ரோகிணி தேவி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

ரோகிணி தேவி (Rohini Devi), வசுதேவரின் முதல் மனைவி ஆவார். ரோகிணிக்கு வசுதேவர் மூலம், பலராமன் மற்றும் சுபத்திரை என்ற மக்கள் பிறந்தனர். வசுதேவருக்கும் இரண்டாம் மனைவியான தேவகிக்கும் பிறந்தவர்தான் கிருட்டிணன். ரோகிணி சுரபி யின் அவதாரமாக கருதப்படுகிறார்.

வசுதேவர் சிறைபிடிப்பு[தொகு]

ரோகிணியின் கணவர், வசுதேவன் இன்னொரு பெண்மணியான தேவகியை திருமணம் செய்து கொண்டார். தேவகி மற்றும் வசுதேவரின் திருமணத்திற்குப் பிறகு, வானத்திலிருந்து ஒரு தெய்வீக குரல் ("அசரீரி") தேவகிவின் தீய சகோதரன் கம்சனின் மரணம் "தேவகியின் எட்டாவது மகனால் நிகழும் என்று முன்னறிவித்தது. கம்சன் பின்னர் தேவகியின் அனைத்து சந்ததியினரையும் பிறந்த உடனேயே கொலை செய்தான் , மேலும் புதிதாக திருமணமான தம்பதியரை மேலும் சந்தேகம் இல்லாமல் சிறையில் அடைத்தான். இது ரோகிணியை தனியாக விடுவித்தது.

கம்சன் சிறையில் அடைக்கப்பட்டுள்ள தம்பதிகளுக்கு பிறந்த குழந்தைகளை தனிப்பட்ட முறையில் கொலை செய்தார். காலப்போக்கில், தேவகி ஏழாவது முறையாக கர்ப்பமானார். எனினும், இந்த ஏழாவது குழந்தை ஆறு முந்தைய குழந்தைகளின் தலைவிதியை சந்திக்கவில்லை; பிறக்காத குழந்தை தேவகியின் வயிற்றில் இருந்து அதிசயமாக ரோஹினியின் வயிற்றுக்கு மாற்றப்பட்டது, அவர் நீண்ட காலமாக தனது சொந்த குழந்தைக்காக ஏங்கிக்கொண்டிருந்தார். இவ்வாறு பிறந்த குழந்தைக்கு பலராமன் என்று பெயரிட்டார். பலராமன் தனது இளைய சகோதரன் கிருஷ்ணாவின் மகத்தான வீரராகவும், ஆதரவாகவும் வளர்ந்தார்.

கிருஷ்ணனின் வளர்ப்பு[தொகு]

தேவகியின் எட்டாவது குழந்தையாக பிறந்த கிருஷ்ணர், பிறந்த உடனேயே கோகுலம்க்கு ரகசியமாக மாற்றப்பட்டார். கம்சனிடம் இருந்து தப்பிக்க வேறொரு குடும்பத்தில் வளர்க்கப்பட்ட தனது கணவரின் அன்புக்குரிய மகன் கிருஷ்ணர் மீது ஒரு கண் வைத்திருக்க ரோகிணியும் அதே பகுதிக்கு சென்றார். இந்த அருகாமையால் தான் பலராமர் மற்றும் கிருஷ்ணா என்ற இரு சகோதரர்களும் ஒன்றாக வளர்ந்தனர்.

சந்ததி[தொகு]

கிருஷ்ணரால் கம்சனின் மரணம் மற்றும் சிறையில் இருந்து வசுதேவ மற்றும் தேவகி ஆகியோரின் விடுதலைக்குப் பிறகு, பலராமருக்கும் கக்குத்மி ராஜாவின் மகள் ரேவதி க்கும் திருமணம் நடந்தது, இவர்களுக்கு நிசாதன் மற்றும் உல்முகன் என இரு மகன்களும் வத்சலா என்ற மகளும் பிறந்தனர். நிசாதன் மற்றும் உல்முகன் இருவரும் யது வம்ச கலகப்போரில் கொல்லப்பட்டனர், இறுதியில் பலராமர் கடல் தியானத்தில் தனது பூமிக்குரிய அவதாரம் முடித்தார்.

ரோகிணியின் இறப்பு[தொகு]

யாதவ வம்ச அழிவுக்கு பிறகு வாசுதேவர் மரணம் அடைந்தார். அவருடன் ரோகிணியும் வாசுதேவனின் மற்ற மனைவியரான தேவகி, பத்ரா மற்றும் மதிரா வும் நெருப்பில் தங்களை மாய்த்துக் கொண்டனர் (உடன்கட்டை / சடி).

மேற்கோள்கள்[தொகு]


"https://ta.wikipedia.org/w/index.php?title=ரோகிணி_தேவி&oldid=2761962" இருந்து மீள்விக்கப்பட்டது