வாசுமத் மஞ்சள்
| வாசுமத் மஞ்சள்i (वसमत हळद) | |
|---|---|
 | |
| குறிப்பு | மஞ்சள் வகை-மகாராட்டிரம் |
| வகை | மஞ்சள் |
| இடம் | பாசுமத் வட்டம், கிங்கோலி மாவட்டம் |
| நாடு | இந்தியா |
| பதிவுசெய்யப்பட்டது | 30 மார்ச் 2024 |
| அதிகாரப்பூர்வ இணையதளம் | ipindia.gov.in |
வாசுமத் மஞ்சள் (Vasmat turmeric) என்பது இந்திய மாநிலமான மகாராட்டிராவில் முக்கியமாக வளர்க்கப்படும் மஞ்சள் வகையாகும். இது மகாராட்டிராவின் மராத்வாடா பிராந்தியத்தின் கிங்கோலி மாவட்டத்தில் பொதுவாகவும் பரவலாகவும் பயிரிடப்படும் பயிராகும்.[1] கிங்கோலி, பர்பணி, நாந்தேட், வாசிம், அகோலா மாவட்டங்களில் மஞ்சள் சாகுபடி முக்கியமானது. இந்த பிராந்தியத்தில் மஞ்சள் சாகுபடியின் கீழ் கிங்கோலி மாவட்டம் மிகப்பெரிய பரப்பளவைக் கொண்டுள்ளது.[2]
இந்த மஞ்சள் புவியியல் குறியீட்டு குறிச்சொல்லின் கீழ், இது "வாசுமத் மஞ்சள்" என்று குறிப்பிடப்படுகிறது.[3]
பெயர்
[தொகு]கிங்கோலி மாவட்டத்தின் பாசுமத் வட்டத்தில் விளையும் வாசுமத் மஞ்சள் (வாஸ்மத் ஹால்தி) ஒரு மதிப்புமிக்க பயிராகும். ஏனெனில் இங்கு அதிகமாக இந்த மஞ்சள் உற்பத்தி ஆவதால் இதன் பெயரால் அழைக்கப்படுகிறது.[4] (ஹலாத் அல்லது ஹல்தி என்றால் மராத்தியில் மஞ்சள் என்று பொருள்). வஸ்மத் அல்லது பஸ்மத் அல்லது வசுமத் என்பது இதே பெயரின் மாறுபாடுகள் ஆகும்.[5]
விளக்கம்
[தொகு]வாசுமத் மஞ்சள் என்றும் அழைக்கப்படும் வஸ்மத் ஹல்தியில் குர்க்குமின் இருப்பதால் சுவை மற்றும் நிறத்தை வழங்கும் தனித்துவமான பண்பு கொண்டது. இதன் தரம், சுவை, தோற்றம், நறுமணம், நிறம், இதன் ஆயுளுடன் சேர்ந்து, இதை தனித்துவமாக்குகிறது. இப்பயிர் விளையும் பகுதியின் காலநிலை நிலை, மண்ணின் பண்பு, நீரின் தரம், சிறப்பு வளர்ப்பு முறை வாசுமத் மஞ்சளின் ஊட்டச்சத்து, மருத்துவ மற்றும் இரசாயன பண்புகளுக்கு பங்களிக்கின்றன. வாசுமத் மஞ்சள் அதன் வேர்பாடுகளுக்காக வெப்பமண்டல காலநிலைகளில் பயிரிடப்படுகிறது. மேலும் பெரிய நீள்வட்ட இலைகளுடன் ஒரு குறுகிய தண்டைக் கொண்டுள்ளது. மஞ்சல் வேரினை அரைத்து பசை அல்லது உலர்ந்த தூளாக அரைத்துப் பயன்படுத்தலாம். வாசுமத் மஞ்சளின் உற்பத்தியாளர்கள் பாரம்பரிய, கரிம சாகுபடி செயல்முறைகளைப் பின்பற்றுகிறார்கள். இது பண்டைய காலங்களிலிருந்து நடைமுறையில் உள்ளது. நன்கு அறியப்பட்ட மஞ்சள் வகையான 'சேலம்' இன் தாய் வேர் தண்டு ஏற்றுமதியாளராக இப்பகுதி உள்ளது.[6][7]
இது வீட்டு பயன்பாட்டிற்கு மட்டுமல்லாமல் பல்வேறு மத விழாக்கள் மற்றும் ஆன்மீக விழாக்களிலும் பயன்படுத்தப்படுகிறது. வாசுமத் மஞ்சள் என்பது ஆயுர்வேதம், யுனானி மற்றும் சித்த மருத்துவத்தில் பரவலாகப் பயன்படுத்தப்படும் ஒரு மருத்துவத் தாவரமாகும். இது பல்வேறு நோய்களுக்கு வீட்டு வைத்தியமாகவும் பயன்படுத்தப்படுகிறது. வாசுமத் மஞ்சள் ஒரு சுவையூட்டும் பொருளாகவும், வண்ணமயமாக்கல் பொருளாகவும் சமையலில் முக்கிய மூலப்பொருளாகவும் பயன்படுத்தப்படுகிறது. புற்றுநோய் எதிர்ப்பு மற்றும் தீநுண்மி எதிர்ப்பு பண்புகள் காரணமாக இது மருந்து மற்றும் ஒப்பனை தொழில்களிலும் பயன்படுகிறது.
படங்கள்
[தொகு]இரித்துரா கிராமத்தைச் சேர்ந்த வாசுமத் மஞ்சல் விவசாயி வழங்கிய புகைப்படங்கள்.
-
அறுவடைச் செய்யப்பட்ட மஞ்சள் செடி -
உலரவைக்கப்பட்ட மஞ்சள் -
மஞ்சள் குமிழ்
புவிசார் குறியீடு
[தொகு]வாசுமத் மஞ்சளுக்கு இந்தியாவில் மத்திய அரசின் கீழ் உள்ள புவியியல் குறியீடுகள் பதிவேட்டில் புவியியல் குறி நிலை 30 மார்ச் 2024 அன்று வழங்கப்பட்டது. இது 19 அக்டோபர் 2031 வரை செல்லுபடியாகும்.
வாசுமத் நகரைச் சேர்ந்த பாலசாகேப் தாக்கரே அரித்ரா ஆராய்ச்சி மற்றும் பயிற்சி மையம், வாசுமத் மஞ்சள் புவிசார் குறியீட்டு பதிவை முன்மொழிந்தது.[8][9][6] அக்டோபர் 2021இல் விண்ணப்பத்தை தாக்கல் செய்த பிறகு, மஞ்சளுக்கு 2024ஆம் ஆண்டில் சென்னை உள்ள புவியியல் குறியீட்டு பதிவேட்டில் புவிசார் குறியீடு வழங்கப்பட்டது. இதனால் "வாசுமத் மஞ்சள்" என்ற பெயர் இப்பகுதியில் பயிரிடப்படும் மஞ்சளுக்கு பிரத்தியேகமாக அமைந்தது. இதனால் சாங்லி மஞ்சளுக்குப் பிறகு மகாராட்டிராவிலிருந்து மூன்றாவது மஞ்சள் வகையாகவும், புவியியல் குறியீட்டைப் பெற்ற மகாராட்டிராவிலிருந்த 37ஆவது பொருட்களாகவும் இது மாறியது.
மேலும் காண்க
[தொகு]மேற்கோள்கள்
[தொகு]- ↑ Service, Express News (8 March 2021). "Exports, supply constraint push turmeric price up". The New Indian Express (in ஆங்கிலம்). Retrieved 25 December 2024.
- ↑ "How turmoil in Bangladesh is affecting turmeric export in Hingoli". Hindustan Times. https://www.hindustantimes.com/cities/pune-news/how-turmoil-in-bangladesh-is-affecting-turmeric-export-in-hingoli-101723141384531.html.
- ↑ "Vasmat Haldi (Turmeric)". Intellectual Property India. Retrieved 25 December 2024.
- ↑ "Turmeric Growth and development under Tropical Nursery Conditions at Basmath Tahsil of Hingoli district in Maharashtra". ResearchGate GmbH. Retrieved 25 December 2024.
- ↑ "Basmath, Election Result 2024 Live: Winning And Losing Candidates & Parties, 2019 vs 2024 Results, Voting Percentage, Exit Polls-News18 Assembly Election 2024 Result News" (in en). News18. https://www.news18.com/elections/assembly/maharashtra/basmath-constituency-s13aed2008a092/.
- ↑ 6.0 6.1 "Rs 10 crore released for new turmeric centre at Hingoli in Maharashtra". The Times of India. 20 February 2023. https://timesofindia.indiatimes.com/city/aurangabad/10-crore-released-for-new-turmeric-centre-at-hingoli/articleshow/98077666.cms.
- ↑ "Study the Profile of the Turmeric Growers in Hingoli District, India" (PDF). International Journal of Current Microbiology and Applied Sciences (IJCMAS). Retrieved 25 December 2024.
- ↑ "National Turmeric Board to help push turmeric exports to $1 billion by 2030" (in en). BusinessLine. 4 October 2023. https://www.thehindubusinessline.com/economy/agri-business/national-turmeric-board-to-help-push-turmeric-exports-to-1-billion-by-2030/article67380411.ece.
- ↑ "Delhi Polls: Congress Releases 2nd List Of Candidates, Fields Farhad Suri Against Manish Sisodia" (in en). News18. https://www.news18.com/elections/delhi-polls-congress-releases-2nd-list-of-candidates-fields-farhad-suri-against-manish-sisodia-9167561.html.