மேனகா குருசாமி
மேனகா குருசாமி (Menaka Guruswamy பிறப்பு 27 நவம்பர் 1974) இந்தியாவின் உச்ச நீதிமன்ற மூத்த வழக்கறிஞர் ஆவார். இவர் 2017 முதல் 2019 வரை நியூயார்க்கின் கொலம்பியா சட்டப் பள்ளியில் பிஆர் அம்பேத்கர் ஆராய்ச்சி அறிஞராகவும் விரிவுரையாளராகவும் இருந்தார்.[1] குருசாமி யேல் சட்டப் பள்ளி, நியூயார்க் பல்கலைக்கழக சட்டப் பள்ளி மற்றும் டொராண்டோ பல்கலைக்கழக சட்ட பீடத்திற்கு வருகை தருகிறார்.[2] பிரிவு 377 வழக்கு, அதிகார சீர்திருத்த வழக்கு, அகஸ்டா வெஸ்ட்லேண்ட் உலங்கூர்தி சர்ச்சை, சல்வா ஜூடும் வழக்கு மற்றும் கல்வி உரிமை வழக்கு உட்பட உச்சநீதிமன்றத்தில் உள்ள பல முக்கிய வழக்குகளில் இவர் குறிப்பிடத்தக்க பங்கைக் கொண்டிருந்தார்.[3] மணிப்பூரில் 1,528 நபர்களை சட்டவிரோதமாக கொன்றதாக கூறப்படும் வழக்கில் இவர் நடுநிலை அறிவுரையாளராக உச்சநீதிமன்றத்திற்கு உதவினார்.[4]
இவர் ஐக்கிய நாடுகள் வளார்ச்சித் திட்டம், நியூயார்க் மற்றும் ஐக்கிய நாடுகள் குழந்தைகள் நிதியம் (யுனிசெஃப்), நியூயார்க் மற்றும் யுனிசெஃப் தெற்கு சூடான் சர்வதேச மனித உரிமைகள் சட்டத்தின் பல்வேறு அம்சங்கள் குறித்தும் அறிவுறுத்தியுள்ளார் மற்றும் நேபாளத்தில் அரசியலமைப்பு உருவாக்கும் செயல்முறைகளுக்கும் உதவியுள்ளார்.[5]
ஆரம்பகால வாழ்க்கை மற்றும் கல்வி[தொகு]
இவர் முன்னாள் பாரதீய ஜனதா மூலோபாயவாதியும், மத்திய நிதி அமைச்சர் யஷ்வந்த் சின்ஹா மற்றும் மீரா குருசாமியின் சிறப்பு ஆலோசகருமான மோகன் குருசாமியின் மகள் ஆவார்.[6] [7]
இவர் ஆக்ஸ்போர்டு பல்கலைக்கழகம், ஹார்வர்ட் சட்டப் பள்ளி மற்றும் தேசிய சட்டப் பள்ளி இந்தியப் பல்கலைக்கழகம் ஆகியவற்றில் சட்டப் படிப்பைப் பெற்றார். ஹைதராபாத் பொதுப் பள்ளியில் ஆரம்பக் கல்வியினைப் பயின்றார். [8] அதன் பிறகு அவர் புதுடெல்லியின் சர்தார் பட்டேல் வித்யாலயாவில் உயர்நிலைப் பள்ளியில் கல்வி பயின்றார். இதைத் தொடர்ந்து பி. ஏ. எல். எல். பியினை நேஷனல் லா ஸ்கூல் ஆஃப் இந்தியா யுனிவர்சிட்டி, பெங்களூரில் பயின்றார். அதைத் தொடர்ந்து, ஆக்ஸ்போர்டு பல்கலைக்கழகத்தில் பிசிஎல் படிக்க (2000) ரோட்ஸ் உதவித்தொகை பெற தேர்வானார்.[9]
2019 ஆம் ஆண்டில், சிஎன்என் ஃபரீத் ஜகரியாவுக்கு அளித்த நேர்காணலில், இவர் வழக்கறிஞர் அருந்ததி கட்ஜுவுடன் உறவு வைத்திருப்பதை வெளிப்படுத்தினார். இருவரும் உண்மையில் ஒரு ஜோடி என்றும், இந்த வெற்றி ஒரு தொழில்முறை அளவில் மட்டுமல்லாது, தனிப்பட்ட வாழ்க்கையிலும் வெற்றி பெற்றுள்ளோம் என்றும் அவர் கூறினார். [10]
தொழில்[தொகு]
குருசாமி 1997 இல் வழக்குரைஞர் கழகத்தில் சேர்ந்தார் மற்றும் அப்போதைய இந்திய அரசுத் தலைமை வழக்குரைஞர் அசோக் தேசாயுடன் பணியாற்றத் தொடங்கினார்.
சல்வா ஜூடும் வழக்கு[தொகு]
சல்வா ஜூடூமுக்கு எதிராக வெற்றிகரமாக வழக்கு தொடர்ந்த வழக்கறிஞர்கள் குழுவின் ஒரு பகுதியாக குருசாமி இருந்தார்[11] இந்தியாவின் சிவப்பு தாழ்வாரப் பகுதியில் அமைந்த சத்தீஸ்கர் மாநிலத்தில் சால்வா ஜுடும் இயக்கத்தின் தலைவராக, உள்ளூர் கோண்டு பழங்குடி மக்களைச் சேர்ந்த மகேந்திர கர்மா என்பவர் 2005-ஆண்டில் தலைவராக தேர்ந்தெடுக்கப்பட்டார். போராளிகளிடமிருந்து உள்ளூர் கோண்டு மக்கள் தங்களை தற்காத்துக் கொள்வதற்கும்; போராளிகளை விரட்டியடிக்கவும், சத்தீஸ்கர் மாநில காவல் துறை தேவையான தற்காப்பு மற்றும் ஆயுதப் பயிற்சிகளை வழங்கியது. மேலும் போராளிகளுக்கு எதிராக போரிட துப்பாக்கி போன்ற ஆயுங்களையும் உள்ளூர் பழங்குடியின மக்களுக்கு வழங்கியது. [12]
கல்வி வாழ்க்கை[தொகு]
குருசாமி பிஆர் அம்பேத்கர் ஆராய்ச்சிப் படிப்பு பயின்றார்மற்றும் நியூயார்க்கின் கொலம்பியா சட்டப் பள்ளியில் 2017-2019 வரை விரிவுரையாளராக இருந்தார். [13] அவர் யேல் சட்டப் பள்ளி, டொராண்டோ பல்கலைக்கழக சட்ட பீடம் [14] மற்றும் நியூயார்க் பல்கலைக்கழக சட்டப் பள்ளி ஆகியவற்றிற்கு வருகை தருகிறார். இவர் தெற்காசிய அரசியலமைப்பு, ஒப்பீட்டு அரசியலமைப்பு சட்டம், மோதலுக்கு பிந்தைய ஜனநாயகங்கள் மற்றும் பிறவற்றில் அரசியலமைப்பு வடிவமைப்பு பற்றிய படிப்புகளை கற்பித்தார்.
சான்றுகள்[தொகு]
- ↑ "Menaka Guruswamy, Research Scholar and Lecturer in Law". 25 June 2021.
- ↑ "Dr. Menaka Guruswamy, Faculty Profile".
- ↑ "Supreme Court upholds 25% reservation in private schools". Archived from the original on 2021-05-15.
- ↑ "Human rights and the military".
- ↑ "Dr. Menaka Guruswamy, Research Scholar and Lecturer in Law" (PDF).
- ↑ "Menaka Guruswamy: Taking the law into her hands".
- ↑ "Business Today, People". archives.digitaltoday.in. பார்க்கப்பட்ட நாள் 2020-11-05.
- ↑ "A top legal honour: Oxford, Harvard and now Yale".
- ↑ "Profile with Menaka Guruswamy".
- ↑ "Section 377 Lawyers Menaka Guruswamy and Arundhati Katju Come Out as a Couple".
- ↑ "Nandini Sundar v. State of Chattisgarh, (2011) 7 SCC 547".
- ↑ "Supreme Court For Relief Of Victims Of Salwa Judum, Security Forces Or Naxalites".
- ↑ "Dr. Menaka Guruswamy, Research Scholar and Lecturer in Law".
- ↑ "Dr. Menaka Guruswamy, Faculty Profile".