வரைபலகை

வரைபடப் பலகை (வரைபட மேசை, வரைவுக் கலை மேசை அல்லது கட்டடக் கலைஞரின் மேசை) என்பது, அதன் பழமையான வடிவத்தில், ஒரு பன்முகப் பயன்பாட்டு மேசையாகும். இது ஒரு பெரிய காகிதத்தில் வரைதல், எழுதுதல் அல்லது உடனுக்குடன் வரைபடம் தீட்டுதல், பெரிய அளவிலான புத்தகம் அல்லது பிற பெரிய ஆவணங்களைப் படித்தல், துல்லியமான தொழில்நுட்ப விளக்கப்படங்களை (பொறியியல் வரைபடங்கள் அல்லது கட்டடக் கலை வரைபடங்கள் போன்றவை) வரைதல் ஆகியவற்றிற்குப் பயன்படுத்தப்படலாம். தொழில்துறைக்கு முந்தையதும், தொடக்ககால தொழில்துறை காலத்திலும், ஆய்வறை அல்லது தனிப்பட்ட நூலகத்தில் தூண் மேசையுடன் இணைந்த ஒரு முதன்மைத் துணையாக இவ்வரைபட மேசை விளங்கியது.

தொழிற்புரட்சியின் போது, வரைபடக் கலை (வரைபட வடிவமைப்பு) படிப்படியாக ஒரு தனித்துவமான கைத்தொழிலாக மாறியது; வரைபட மேசைகளும் பெரும்பாலான மேல்தட்டு மக்களின் நூலகங்களிலிருந்தும், அலுவலகங்களிலிருந்தும் மெல்ல வெளியேறின. அவை பயன்பாட்டு நோக்கம் கொண்டவையாக மாறி, நுண்சீர்மிகு மரங்கள், பித்தளை ஆகியவற்றிற்குப் பதிலாக எஃகு, நெகிழி கொண்டு தயாரிக்கப்பட்டன.