ரோகித் சர்மா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ரோகித் சர்மா
Rohit Sharma November 2016 (cropped).jpg
2016இல் ரோகித் சர்மா
இந்தியாவின் கொடி இந்தியா
இவரைப் பற்றி
முழுப்பெயர் ரோகித் குருநாத் சர்மா
பட்டப்பெயர் ஹிட்மேன்[1][2]
பிறப்பு 30 ஏப்ரல் 1987 (1987-04-30) (அகவை 32)
நாக்பூர், மகாராட்டிரம், இந்தியா
உயரம் 5 ft 8 in (1.73 m)
வகை மட்டையாளர்
துடுப்பாட்ட நடை வலது-கை
பந்துவீச்சு நடை வலது கை புறத்திருப்பம்
அனைத்துலகத் தரவுகள்
முதற்தேர்வு (cap 280) 6 நவம்பர், 2013: எ மேற்கிந்தியத் தீவுகள்
முதல் ஒருநாள் போட்டி (cap 168) 23 சூன், 2007: எ அயர்லாந்து
சட்டை இல. 45
முதல் இ20ப போட்டி (cap 17) 19 செப்டம்பர், 2007: எ இங்கிலாந்து
சட்டை இல. 45
உள்ளூர் அணித் தரவுகள்
ஆண்டுகள் அணி
2006/07–தற்போது மும்பை
2008–2010 டெக்கான் சார்ஜர்ஸ் (squad no. 45)
2011–தற்போது மும்பை இந்தியன்ஸ் (squad no. 45)
வாழ்நாள் புள்ளிவிவரங்கள்
தேர்வுஒ.நா.இ20பமு.த.
ஆட்டங்கள் 28 218 96 87
ஓட்டங்கள் 1,888 8,686 2,422 6,562
துடுப்பாட்ட சராசரி 44.95 48.52 32.72 54.23
100கள்/50கள் 5/10 27/42 4/17 20/30
அதிகூடிய ஓட்டங்கள் 177 264 118 309*
பந்து வீச்சுகள் 346 593 68 2,104
வீழ்த்தல்கள் 2 8 1 24
பந்துவீச்சு சராசரி 104.50 64.37 113.00 47.16
ஒரு ஆட்டத்தில் 5 வீழ்த்தல்கள் 0 0 0 0
ஒரு போட்டியில் 10 வீழ்த்தல்கள் 0 0 0 0
சிறந்த பந்துவீச்சு 1/26 2/27 1/22 4/41
பிடிகள்/இழப்புத் தாக்குதல்கள் 25/– 77/– 35/– 67/-

2 அக்டோபர், 2019 தரவுப்படி மூலம்: ESPN Cricinfo

ரோகித் குருநாத் சர்மா (Rohit Gurunath Sharma, பிறப்பு: ஏப்ரல் 30 1987, இந்தியத் துடுப்பாட்ட அணி வீரர் , ஒருநாள் பன்னாட்டுத் துடுப்பாட்டப் போட்டிகளில் அணியின் உதவித் தலைவராக உள்ளார். இவர் வலது கை மட்டையாளர் அவ்வப்போது வலது கை புறத்திருப்ப பந்து வீச்சாளர் ஆவார். மும்பை மாநில அணிக்காக உள்ளூர்ப் போட்டிகளிலும் இந்தியன் பிரீமியர் லீக் போட்டிகளில் மும்பை இந்தியன்ஸ் அணித் தலைவராக விளையாடி வருகிறார்.

தனது இருபதாம் வயதில் முதல் தரத் துடுப்பாட்டப் போட்டிகளில் விளையாடத் துவங்கினார். ஆனால் இவருக்கு தேசிய அணியில் 30 ஆவது வயதில் தான் இடம் கிடைத்தது. சூன் 23, 2007 ஆம் ஆண்டில் அயர்லாந்து துடுப்பாட்ட அணிக்கு எதிராக நடைபெற்ற ஒருநாள் பன்னாட்டுத் துடுப்பாட்டப் போட்டியில் அறிமுகமானார். 2013 ஆம் ஆண்டிலிருந்து துவக்க வீரராக நிலையான ஆட்டத்தை வெளிப்படுத்தி வருகிறார். நவம்பர், 2013 ஆம் ஆண்டில் மேற்கிந்தியத்தீவுகள் துடுப்பாட்ட அணிக்கு எதிராக நடைபெற்ற தேர்வுத் துடுப்பாட்டப் போட்டியில் அறிமுகமானார். அந்தத் தொடரில் முதல் இரண்டு போட்டிகளில் நூறு ஓட்டங்கள் அடித்தார். கொல்கத்தா, ஈடன் கார்டன்ஸ் அரங்கத்தில் நடைபெற்ற முதல் போட்டியில் 177 ஓட்டங்களும், வான்கேடே அரங்கத்தில் நடைபெற்ற இரண்டாவது துடுப்பாட்டப் போட்டியில் இறுதிவரை ஆட்டமிழக்காமல் 111* ஓட்டங்கள் எடுத்தார்.[3][4] தனது முதல் தேர்வுத் துடுப்பாட்டப் போட்டிகளில் விளையாடுவதற்கு முன்பாக 108 ஒருநாள் பன்னாட்டுத் துடுப்பாட்டப் போட்டிகளில் விளையாடியுள்ளார்.[5]

கொல்கத்தா, ஈடன் கார்டன்ஸ் மைதானத்தில் நவம்பர் 13, 2014 ஆம் ஆண்டில் இலங்கைத் துடுப்பாட்ட அணிக்கு எதிராக நடைபெற்ற ஒருநாள் பன்னாட்டுத் துடுப்பாட்டப் போட்டியில் 264 ஓட்டங்கள் எடுத்தார். இதன்மூலம் ஒருநாள் பன்னாட்டுத் துடுப்பாட்டப் போட்டிகளில் அதிக ஓட்டங்கள் எடுததவர் எனும் சாதனையைப் படைத்தார். தென்னாபிரிக்கத் துடுப்பாட்ட அணிக்கு எதிரான பன்னாட்டு இருபது20 போட்டியில் 106 ஓட்டங்கள் எடுத்தார். இதன் மூலம் தேர்வுத் துடுப்பாட்டம், ஒருநாள் பன்னாட்டுத் துடுப்பாட்டம், பன்னாட்டு இருபது20 ஆகிய மூன்று வடிவங்களிலும் நூறு ஓட்டங்கள் அடித்த இரண்டாவது இந்திய அணி வீரர் எனும் சாதனையைப் படைத்தார். இவரின் தலைமையின் கீழ் மும்பை இந்தியன்ஸ் அணி மூன்று முறை கோப்பை வென்றுள்ளது. 2015 ஆம் ஆண்டின் ஃபோர்ப்ஸ் இன் கருத்துக்கணிப்பின் படி 100 பிரபலமானவர்கள் பட்டியலில் புகழின் அடிப்படையில் 8 ஆவது இடமும் , வருமானத்தில் 46 ஆவது இடத்திலும் மொத்தமாக 12 ஆவது இடத்திலும் உள்ளார்.[6]

ஆரம்ப வாழ்க்கை[தொகு]

2015 உலகக்கிண்ணத்தின் போது ரோகித் சர்மா

ரோகித் சர்மா ஏப்ரல் 30, 1987 இல் பன்சோத்,நாக்பூர், மகாராட்டிரத்தில் பிறந்தார். இவரின் தாய் பூர்ணிமா சர்மா விசாகப்பட்டினத்தைச் சேர்ந்தவர்.[7] இவரின் தந்தை குருனாத் சர்மா . தனது தந்தையின் வருமானம் குறைவாக இருந்ததினால் ரோகித் சர்மா ,தனது தாத்தா- பாட்டி மற்றும் மாமாவுடன் போரிவலியில் வாழ்ந்து வந்தார்.[8] இவரது பெற்றோர்கள் தோம்பிவ்லியில் [9] ஒரு அறை மட்டும் உள்ள சிறிய வீட்டில் வசித்து வந்தனர். தனது விடுமுறையின் போது பெற்றோரைக் காணச் செல்வார்.[8] இவருக்கு விசால் சர்மா எனும் மூத்த சகோதரர் உள்ளார்.[9]

2019 துடுப்பாட்ட உலகக் கிண்ணம்[தொகு]

ஏப்ரல் 2019 இல் துடுப்பாட்ட உலகக் கிண்னத் துடுப்பாட்டத் தொடரில் இந்திய அணியின் துணைத் தலைவராக இவர் அறிவிக்கப்பட்டார்.[10][11] இந்திய அணியின் முதல் போட்டியில் தென்னாப்பிரிக்க அணிக்கு எதிரான [போட்டியில் 144 பந்துகளில் 122 ஓட்டங்கள் எடுத்தார். அதே போட்டியில் 12,000 ஓட்டங்கள் எடுத்தார். சூலை 6இல் நடைபெற்ற போட்டியில் நூறு ஓட்டங்கள் எடுத்ததன் மூலமாக ஒரே உலகக் கிண்னத் துடுப்பாட்டத் தொடரில் தொடர்ச்சியாக ஐந்து நூறுகள் அடித்த வீரர் எனும் உலக சாதனை படைத்தார்.[12] மேலும் அதிக நூறுகள் அடித்த சச்சின் டெண்டுல்கரின் சாதனையை இவர் சமன் செய்தார்.[13]

துடுப்பாட்ட சாதனைகள்[தொகு]

  • ஒருநாள் போட்டியொன்றில் அதிகபட்ச ஓட்டங்கள் (264 ஓட்டங்கள் 173 பந்துகளில் - எதிர் அணி இலங்கை - நாள்: 11/13/2014).[14]- உலக சாதனை.
  • ஒருநாள் போட்டிகளில் மூன்று முறை இருநூறு அடித்துள்ள ஒரே வீரர் - உலக சாதனை.[15]
  • ஒருநாள் போட்டிகளில் அதிக நான்குகளை (33) அடித்தவர்- உலகச் சாதனை (எதிர் அணி இலங்கை - நாள்: 11/13/2014).[16]
  • ஒருநாள் போட்டிகளில் அதிக ஆறுகளை (16) அடித்தவர்- உலகச் சாதனை (எதிர் அணி- ஆஸ்திரேலியா).
  • ஆஸ்திரேலியா அணிக்கு எதிரான போட்டிகளில் அதிக ஆறுகளை (65) அடித்த முதலாவது வீரர் இவருக்கு அடுத்த படியாக பிரண்டன் மெக்கல்லம் (61) உள்ளார்.
  • தனது இருபது20 பன்னாட்டுப் போட்டிகளில் அதிக ஓட்டங்களை எடுத்தவர்- அதிகமுறை நூறு அடித்தவர்- உலக சாதனை[17]
  • தேர்வுத் துடுப்பாட்டத்தில் முதல் வரிசையில் அறிமுகமான போட்டியில் இரு ஆட்டப்பகுதிகளிலும் நூறடித்த முதல் மட்டையாளர். (எதிர் அணி- தென்னாப்பிரிக்கா)[18]

பெற்ற விருதுகள்[தொகு]

மனைவியுடன் ரோகித் சர்மா

2013 மற்றும் 2014 ஆம் ஆண்டுகளில் ஈஎஸ்பிஎன் சிறந்த ஒருநாள் பன்னாட்டுத் துடுப்பாட்ட வீரர் விருதினைப் பெற்றுள்ளார்.[19] 2015 ஆம் ஆண்டின் ஈஎஸ்பிஎன் சிறந்த பன்னாட்டு இருபது20 மட்டையாளார் விருதினைப் பெற்றார்.[20] மேலும் இதே ஆண்டில் இந்திய அரசு இவருக்கு அருச்சுனா விருது வழங்கியது.[21]

மேற்கோள்கள்[தொகு]

  1. "I Like My Nickname 'Hitman' A Lot, Says Rohit Sharma". NDTV News. https://sports.ndtv.com/england-vs-india-2018/india-vs-england-i-like-my-nickname-hitman-a-lot-says-rohit-sharma-1880355?&tb_cb=1. பார்த்த நாள்: 9 July 2018. 
  2. "Rohit Sharma reveals origin of nickname “Hitman”". https://www.sportskeeda.com/cricket/rohit-sharma-reveals-origin-of-nickname-hitman. பார்த்த நாள்: 26 December 2017. 
  3. "Eden special for me, says Rohit Sharma". தி டைம்ஸ் ஆஃப் இந்தியா. PTI. 7 November 2013. http://timesofindia.indiatimes.com/west-indies-in-india-2013/top-stories/Eden-special-for-me-says-Rohit-Sharma/articleshow/25390032.cms. பார்த்த நாள்: 23 February 2014. 
  4. "Rohit debut ton, Ashwin fifty lift India". ESPN Cricinfo. பார்த்த நாள் 7 November 2013.
  5. "Records tumble as Amla, de Kock lead SA prance in Kimberley". Cricbuzz. பார்த்த நாள் 15 October 2017.
  6. "Rohit Sharma".
  7. "Telugu connection to Twenty20 World Cup". The Hindu. பார்த்த நாள் 30 January 2016.
  8. 8.0 8.1 "Forthcoming attraction". ESPNcricinfo. பார்த்த நாள் 30 January 2016.
  9. 9.0 9.1 "Rohit’s kept his promise". The Indian Express. பார்த்த நாள் 30 January 2016.
  10. "Rahul and Karthik in, Pant and Rayudu out of India's World Cup squad". ESPN Cricinfo. பார்த்த நாள் 15 April 2019.
  11. "Dinesh Karthik, Vijay Shankar in India's World Cup squad". International Cricket Council. பார்த்த நாள் 15 April 2019.
  12. "Rohit Sharma first batsman to hit five centuries in a World Cup". Times of India. பார்த்த நாள் 6 July 2019.
  13. "Rohit Sharma equals Sachin Tendulkar for most centuries in World Cup" (in en). Sportstar (The Hindu). https://sportstar.thehindu.com/cricket/icc-cricket-world-cup/rohit-sharma-equals-sachin-tendulkar-most-hundreds-world-cup/article28306606.ece. 
  14. Rohit Sharma's Record 264 Powers India to 404/5
  15. "One-Day Internationals – Most runs in an innings". Cricinfo. ESPN Sports Media Ltd. பார்த்த நாள் 31 July 2019.
  16. Rohit 264, Sri Lanka 251
  17. "Twenty20 Internationals – Most runs in a career". Cricinfo. ESPN Sports Media Ltd. பார்த்த நாள் 31 July 2019.
  18. https://www.indiatoday.in/sports/cricket/story/rohit-sharma-hundreds-in-each-innings-test-india-vs-south-africa-sunil-gavaskar-records-1606508-2019-10-05
  19. Rohit Sharma completes hattrick at ESPN Cricinfo AwardsBusiness Standard 14 March 2016
  20. Williamson, Broad, Southee, de Villiers win ESPNcricinfo AwardsESPNCricinfo 14 March 2016
  21. Sania Mirza selected for Khel Ratna, Rohit Sharma for Arjuna awardFirst Post 12 August 2015

வெளியிணைப்புகள்[தொகு]

"https://ta.wikipedia.org/w/index.php?title=ரோகித்_சர்மா&oldid=2812739" இருந்து மீள்விக்கப்பட்டது