லான்சு குளுசுனர்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
லான்சு குளுசுனர்
தென்னாப்பிரிக்கா கொடி தென்னாபிரிக்கா
இவரைப் பற்றி
முழுப்பெயர் லான்சு குளுசுனர்
பட்டப்பெயர் ஸூலூ
பிறப்பு 4 செப்டம்பர் 1971 (1971-09-04) (அகவை 46)
டர்பன், நடால் மாகாணம், தென்னாபிரிக்கா
வகை சகலத்துறையர்
துடுப்பாட்ட நடை இடதுகை துடுப்பாட்டம்
பந்துவீச்சு நடை வலதுகை விரைவு மிதம்
அனைத்துலகத் தரவுகள்
முதற்தேர்வு (cap 265) 27 நவம்பர், 1996: எ இந்தியா
கடைசித் தேர்வு 8 ஆகத்து, 2004: எ இலங்கை
முதல் ஒருநாள் போட்டி (cap 40) 19 சனவரி, 1996: எ இங்கிலாந்து
கடைசி ஒருநாள் போட்டி 19 செப்டம்பர், 2004:  எ மேற்கிந்தியத் தீவுகள்
உள்ளூர் அணித் தரவுகள்
ஆண்டுகள் அணி
1991-2004 குவாசுலு-நடால் துடுப்பாட்ட அணி
2002 நாட்டிங்காம்சையர்
2004 மிடில்செக்ஸ்
2004-2007 டொல்பின் துடுப்பாட்ட அணி
2004-2008 நார்த்தாம்டன் (squad no. 4)
2006-2008 ராயல் பெங்கால் டைகர்ஸ்
வாழ்நாள் புள்ளிவிவரங்கள்
தே ஒரு முத ஏ-தர
ஆட்டங்கள் 49 171 197 323
ஓட்டங்கள் 1906 3576 9521 6623
துடுப்பாட்ட சராசரி 32.86 41.10 42.69 39.89
100கள்/50கள் 4/8 2/19 21/48 3/34
அதிக ஓட்டங்கள் 174 103* 202* 142*
பந்து வீச்சுகள் 6887 7336 31735 13433
இலக்குகள் 80 192 508 332
பந்துவீச்சு சராசரி 37.91 29.95 30.40 31.63
சுற்றில் 5 இலக்குகள் 1 6 20 8
ஆட்டத்தில் 10 இலக்குகள் 0 - 4 -
சிறந்த பந்துவீச்சு 8/64 6/49 8/34 6/49
பிடிகள்/ஸ்டம்புகள் 34/- 35/- 99/- 82/-

1 அக்டோபர், 2009 தரவுப்படி மூலம்: Cricinfo

லான்சு குளுசுனர் (Lance Klusener, பிறப்பு 4 செப்டம்பர் 1971) சகலத் துறையராக விளங்கிய முன்னாள் தென்னாபிரிக்க துடுப்பாட்டக்காரர் ஆவார். இவரது அதிரடி துடுப்பாட்டத்திற்காகவும் அலையுறு விரைவு வீச்சிற்காகவும் அறியப்பட்டவர். இவர் சூலு மொழியை நன்கு அறிந்திருந்தமையால் "சூலு" என்று செல்லமாக அழைக்கப்பட்டார். 1999 துடுப்பாட்ட உலகக்கிண்ணப் போட்டிகளில் சிறப்பாக விளையாடி உலகக்கிண்ண நாயகனாக தெரிவானார். தென்னாபிரிக்காவின் மிகுந்த திறனுள்ள துடுப்பாளராக விளங்கினார்.

இவரின் ஒருநாள் பன்னாட்டுத் துடுப்பாட்ட மட்டையாளர் சராசரி 41.0 ஆகவும், பந்து வீச்சு சராசரி 29.0 ஆகவும் உள்ளது. சிறந்த தென்னாபிரிக்கத் துடுப்பாட்ட அணியின் வீரர்களில் ஒருவராக அறியப்படுகிறார். முதல் தரத் துடுப்பாட்டங்களிலும் சிறப்பான பங்களிப்பை அளித்துள்ளார். முதல்தரத் துடுப்பாட்டங்களில் மட்டையாளர் சராசரி 43.0 ஆகவும், பந்து வீச்சு சராசரி 30.0 ஆகவும் உள்ளது.

சர்வதேச போட்டிகள்[தொகு]

1996-1997 ஆம் ஆண்டில் கொல்கத்தா, ஈடன் கார்டன்ஸ் அரங்கத்தில் இந்தியத் துடுப்பாட்ட அணிக்கு எதிரான இரண்டாவது தேர்வுத் துடுப்பாட்டத்தில் , தென்னாபிரிக்கத் துடுப்பாட்ட அணியில் அறிமுகமானார். துவக்கத்தில் பந்துவீச்சிற்காக அணியில் சேர்க்கப்பட்டார். அந்த சமயத்தில் முகமது அசாருதீன் போன்ற வீரர்கள் இந்திய அணியில் இருந்தனர். முதல் பகுதி ஆட்டத்தில் இவரின் பந்துவீச்சில் அசாருதீன் தொடர்ச்சியாக நான்கு, நான்குகள் (ஃபோர்) அடித்தார். ஆனால் இரண்டாவது பகுதியில் சிறப்பாக பந்து வீசிய இவர் 64 ஓட்டங்கள் மட்டுமே விட்டுக் கொடுத்து 8 இலக்குகள் எடுத்தார். இந்த பந்துவீச்சே இவரின் சிறப்பான பந்துவீச்சு ஆகும்.[1]

குளூசுனர் ஒருநாள் பன்னாட்டுத் துடுப்பாட்டங்களில் சிறப்பான பங்களிப்பை அளித்ததன் மூலம் பரவலாக அறியப்படுகிறார். குறிப்பாக அதிரடி மட்டையாளர்களுக்கு இவர் அச்சுறுத்தும் வகையில் பந்து வீசினார். 1999 துடுப்பாட்ட உலகக்கிண்ணத் தொடரில் சிறப்பாக செயல்பட்டதன் மூலம் தொடர்நாயகன் விருதினைப் பெற்றார். அதே தொடரில் மட்டையாளராகவும் தனது பங்களிப்பை சிறப்பான முறையில் அளித்து அணி இறுதிப் போட்டிக்குச் செல்வதில் மிக முக்கியமான பங்காற்றினார். அடிபந்தாட்டம் போன்ற இவரின் பாங்கு மூலமாக சிறப்பாக செயல்பட்டார். மேலும் 2000 ஆம் ஆண்டின் சிறந்த துடுப்பாட்ட வீரராக இவரை விசுடன் துடுப்பாட்டாளர்களின் நாட்குறிப்பு அறிவித்தது.


குளூசுனரின் கனுக்காலில் ஏற்பட்ட காயத்திலிருந்து இவரின் துடுப்பாட்ட வாழ்க்கையில் வீழ்ச்சி ஏற்பட்டது. மேலும் தென்னாபிரிக்கத் துடுப்பாட்ட அணியின் தலைவர் கிரயெம் சிமித் உடனான சில பிரச்சினைகளும் இவரின் வீழ்ச்சிக்கு அடித்தளமிட்டன. தென்னாப்பிரிக்கத் துடுப்பாட்ட அணியில் உள்ள இளம்வீரர்களுக்கு குளூசுனர் அச்சுறுத்தும் வீரராக உள்ளார் என கிரெயம் சிமித் தெரிவித்தார்.[2] இருந்தபோதிலும் இவர்கள் இருவரும் தங்களுக்கு இடையே இருந்த வேற்றுமைகளை மறந்தனர்.[3][4]

இவர் மொத்தமாக 49 தேர்வுத் துடுப்பாட்டப் போட்டிகளில் விளையாடி 1,906 ஓட்டங்களும் 80 இலக்குகளையும் வீழ்த்தியுள்ளார். இவரின் அதிகபட்ச ஒட்டங்கள் 174 ஆகவும், சிறந்த பந்துவீச்சு இந்தியத் துடுப்பாட்ட அணிக்கு எதிரான 8/64 ஆகும். ஒருநாள் பன்னாட்டுத் துடுப்பாட்டங்களில் 171 போட்டிகளில் விளையாடி 3,576 ஓட்டங்கள் எடுத்துள்ளார். அதிகபட்சமாக 103 ஓட்டங்களை 41.1 எனும் சராசரியுடன் எடுத்தார். மேலும் 192 இலக்குகளையும் வீழ்த்தினார். இவரின் சிறந்த பந்துவீச்சு 6/49 ஆகும்.

ஒருநாள் துடுப்பாட்ட நூறுகள்[தொகு]

ஒருநாள் துடுப்பாட்ட நூறுகள்
வ எ ஓட்டங்கள் போட்டிகள் எதிரணி நகரம்/நாடு இடம் நாள் முடிவு
[1] 103* 49 Flag of New Zealand.svg நியூசிலாந்து நியூசிலாந்து கொடி ஓக்லாந்து ஈடன் பார்க் 20 பெப்ரவரி1999 தோல்வி
[2] 101* 64 Flag of Zimbabwe.svg சிம்பாப்வே சிம்பாப்வேயின் கொடி நைரோபி ஜிம்கானா துடுப்பாட்ட அரங்க, 28 செப்டம்பர் 1999 வெற்றி

வெளியிணைப்புகள்[தொகு]

சான்றுகள்[தொகு]

  1. "2nd Test: India v South Africa at Kolkata, Nov 27 – Dec 1, 1996". espncricinfo. பார்த்த நாள் 2011-12-13.
  2. Smith: Klusener can "ruin a team", Cricinfo, retrieved on 18 April 2009
  3. Klusener offers olive branch to Smith, Cricinfo, retrieved on 18 April 2009
  4. Klusener back in action, BBC Sport, retrieved on 18 April 2009
"https://ta.wikipedia.org/w/index.php?title=லான்சு_குளுசுனர்&oldid=2520810" இருந்து மீள்விக்கப்பட்டது