வருடை

வருடைமான், வரைவு-ஓவியம்

வருடைமான்

வருடை, வருடைமான், என வழங்கப்பட்ட விலங்கினம் காடுகளில் தானே மேயும் மானினம் அல்லது ஆட்டினம்.

வருடைமான் பற்றிய சங்கநூல் குறிப்புகள்

வருடையின் கால் நகங்கள் நாயின் நகங்கள் போல இருக்கும்.

வருடைக் குட்டி மலைப்பாறைகளின் மேல் ஏறி இறங்கி விளையாடும்.

வருடை குத்துநிலைப் பாறைகளிலும் ஏறும் \செவ்வரைச் சேக்கை வருடைமான் மறி

வருடை அச்சம் தரும் பாறை அடுக்கங்களில் பாய்ந்து சண்டையிட்டுக்கொண்டு விளையாடும். தலைவன் தந்த ஆடை அந்த அடுக்கங்களில் பறித்துவந்து தைக்கப்பட்டது.

வருடை தன் குடும்ப இனத்தை ஆட்டிவைக்கத் துள்ளி விளையாடும்போது பெரிய கலைமான்களும் சேர்ந்து விளையாடும்

வருடையை அதன் குழவிப் பருவத்திலேயே பிடித்துவந்து மக்கள் வளர்ப்பது உண்டு.

வருடை கிளிகளை வெறுக்கும்

வருடைக்குட்டியானது படுத்துறங்கும் பெண்யானை மேல் ஏறி விளையாடும்

வருடை தண்டாரணிய நிலப்பகுதியிலும், நன்னன் நாட்டு மலைப்பகுதிகளிலும் மிகுதியாக வாழ்ந்தன.

வரைவாழ் வருடை, நன்னன் மலையில் காணப்பட்டதாகக் குறிப்பிடப்பட்டுள்ள 12 விலங்கினத்தில் ஒன்று,

மலைபடுகடாம் நன்னன் மலைநாட்டில் வாழ்ந்த 12 விலங்கினம்

1. ஆமான் – மடநடை போடும்
2. உடும்பு – அரக்கு போல் பிடி விடாத்து
3. உழுவை – அளைக்குகைகளில் வாழ்வது
4. கரடிக்குட்டி, எண்குக் குருளை – குடா அடி கொண்டது, ஊமை
5. கழுகு – பாம்பைக் கொன்று உண்ணும் தீர்வை
6. கானக்கோழி – (விட்டிசை போல்) கவர்குரல் எழுப்பும்
7. தகர் – வலிமையான தலை கொண்ட ஆடு
8. புலி, - கவர்பரிக் கொடுந்தாள்
9. மஞ்ஞை – மலைக்கு அழகு தரும் மயில்
10. மரையான் குழவி – பெரிய காதுகளைக் கொண்டது
11. யானக்குட்டி - கயமுனிக் குழவி
12. வருடை, - வரையில் வாழ்வன

வருடையை ஒப்புமையால் மேழ-ஓரை (மேஷ ராசி) என்று கூறி நாள் குறிக்கின்றனர்.
வருடையைச் சரபம் என்னும் எட்டுக்கால் விலங்கு என்பது புராணச் செய்தி.