ராஜா ராணி–2

ராஜா ராணி–2
வகை	குடும்பம் நாடகத் தொடர்
மூலம்	என் கணவன் என் தோழன்
இயக்கம்	பிரவீன் பேனாட்
நடிப்பு	சித்து ஆல்யா மானசா ரியா விஷ்வநாதன் பிரவீனா ஆஷா வி. கவுடா
முகப்பு இசை	இளையவன்
முகப்பிசை	இளையவன்
நாடு	இந்தியா
மொழி	தமிழ்
பருவங்கள்	2
அத்தியாயங்கள்	725
தயாரிப்பு
தயாரிப்பாளர்கள்	வெங்கடேஷ் பாபு குளபல் வில்லஜெர்ஸ்
படப்பிடிப்பு தளங்கள்	தமிழ் நாடு
தொகுப்பு
படவி அமைப்பு	பல ஒளிப்படக்கருவி
ஓட்டம்	தோராயமாக அங்கம் ஒன்று 22–24 நிமிடங்கள்
ஒளிபரப்பு
அலைவரிசை	விஜய் தொலைக்காட்சி
ஒளிபரப்பான காலம்	12 அக்டோபர் 2020 (2020-10-12) – 21 மார்ச்சு 2023 (2023-03-21)
Chronology
முன்னர்	பாக்கியலட்சுமி
தொடர்புடைய தொடர்கள்	என் கணவன் என் தோழன்

ராஜா ராணி–2 என்பது 12 அக்டோபர் 2020 ஆம் ஆண்டு முதல் திங்கள் முதல் வெள்ளி வரை விஜய் தொலைக்காட்சியில் ஒளிபரப்பான குடும்பக்கதைக்களம் கொண்ட நாடகத் தொடர் ஆகும்.

இந்த தொடர் இந்தி மொழித் தொடரான என் கணவன் என் தோழன் என்ற தொடரின் மறு ஆக்கம் ஆகும். இந்த தொடரில் ஆல்யா மானசா / ரியா விஷ்வநாதன் / ஆஷா வி. கவுடா ஆகியோர் சந்தியா என்ற கதாபாத்திரத்தில் நடிக்க இவருக்கு ஜோடியாக 'சித்து' என்பவர் சரவணன் என்ற கதாபாத்திரத்தில் நடித்துள்ளனர். முதல் பருவத்தை இயக்கிய 'பிரவீன் பேனாட்' என்பவரே இந்த பருவத்தையும் இயக்கியுள்ளார். இந்த தொடரின் இறுதி அத்தியாயம் 21 மார்ச் 2023 அன்று ஒளிபரப்பப்பட்டு, 725 அத்தியாயங்களுடன் நிறைவு பெற்றது.

கதைச்சுருக்கம்

சிறுவயதிலிருந்து காவல் அதிகாரியாக வரவேண்டும் என்ற கனவுடன் வளரும் சந்தியா. சர்தார்ப சூழ்நிலையால் இனிப்புக்கடைக்கரான சரவணன் என்பவரை திருமணம் செய்கின்றார். சரவணன் படிக்கவில்லை தாய் மீது அதிக பாசமும் மரியாதையும் கொண்டவன். இவளின் புகுந்த வீடு பாரம்பரியம் மிக்க குடும்பமாக இருந்ததால் தன் கனவு உடைந்துவிட்டதாக எண்ணி சந்தியா வருத்தப்பட்டார். பிறகு அவரது கனவை அறியும் சரவணன் அவருக்கு உறுதுணையாக இருந்தார். பல தடைகளைக் கடந்து தனது கணவனின் துணையுடன் காவலர் பயிற்சியில் எப்படி வெற்றி பெறுகின்றார் என்பது தான் கதை.

நடிகர்கள்

முதன்மை கதாபாத்திரம்

• சித்து - சரவணன்
• ஆல்யா மானசா (2020-2021) / ரியா விஷ்வநாதன் (2022-2023) / ஆஷா வி. கவுடா (2023) - சந்தியா
• பிரவீனா - சிவகாமி (சரவணனின் தாய்)

துணைக் கதாபாத்திரங்கள்

• -- - சிவகுமார் (சந்தியாவின் தந்தை, இந்த தொடரில் இறந்து விட்டார்)
• காயத்ரி பிரியா - சரண்யா (சந்தியாவின் தாய், இந்த தொடரில் இறந்து விட்டார்)
• மணி - மணி (சந்தியாவின் சகோதரன்)
• நிஹாரிகா ராஜ்ஜித் - ஜனனி (மணியின் மனைவி)
• சைவம் ரவி - --- (சரவணனின் தந்தை)
• வைஷ்ணவி சுந்தர் - பார்வதி (சரவணனின் தங்கை)
• பாலாஜி தியாகராஜன் - செந்தில் (சரவணனின் முதலாவது இளைய சகோரன்)
• அர்ச்சனா - அர்ச்சனா (செந்திலின் மனைவி)
• பரதோஷ் - கதிர் (சரவணனின் இரண்டாவது இளைய சகோரன்)
• நவ்யா சுஜி -

நடிகர்களின் தேர்வு

இந்த தொடரில் கதாநாயகியாக ராஜா ராணி–1 முதல் பருவத்தில் நடித்த ஆல்யா மானசா என்பவரே சந்தியா என்ற கதாபாத்திரத்தில் நடிக்கின்றார். இவர் திருமணத்திற்கு பிறகு நடிக்கும் முதல் தொடர் இதுவாகும். இவருக்கு ஜோடியாக திருமணம் தொடர் புகழ் சித்து என்பவர் சரவணன் என்ற கதாபாத்திரத்தில் நடிக்கின்றார். சரவணனின் தாய் கதாபாத்திரத்தில் பிரவீனா என்பவர் நடிக்கின்றார்.

ஒளிபரப்பு நேரம் மாற்றம்

இந்த தொடர் முதலில் 12 அக்டோபர் 2020 ஆம் ஆண்டு முதல் திங்கள் முதல் வெள்ளி வரை மாலை 6:30 ஒளிபரப்பானது. பின்னர் இந்த தொடர் மக்கள் மத்தியில் நல்ல வரவேற்பை பெற்றதும் 11 சனவரி 2021 ஆம் ஆண்டு முதல் திங்கள் முதல் வெள்ளி வரை இரவு 9:30 மணிக்கு நேரம் மாற்றப்பட்டது. இந்த தொடர் ஒளிபரப்பான நேரத்தில் பாவம் கணேசன் என்ற தொடர் ஒளிபரப்பானது.

ஒளிபரப்பான திகதி	திங்கள்	செவ்வாய்	புதன்	வியாழன்	வெள்ளி
12 அக்டோபர் 2020 - 9 சனவரி 2021	மாலை 6:30 மணிக்கு
11 சனவரி 2021 - ஒளிபரப்பில்	இரவு 9:30 மணிக்கு

மதிப்பீடுகள்

கீழேயுள்ள அட்டவணையில் நீல எண்கள் மிகக் குறைந்த மதிப்பீடுகளையும் சிவப்பு எண்கள் மிக உயர்ந்த மதிப்பீடுகளைக் குறிக்கும்.

ஆண்டு	மிகக் குறைந்த மதிப்பீடுகள்	மிக உயர்ந்த மதிப்பீடுகள்
2020	4.4%	6.7%
2021	7.4%	10.4%

சர்வதேச ஒளிபரப்பு

• இந்த தொடர் விஜய் தொலைக்காட்சி மற்றும் விஜய் தொலைக்காட்சி எச்டி (உயர் வரையறு தொலைக்காட்சி) மூலம் உலகம் முழுதுவதும் ((ஆசியா: இலங்கை, தென்கிழக்காசியா), ஐரோப்பா, அமெரிக்காக்கள், மத்திய கிழக்கு நாடுகள்) போன்ற நாடுகளில் பார்க்க முடியும்.
• இந்த தொடரின் பகுதிகள் ஹாட் ஸ்டார் என்ற இணைய மூலமாகவும் பார்க்க முடியும்.

வெளி இணைப்புகள்

• இணையதள திரைப்பட தரவுத்தளத்தில் ராஜா ராணி–2