வாச்சாத்தி

வாச்சாத்தி
வருவாய் கிராமம்
நாடு	இந்தியா
மாநிலம்	தமிழ்நாடு
மாவட்டம்	தருமபுரி
மொழிகள்
• அதிகாரப்பூர்வமாக	தமிழ்
நேர வலயம்	இசீநே (ஒசநே+5:30)
அஞ்சல் குறியீட்டு எண்	636 904

வாச்சாத்தி (Vachathi) என்பது இந்தியா, தமிழ்நாட்டின், தருமபுரி மாவட்டம், பாப்பிரெட்டிப்பட்டி வட்டத்துக்கு உட்பட்ட ஒரு வருவாய் கிராமம் ஆகும். இந்த கிராமத்தின் குறியீட்டு எண் 636 904. இது பே. தாதம்பட்டி ஊராட்சிக்கு உட்பட்டது.

அமைவிடம்

இந்த ஊரானது மாவட்ட தலைநகரான தருமபுரியிலிருந்து 50 கிலோமீட்டர் தொலைவிலும், பாப்பிரெட்டிப்பட்டியில் இருந்து 17 கிலோமீட்டர் தொலைவிலும் தொலைவிலும் உள்ளது. மேலும் இவ்வூரானது கடல்மட்டத்தில் இருந்து சராசரியாக 400 மீட்டர் உயரத்தில் இருக்கிறது. இவ்வூரின் அமைவிடம் 11°57'55.5"N 78°28'14.2"E ஆகும்.

மக்கள் வகைப்பாடு

2011 மக்கள் தொகை கணக்கெடுப்பின்படி இந்த ஊரில் 250 குடும்பங்களும் 1032 மக்களும் வசிக்கின்றனர். இதில் 517 ஆண்களும் 515 பெண்களும் அடங்குவர்.

வாச்சாத்தி வன்முறை

இந்த சிற்றூரில் பழங்குடியினர் பெருமளவில் வாழ்கின்றனர். 1992 சூன் 20-22 தேதிகளில் வாச்சாத்தி கிராம மக்கள் மீது தமிழ்நாட்டுக் காவல்துறையினர், தமிழ்நாடு வனத்துறையினர் மற்றும் வருவாய்த்துறையினர் நடத்திய வன்முறை/வன்கொடுமைத் தாக்குதல்களே நிகழ்வே வாச்சாத்தி வன்முறை எனப்படுகின்றது. காவல் துறையினர், வனத்துறையினர், வருவாய்த்துறையினரின் இந்த வன்முறைச் செயலில் 34 பேர் உயிரிழந்தார்; 18 பெண்கள் வன்புணரப்பட்டனர். 28 சிறார்கள் பாதிக்கப்பட்டனர். இந்த நிகழ்வை அடிப்படையாக கொண்டு வாச்சாத்தி என்ற திரைப்படம் 2012 இல் வெளியானது.