முன்னிலையும், படர்க்கையும் இயைந்த வியங்கோள்	க	ய

என்பவும் பிறவும் எனக் குறிப்பிடுகிறது.

காலம் காட்டும் விகுதி

று, றும்	சென்று (சென்றேன்)	சென்றும் (சென்றோம்)	இறந்த காலம்
று, றும்	சேறு (செல்வேன்)	சேறும் (செல்வோம்)	எதிர்காலம்
து, தும்	வந்து (வந்தேன்)	வந்தும் (வந்தோம்)	இறந்த காலம்
து, தும்	வருது (வருவேன்)	வருதும் (வருவோம்)	எதிர்காலம்
டு, டும்	உண்டு (உண்டேன்)	உண்டும் (உண்டோம்)	இறந்த காலம்
கு, கும்	உண்கு (உன்பேன்)	உண்கும் (உண்போம்)	எதிர்காலம்
மின், ஈர், உம், ஆய்	உண், உண்மின், உண்ணீர், உண்ணும், உன்னாய்,	(ஏவல்)	எதிர்காலம்
க, ய, இயர்	உண்க, வாழிய, வாழியர்,	(வியங்கோள்)	எதிர்காலம்
இ	சேறி (செல்வாய்), உண்மார் (உண்பார்)	-	எதிர்காலம்
ப	உண்ப (உண்டார்), என்ப (என்றார்)	-	இறந்த காலம்
உம்	உண்ணும்	-	நிகழ்வும், எதிர்வும்
ஆ	உண்ணா (உண்ணமாட்டா)	எதிர்மறை	எதிர்காலம்

பெயர்சொல் விகுதிகள்

அ