வலைவாசல்:துடுப்பாட்டம்/சிறப்புக் கட்டுரை/3

முத்தையா முரளிதரன் (Muttiah Muralitharan, பிறப்பு: ஏப்ரல் 17, 1972, கண்டி) (பொதுவாக முரளி என்றும் அழைக்கப்படுகிறார்). இலங்கையின் மலையகத் தமிழரான இவர் இலங்கைத் துடுப்பாட்ட அணியின் முன்னாள் சுழற்பந்து வீச்சாளர் ஆவார். 2002 ஆம் ஆண்டில் விசுடன் துடுப்பாட்டாளர்களின் நாட்குறிப்பானது இவரை தேர்வுத் துடுப்பாட்ட வரலாற்றில் மிகச்சிறந்த பந்து வீச்சாளர் எனக் குறிப்பிடுகிறது.

இவர் தேர்வு துடுப்பாட்டப் போட்டிகளில் விளையாடி 800 மட்டையாளர்களை வீழ்த்தி சாதனை படைத்துள்ளார். சூலை 22, 2010 இல் தேர்வுத் துடுப்பாட்டப் போட்டிகளிலிருந்து ஓய்வு பெற்றார். ஒருநாள் பன்னாட்டுத் துடுப்பாட்டத்திலும், தேர்வுத் துடுப்பாட்டத்திலும் அதிக மட்டையாளர்களை வீழ்த்தியவர் என்ற சாதனையைப் படைத்துள்ளார். இவர் ஐசிசியின் புகழவையில்(Hall of Fame) இடம்பிடித்த ஒரே இலங்கை வீரர் ஆவார்.