வானவர்
வானவர் என்போர் வானுலகில் வாழ்பவர்கள் என நம்பப்படுகிறது. வானவர் யார் என உணர்ந்துகொள்வதற்கு வான், வானவன், வானுலகம் என்னும் கட்டுரைகளை ஒப்புநோக்கிக்கொள்வது இன்றியமையாதது.
சமயக் கோட்பாடு[தொகு]
- சைவத் திருமுறைகள் வானவர்களைப் பற்றிக் கூறுகின்றன. எடுத்துக்காட்டாக திருவாசகம் - திருக்கோத்தும்பி பகுதியில் மாணிக்கவாசகர் "மாவேறு சோதியும் வானவருந் தாமறியா சேயேறு சேவடிக்கே சென்றூதாய்" என்றுப் பாடியுள்ளார்.
- கத்தோலிக்க திருச்சபையின் பொது நாள்காட்டி வானவர்களைப் பற்றிக் குறிப்பிடுகிறது.
- திருக்குர்ஆன் முகம்மது நபி க்கு, ஜிப்ரயீல் என்ற வானவர் மூலமாக இறைவனால் சிறுகச் சிறுக சொல்லப்பட்ட அறிவுரைகள் முதலானவற்றைக் குறிப்பிடுகிறது.
சங்க இலக்கியக் குறிப்புகள்[தொகு]
- இந்திரனை வானவர்கோன் என்கின்றனர். பஞ்சவன் எனப் போற்றப்படும் பாண்டிய மன்னன் ஒருவன் இந்த இந்திரனுக்கு உதவி இந்திரனது முத்தாரத்தைப் பரிசாகப் பெற்றான் என்பது ஒரு தொன்மக் கதை.
- 'நீல வானத்தில் விரும்பி ஆடும் 'வானவ மகளிர்' போல மதுரைத் திருமண வீடுகளில் நடனமாடும் 'பாசிழை மகளிர்' மதுரைக்காஞ்சியில் குறிப்பிடப்பட்டுள்ளனர். [1]
- வானவர், வானவர் தலைவன், வானவர்கோன், வானவர் மகளிர், வானவல்லி முதலான தொடர்கள் சிலப்பதிகாரம், மணிமேகலை ஆகிய நூல்களில் வருகின்றன.
- வானவரம்பன் எனப் பதிற்றுப்பத்தில் வரும் தொடரானது 'வானவர் அன்பன்' எனவும் பிரிக்கக்கூடிய பாங்கில் அமைந்துள்ளது. [2]
இங்கெல்லாம் வானுலக மாந்தர் பாவனை மாந்தர்களாகச் சுட்டப்பட்டுள்ளனர்.
அடிக்குறிப்பு[தொகு]
- ↑ மணம் புணர்ந்து ஓங்கிய, அணங்குடை நல் இல்,
ஆய் பொன் அவிர் தொடிப் பாசிழை மகளிர்
ஒண் சுடர் விளக்கத்து, பலர் உடன் துவன்றி,
நீல் நிற விசும்பில் அமர்ந்தனர் ஆடும்
வானவ மகளிர் மான, (மதுரைக்காஞ்சி 579 முதல்) - ↑ இமயவரம்பன் என்னும் தொடரும் அவ்வாறே 'இமையவர் அன்பன்' எனப் பிரிக்கக்கூடியதாக அமைந்துள்ளதை நினைவுகூரவேண்டிய நிலை உள்ளது.