ராஜ் கௌதமன்

ராஜ் கௌதமன்
மார்ச்சு 2012-க்கு முன்னதாக
பிறப்பு	14 பெப்ரவரி (அ) 25 ஆகத்து 1950 வ. புதுப்பட்டி, பழைய இராமநாதபுரம் மாவட்டம், மதராசு மாநிலம், (தற்போது விருதுநகர் மாவட்டம், தமிழ்நாடு), இந்தியா)
இறப்பு	13 நவம்பர் 2024(2024-11-13) (அகவை 74) திருநெல்வேலி, தமிழ்நாடு, இந்தியா
தொழில்	எழுத்தாளர், பண்பாட்டு ஆய்வாளர், வரலாற்றாசிரியர், கல்வியாளர்
மொழி	தமிழ்
கல்வி நிலையம்	அண்ணாமலைப் பல்கலைக்கழகம்
வகை	பண்பாட்டு ஆய்வு, வரலாறு, இலக்கியக் கோட்பாடு
கருப்பொருள்	தமிழர் பண்பாடு, தலித் ஆய்வுகள், விளிம்புநிலையினர் வரலாற்றியல்
இலக்கிய இயக்கம்	தமிழ் தலித் இயக்கம்
செயற்பட்ட ஆண்டுகள்	1980கள்–2024
துணைவர்	க. பரிமளா
பிள்ளைகள்	நிவேதா
குடும்பத்தினர்	பாமா (தங்கை)

சூசைராஜ் புஷ்பராஜ் எனும் இயற்பெயர் கொண்ட ராஜ் கௌதமன் (Raj Gowthaman) (14 பெப்ரவரி 1950 – 13 நவம்பர் 2024) தமிழ் பண்பாட்டு ஆய்வாளர், தலித் சிந்தனையாளர், பேராசிரியர் ஆவார். பழந்தமிழ் பண்பாட்டு வரலாறு சார்ந்து முன்னோடியான ஆய்வுகளைச் செய்தவர்.

வாழ்க்கைச் சுருக்கம்

ராஜ் கெளதமன் இன்றைய விருதுநகர் மாவட்டம் திருவில்லிபுத்தூரை அடுத்த வ. புதுப்பட்டி எனும் சிற்றூரில் 14 பெப்ரவரி (அ) 25 ஆகத்து 1950 அன்று பிறந்தார். இவரது இயர்பெயர் புஷ்பராஜ். இதைப் பின்னாளில் எஸ். கௌதமன் என்று மாற்றிக்கொண்டார்.

விருதுநகரில் தொடக்கக் கல்வி பயின்றபின் மதுரையில் உயர்நிலைப் பள்ளிப் படிப்பினை முடித்தார். பாளையங்கோட்டை தூய சவேரியார் கல்லூரியில் விலங்கியலில் இளநிலை, தமிழிலக்கியத்தில் முதுகலை, சிதம்பரம் அண்ணாமலை பல்கலைக்கழகத்தில் சமூகவியலில் முதுகலைப் பட்டங்கள் பெற்றார். அ. மாதவையா பற்றிய ஆய்வை சென்னைப் பல்கலைக்கழகத்தில் மேற்கொண்டு முனைவர் பட்டம் பெற்றார். பாண்டிச்சேரி - அரச பட்ட மேற்படிப்பு உயர்கல்வி நிறுவனத்தில் தமிழ் ஆராய்ச்சித் துறையில் பேராசிரியராகவும், 2000ம் ஆண்டு தொடக்கம் 2011ம் ஆண்டுவரை துறைத்தலைவராகவும் பணியாற்றி ஓய்வுபெற்றவர்.

இவருடைய தலித் பார்வையில் தமிழ்ப் பண்பாடு எனும் நூல் சங்க இலக்கியம் பற்றிய சிறந்ததொரு ஆய்வு நூலாகும். 1990களில் தலித் அரசியல் எழுச்சி பெற்றபோது தமிழ்ச் சமூகத்தில் பல மாற்றங்கள் நிகழ்ந்தன. இச்சூழலில் ராஜ் கௌதமனின் இந்நூல் 1994இல் வெளிவந்தது சிறப்புக்குரிய ஒன்றாகும்.

பங்களிப்பு

தமிழ் பண்பாட்டை அடித்தள மக்களின் கோணத்தில் மார்க்சிய ஆய்வுமுறைப்படி ஆராய்ந்தவர் ராஜ் கௌதமன். தலித் சிந்தனைகளை தொகுப்பதிலும் அவற்றின் மீதான வரலாற்றுபூர்வ விமர்சனத்தை கட்டமைப்பதிலும் பெரும்பங்காற்றியிருக்கிறார்.

நூல்கள்

ஆண்டு	தலைப்பு	வகை	பதிப்பகம்	குறிப்பு
1992	எண்பதுகளில் தமிழ் கலாச்சாரம்	ஆய்வு நூல்
1993	தலித் பண்பாடு	ஆய்வு நூல்
1994	தலித் பார்வையில் தமிழ்ப் பண்பாடு	ஆய்வு நூல்
1997	அறம் அதிகாரம்	ஆய்வு நூல்	விடியல் பதிப்பகம்
2002	சிலுவைராஜ் சரித்திரம்	புதினம்
2003	காலச் சுமை	புதினம்
	தலித்திய விமர்சனக் கட்டுரைகள்
2004	க. அயோத்திதாசர் ஆய்வுகள்	ஆய்வு நூல்	காலச்சுவடு பதிப்பகம்
2005	லண்டனில் சிலுவைராஜ்	புதினம்
2006	பாட்டுத் தொகையும் தொல்காப்பியமும் தமிழ்ச் சமுக உருவாக்கமும்	ஆய்வு நூல்	நியூ செஞ்சுரி புக் ஹவுஸ்
2008	தமிழ் சமூகத்தில் அறமும் ஆற்றலும்
2009	ஆகோள் பூசலும் பெருங்கற்கால நாகரிகமும்	ஆய்வு நூல்	தமிழினி பதிப்பகம்
2010	ஆரம்பகட்ட முதலாளியமும் தமிழ்ச்சமூக உருவாக்கமும்	ஆய்வு நூல்
2011	பாலற்ற பெண்பால் : பெண்பால் நபும்சகம்	ஆய்வு நூல் (மொழிபெயர்ப்பு)	விடியல் பதிப்பகம்	முதல் நூல் : ஆத்திரேலிய எழுத்தாளர் ஜெர்மைன் கிரீர் இயற்றிய The Female Eunuch (1970)
2018	இயற்கையின் தேர்வின் வழியாக உயிரினங்களின் தோற்றம்	ஆய்வு நூல் (மொழிபெயர்ப்பு)	விடியல் பதிப்பகம்	முதல் நூல் : புகழ்பெற்ற ஆங்கிலேய இயற்கையியல் அறிஞர் சார்லசு டார்வின் இயற்றிய On the Origin of Species by Means of Natural Selection (1859)
2019	அன்பு என்னும் கலை	ஆய்வு நூல் (மொழிபெயர்ப்பு)	அடையாளம் பதிப்பகம்	முதல் நூல் : செருமானிய-அமெரிக்க எழுத்தாளர் எரிக் ஃபிராம் இயற்றிய The Art of Loving (1956)
	அ. மாதவையா
	கண்மூடிவழக்கமெல்லாம் மண்மூடிப்போக
	கலித்தொகை-பரிபாடல்: ஒரு விளிம்புநிலை நோக்கு	ஆய்வு நூல்
	புதுமைப்பித்தன் என்னும் பிரம்மராக்ஷஸ்
	பொய் + அபத்தம் = உண்மை
	பெண்ணியம்: வரலாறும் கோட்பாடுகளும்
	பதிற்றுப்பத்து ஐங்குறுநூறு : சில அவதானிப்புகள்
	பழந்தமிழ் அகவல் பாடல்களின் பரிமாற்றம்
	சுந்தர ராமசாமி: கருத்தும் கலையும்
	வள்ளலாரின் ஆன்மீகப் பயணம்
	அறமும் ஆற்றலும்
	கதாகொஸ: சமணக் கதைகள்
	கதைக் கருவூலம் (சமணக் கதைகள்)
	கலித்தொகை: ஒரு விளிம்புநிலை நோக்கு
	கிளி எழுபது
	கிளிக் கதைகள் எழுபது
	தலித் அரசியல்
	பாலியல் அரசியல்	ஆய்வு நூல் (மொழிபெயர்ப்பு)	நியூ செஞ்சுரி புக் ஹவுஸ்	முதல் நூல் : அமெரிக்கப் பெண்ணியலாளர் கேத் மில்லட் இயற்றிய Sexual Politics (1970)
	பாவாடை அவதாரம்
	மனவளமான சமுதாயம்	ஆய்வு நூல் (மொழிபெயர்ப்பு)		முதல் நூல் : செருமானிய-அமெரிக்க எழுத்தாளர் எரிக் ஃபிராம் இயற்றிய The Sane Society (1955)
	ராஜ் கௌதமன் கட்டுரைகள்
	விளிம்புநிலை மக்களின் போராட்டங்கள்	ஆய்வு நூல்

குடும்பம்

இவரது இணையர் க. பரிமளம் பாண்டிச்சேரி - அரச பட்ட மேற்படிப்பு உயர்கல்வி நிறுவனத்தில் பேராசிரியராக பணியாற்றுகிறார். இந்துப் பெண் - பெண்ணியப் பார்வை (2008), தி. ஜானகிராமன் நாவல்களில் பாலியல் (2011), ஆகிய இரு நூல்களையும் இயற்றியுள்ளார். இவர்களின் மகள் நிவேதா, இங்கிலாந்து தலைநகர் இலண்டனில் மருத்துவராகப் பணியாற்றிவருகிறார்.

வெளி இணைப்புகள்

• ராஜ்கௌதமன் - படைப்பாளர், கல்வியலாளர், ஆய்வாளர்

• சிலுவைராஜ் சரித்திரம் – ராஜ் கௌதமன் - கருந்தேள் ராஜேஷ்
• ராஜ்கௌதமனின் இரு நூல்கள்
• ராஜ் கெளதமன்: தமிழ் தலித் எழுத்துலகின் திசைகாட்டி
• ராஜ் கௌதமன்: நவீனத்துக்குப் புதிய வரையறை | அஞ்சலி