வாமன சரிதை

வாமன சரிதை என்னும் நூல் உரைநூலால் தெரியவரும் நூல்களில் ஒன்று. நவநீதப் பாட்டியல் நூலுக்கு எழுதப்பட்டுள்ள உரையில் வாமன சரிதை என்னும் நூல் பெயரளவில் குறிப்பிடப்பட்டுள்ளது.

"செய்வித்தோனால் பெயர் பெற்றன பிங்கல சரிதை, வாமன சரிதை" - என்பது அந்த உரையில் வரும் குறிப்பு. இதன்படி பிங்கலன் என்பவன் தன் வரலாற்றை நூலாகச் செய்ய உதவினான். அதன்படி செய்யப்பட்டது பிங்கல சரிதை. வாமனன் என்பவன் தன் வரலாற்றைச் செய்ய உதவினான். அதன்படி செய்யப்பட்ட நூல் வாமன சரிதை. - எனத் தெரியவரும்.

"செய்வித்தோனால் பெயர் பெற்றன 'சாதவாகனம்', 'இளந்திரையம்'." - என்று இறையனார் களவியல் உரை கூறுகிறது. இவற்றில் சரிதை என்னும் சொல் இல்லை.

வாமனன் சரிதை என்பது வாமன் என்பதாகலாம்.