உள்ளடக்கத்துக்குச் செல்

லீலை (2012 திரைப்படம்)

கட்டற்ற கலைக்களஞ்சியமான விக்கிப்பீடியாவில் இருந்து.
லீலை
இயக்கம்ஆண்ட்ரூ லூயிஸ்
தயாரிப்புரமேஷ் பாபு
கதைஆண்ட்ரூ லூயிஸ்
இசைசதீஷ் சக்ரவர்த்தி
நடிப்பு
ஒளிப்பதிவுவேல்ராஜ்
படத்தொகுப்புசரவணன்
கலையகம்ஆர் பிலிம்ஸ்
விநியோகம்ஆஸ்கார் பிலிம் பிரைவேட். லிமிடெட்
வெளியீடு27 ஏப்ரல் 2012
நாடுஇந்தியா
மொழிதமிழ்

லீலை (Leelai) என்பது 2012 ஆம் ஆண்டு ஆன்ரூ லூயிஸ் இயக்கத்தில் வெளியான இந்தியத் தமிழ்த் திரைப்படமாகும். இந்த படம் சதிஷ் சக்ரவர்த்தி இசையில் ஆஸ்கார் பிலிம் பிரைவேட். லிமிடெட் நிறுவனத்தின் கீழ் ரமேஷ் பாபு தயாரிப்பில் உருவாக்கப்பட்டது. இந்த திரைப்படம் ஷிவ் பண்டிட், மானசி பரேக், சந்தானம் மற்றும் பலர் நடிப்பில்,[1] 27 ஏப்ரல் 2012 இல் வெளியாகி, நல்ல விமர்சனங்களை பெற்றது.[2][3]

கதைச்சுருக்கம்[தொகு]

மலர், மோனா, காயத்ரி ஆகிய மூன்று தோழிகளும் ஒரே கல்லூரியில் பயின்று வருகின்றனர். மலர் (மானசி) வேண்டாம் என்று கண்டித்தும், மோனா கார்த்திக்கை (ஷிவ் பண்டிட்) காதல் செய்தாள். அதனால், மலருக்கும் கார்த்திக்கிற்கும் மோதல் ஏற்படுகிறது. பின்னர், மோனாவும் காரத்திக்கும் பிரிய நேரிடுகிறது. பின்னர், காயத்திரியும் கார்த்திக்கும் காதல் செய்தனர். அதையும் மலர் கண்டித்தாள். பின்னர், காயத்திரி-கார்த்திக் காதல் முறிந்தது.

பல ஆண்டுகள் கழித்து, கார்த்திக்கும் மலரும் ஒரே நிறுவனத்தில் பணி புரிந்தனர். கார்த்திக்கின் லீலைகளை மன்னிக்காத மலரிடம், தன் பெயர் சுந்தர் என்று பொய் சொல்லி ஆள் மாறாட்டம் செய்கிறான் கார்த்திக். மலர் சுந்தரை விரும்புகிறாள். மலரின் தோழி சுஜாவிற்கு இந்த ஆள் மாறாட்டம் குறித்து தெரிய வருகிறது. இறுதியில், கார்த்திக் - மலர் காதலுக்கு என்னவானது என்பதே மீதிக் கதையாகும்.

நடிகர்கள்[தொகு]

  • ஷிவ் பண்டிட் - கார்த்திக் / சுந்தர்
  • மானசி பரேக் - கருணை மலர்
  • சந்தானம் - விக்கி
  • சுஹாசினி ராஜு - சுஜா
  • மாயா - மோனா
  • விபா நடராசன் - காயத்திரி
  • லட்சுமி ராமகிருஷ்ணன் - கார்த்திக்கின் அம்மா
  • பாய்ஸ் ராஜன் - மலரின் அப்பா
  • லொள்ளு சபா ஈஸ்டர் - விக்கியின் நண்பர்

ஒலிப்பதிவு[தொகு]

இந்த் திரைப்படத்தின் பின்னணி மற்றும் பாடல்களின் இசையை அமைத்தவர் சதிஷ் சக்ரவர்த்தி ஆவார்.[4] மேலும், இரண்டு பாடல்களுக்கு அவர் பாடலாசிரியராகவும் இருந்தார். [5]

தயாரிப்பு[தொகு]

இந்த படத்தின் படப்பிடிப்பு 2008 மே மாதம்துவங்கப்பட்டது, தயாரிப்பு தாமதங்களை தாண்டி, 27 ஏப்ரல் 2012 அன்று வெளியான இப்படம் நல்ல விமர்சனங்களைப் பெற்றது. ஆன்ரூ லூயிஸ் லீலையின் கதையை சொல்லி இரண்டு மாதத்திற்கு பிறகு, ரவிச்சந்திரன் தயாரிக்க ஒப்புக்கொண்டார்.[6]

வரவேற்பு[தொகு]

இந்தப் படம் பெரும்பாலும் நல்ல விமர்சனத்தைப் பெற்றது. "விடுமுறை நாட்களில், குடும்பத்துடன் பார்க்கத் தக்க நகைச்சுவை நிறைந்த படம்" என்று விமர்சனம் செய்யப்பட்டது.

மேற்கோள்கள்[தொகு]

  1. "Cinema Plus / Columns : Scouting around". The Hindu. 2009-09-11. Archived from the original on 2009-09-14. பார்க்கப்பட்ட நாள் 2012-04-27.
  2. "Shiv Panditt makes Tamil debut". Indian Express. 2011-07-15. பார்க்கப்பட்ட நாள் 2012-04-27.
  3. "Leelai Tamil Movie Review - cinema preview stills gallery trailer video clips showtimes". IndiaGlitz. 2012-04-27. Archived from the original on 2 October 2008. பார்க்கப்பட்ட நாள் 2012-08-18.
  4. "Cinema Plus / Music : Music in the making". The Hindu. 2009-09-25. Archived from the original on 2012-11-10. பார்க்கப்பட்ட நாள் 2012-04-27.
  5. "Cinema Plus / Columns : Fresh notes". The Hindu. 2009-06-26. Archived from the original on 2009-06-29. பார்க்கப்பட்ட நாள் 2012-04-27.
  6. "Cinema Plus / Columns : Leelai with newcomers". The Hindu. 2008-11-07. Archived from the original on 2008-11-10. பார்க்கப்பட்ட நாள் 2012-04-27.

வெளி இணைப்புகள்[தொகு]

"https://ta.wikipedia.org/w/index.php?title=லீலை_(2012_திரைப்படம்)&oldid=3835446" இலிருந்து மீள்விக்கப்பட்டது