ருக்கும் மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search


நேபாளத்தில் ருக்கும் மாவட்டத்தின் அமைவிடம் (சிவப்பு நிறத்தில்)
ராப்தி மண்டலத்தில் ருக்கும் மாவட்டம்

ருக்கும் மாவட்டம் (Rukum District) (நேபாளி: रुकुम जिल्लाAbout this soundகேட்க )தெற்காசியாவின் நேபாள நாட்டின், மத்தியமேற்கு வளர்ச்சி பிராந்தியத்தில், மாநில எண் 5-இல் அமைந்துள்ள இம்மாவட்டம், நேபாளத்தின் எழுபத்தி ஐந்து மாவட்டங்களில் ஒன்றாகும். இம்மாவட்டத்தின் நிர்வாகத் தலைமையிடமான முசிகோட் நகரத்தை சூம்லிகாலங்கா என்றும் அழைப்பர்.

ராப்தி மண்டலத்தின் வடக்கே மலைப்பாங்கான பகுதிகளில் அமைந்த இம்மாவட்டத்தின் மொத்தப் பரப்பளவு 2,877 சதுர கிலோ மீட்டராகும். 2011-ஆம் ஆண்டின் கணக்கெடுப்பின் படி, இம்மாவட்ட மக்கள் தொகை 2,07,290 ஆக உள்ளது[1][2]. இங்கு நேபாள மொழி பேசப்படுகிறது.

சிஸ்னே மலையின் கொடுமுடி, ருக்கும் மாவட்டம்

ருக்கும் மாவட்டம் மலையேற்ற வீரர்களுக்கும், மலையேற்ற பயிற்சி மேற்கொள்பவர்களுக்கும் சிறந்த சுற்றுலாத் தலமாக உள்ளது. பிரபலமான ருக்கும்கோட் கிராமத்தை ஐம்பத்தி இரண்டு ஏரிகள் மற்றும் ஐம்பத்தி மூன்று மலைகள் கொண்டது எனக் குறிப்பிடுவர்.

புவியியல் தட்ப வெப்பம்[தொகு]

ருக்கும் மாவட்ட கிராமத்தில் நெல் விளையும் நிலம்

ருக்கும் மாவட்டம், ராப்தி மண்டலத்தின் வடக்கில் இமயமலையில் அமைந்துள்ளது. பேரி ஆறு மற்றும் காக்ரா ஆறு எனப்படும் கர்னாலி ஆற்றின் துணை ஆறுகள், ருக்கும் மாவட்ட வடிநிலமாக உள்ளது. மக்காச்சோளம், பார்லி, நெல், கோதுமை, உருளைக் கிழங்கு மற்றும் பழ வகைகள் இம்மாவட்டத்தில் பயிரிடப்படுகிறது. இம்மாவட்டம் கடல் மட்டத்திலிருந்து 800 மீட்டர் முதல் 6,000 மீட்டர் உயரத்தில் உள்ளது. எனவே இம்மாவட்டத்தின் தட்ப வெப்பம் மேல் வெப்ப மண்டலம், மிதவெப்ப வளையம், மிதமான காலநிலை, மான்ட்டேன் #ஆல்ப்ஸ் மலை காலநிலை, துருவப் பகுதி காலநிலை, வெண்பனி படர்ந்த பகுதிகள் என ஆறு காலநிலைகளில் காணப்படுகிறது. [3]

போக்குவரத்து வசதிகள்[தொகு]

தாங்- சல்யன் – ருக்கும் வழியாக செல்லும் சாலை, தாங் மாவட்டத்தின் துளசிப்பூர் நகரத்தையும், ருக்கும் மாவட்டத்தின் முசிகோட் நகரத்தையும் நான்கு மணி நேரப் பயணித்தில் இணைக்கிறது. காட்மாண்டிலிருந்து ருக்கும் மாவட்டத்தின் முசிகோட்டிற்கு சாலை வழியாக பயணிக்க இருபத்தி நான்கு நேரம் பயண நேரமாக உள்ளது. ருக்கும் மாவட்டத்தில் சௌர்ஜஹரி மற்றும் சல்லே என இரண்டு சிறு வானூர்தி நிலையங்கள் உள்ளது.

உள்ளாட்சி அமைப்புகள்[தொகு]

இம்மாவட்டத்தில் 47 கிராம வளர்ச்சி மன்றங்களும், சௌர்ஜஹரி எனும் ஒரு நகராட்சி மன்றமும் செயல்படுகிறது.

இதனையும் காண்க[தொகு]

மேற்கோள்கள்[தொகு]

  1. "Districts of Nepal". Gwillim Law. பார்த்த நாள் January 23, 2014.
  2. # National Population and Housing Census 2011, Volume 3. Kathmandu, Nepal: Government of Nepal, Central Bureau of Statistics. January 2014. http://cbs.gov.np/wp-content/uploads/2012/11/National%20Report.pdf. பார்த்த நாள்: January 23, 2014. 
  3. The Map of Potential Vegetation of Nepal - a forestry/agroecological/biodiversity classification system, Forest & Landscape Development and Environment Series 2-2005 and CFC-TIS Document Series No.110., 2005, பன்னாட்டுத் தரப்புத்தக எண்:87-7903-210-9, http://curis.ku.dk/ws/files/20497354/de2_001.pdf, பார்த்த நாள்: Nov 22, 2013 

ஆள்கூறுகள்: 28°38′00″N 82°28′00″E / 28.6333°N 82.4667°E / 28.6333; 82.4667

"https://ta.wikipedia.org/w/index.php?title=ருக்கும்_மாவட்டம்&oldid=2521642" இருந்து மீள்விக்கப்பட்டது