மோரல் ஆறு

மோரல் ஆறு
சிறப்புக்கூறுகள்
மூலம்
• அமைவு	தர்லா மற்றும் செயின்புரா கிராமங்களுக்கு அருகில் உள்ள மலைகள், பாசிசி வட்டம், ஜெய்ப்பூர் மாவட்டம், இராசத்தான், இந்தியா
• ஆள்கூறுகள்
2ஆவது மூலம்
• அமைவு	பாப்லாஜ் மாதாஜி மலைகளின் அடிவாரத்தின் நீர்ப்பிடிப்பு பகுதி, தௌசா மாவட்டம், இராசத்தான், இந்தியா(ஆரவல்லி மலைத்தொடர்)
முகத்துவாரம்
• அமைவு	ஹடோலி கிராமத்திற்கு அருகில், சவாய் மாதோபூர் மாவட்டம், இராசத்தான், இந்தியா (பனாஸ் ஆறு)
நீளம்	சுமார் 147 கி.மீ.
வடிநில சிறப்புக்கூறுகள்
துணை ஆறுகள்
• இடது	துண்ட் ஆறு

மோரல் ஆறு (Morel River) என்பது இந்தியாவில் இராசத்தான் மாநிலத்தின் ஜெய்ப்பூர் மாவட்டத்தின் பாசுசி வட்டத்தில் உள்ள தர்லா மற்றும் செயின்புரா கிராமங்களுக்கு அருகிலுள்ள மலைகளில் உருவாகும் ஒரு நதியாகும். இதன் இரண்டாவது கிளை இராசத்தான் மாநிலத்தில் உள்ள தௌசா மாவட்டத்தில் உள்ள பாப்லாஜ் மாதாஜி மலைகளின் அடிவாரத்தில் உள்ள நீர்ப்பிடிப்புப் பகுதியிலிருந்து தண்ணீரைப் பெறுவதன் மூலம் உருவாகிறது (ஆரவல்லி மலைத் தொடர்).

இது தென்கிழக்கில் 29 கிமீ பாய்கிறது. பின்னர் தென்மேற்கில் 35 கிமீ துண்ட் நதியுடன் சங்கமிக்கும் வரை ஓடுகிறது. இதன் பின்னர் தென்கிழக்கே ஜெய்ப்பூர், தௌசா, சவாய் மாதோபூர் மாவட்டங்களில் 83 கிமீ தூரம் பயணித்து சவாய் மாதோபூர் மாவட்டத்தின் ஹடோலி அருகே பனாசு ஆற்றில் சேருகிறது. மோரல் ஆற்றின் பெரும்பகுதி இராசத்தான் மாநிலத்தின் தௌசா மற்றும் சவாய் மாதோபூரில் பாய்கிறது. இந்த ஆற்றுப் பாதை இப்பகுதியின் முக்கிய நீர்பிடிப்பிற்கு பங்களிக்கின்றன.

கலுவாசு, முகமதுபுரா, பில்கா, ரனோலி போன்ற முக்கிய கிராமங்கள் இந்த ஆற்றின் கரையில் அமைந்துள்ளன. இந்த கிராமங்களின் நாகரிகம் மிகவும் பழமையானது. இந்த பெரிய ஆறு இந்த நாகரிகங்களின் வாழ்க்கை முறை என்று அழைக்கப்பட்டது. முன்னதாக இந்த ஆற்றின் கரையிலிருந்த கலுவாசு கிராமம், பலத்த வெள்ளத்திற்குப் பிறகு, சுமார் ஒரு கிலோமீட்டர் தொலைவில் மாற்றப்பட்டது. இது ஜெய்ப்பூர் மற்றும் தௌசா மாவட்டத்திற்கு இடையே 10 கி. மீ. எல்லையை உருவாக்குகிறது. இது ஜெய்ப்பூர் மற்றும் தௌசா மாவட்டங்களுக்கு இடையிலான எல்லையை முறையே ஜான்ப்டா கலான் (கோட்காவாடா-சாக்சுவாடா மற்றும் ஜான்ப்டா குர்த் (லால்சோட்) ஆகிய இரண்டு கிராமங்களைப் பிரிக்கிறது. இதன் பிறகு இதன் துணை ஆறான துண்ட் ஆற்றுடன் சம்மல் கிராமத்தில் கலக்கிறது. பின்னர் இரு ஆறும் தௌசா சவாய் மாதோபூர் மாவட்டத்தில் மோரல் பகுதியில் ஒரு பெரிய அணையை உருவாக்குகிறது. இதனைத் தொடர்ந்து மோரல் ஆறு கரோலி மாவட்டத்தில் உள்ள பனாசு ஆற்றில் கலக்கிறது.