லவ்டேல் தொடருந்து நிலையம் (Lovedale railway station,நிலையக் குறியீடு:LOV) இந்தியாவின், தமிழ்நாட்டில், நீலகிரி மாவட்டத்தில் உள்ள லவ்டேல் என்னும் இடத்தில் அமைந்துள்ள ஒரு தொடருந்து நிலையமாகும்.
உதகமண்டலம் நகரத்திற்கு தெற்கே உள்ள லவ்டேல் என்ற பகுதியில் இந்த தொடருந்து நிலையம் இயங்குகிறது. 1908 ஆம் ஆண்டு அமைக்கப்பட்ட நீலகிரி மலை இரயில் பாதையில் இடம்பெற்றுள்ள தொடருந்து நிலையங்களில் இதுவும் ஒன்றாகும். குறிப்பிடத்தக்க சுற்றுலாத்தலமாகவும் லவ்டேல் தொடருந்து நிலையப் பகுதி கருதப்படுகிறது. இந்த தொடருந்து நிலையம் ஒரு உலக பாரம்பரியக் களமாகும். ஊட்டிக்கு சுற்றுலா வரும் பயணிகள் விரும்பி பயணித்து வந்து தங்குமிடமாகவும் இத்தளம் கருதப்படுகிறது. இது தென்னக இரயில்வேக்கு உட்பட்ட சேலம் கோட்டத்தின் கீழ் செயல்படுகிறது.[1]
