வாணராயன் (வள்ளல்)

கொங்கு மண்டலத்தில் வாணராயன் என்னும் வள்ளல் வாழ்ந்துவந்தான். அவனைத் தேடி வரும் புலவர்கள் தமக்கு வேண்டுவனவற்றை வாயால் கூறவேண்டியதில்லை. பனை ஓலை ஏட்டில் எழுதித் தொங்க விட்டாலே போதும். அரிதின் முயன்று தேடிக் கொண்டுவந்து அன்போடு வழங்குவான். மேலும் "இங்கு மீண்டும் வருக" என்று கூறுவான். இவன் பவளநிற ஆடையும், மாலையும் அணிபவன். இவனைப்பற்றிக் கொங்கு மண்டல சதகம் நூலில் உள்ள பாடல் ஒன்று தெரிவிக்கிறது.