மேடான் துவாங்கு நிலையம்

**MR9** மேடான் துவாங்கு
MR9 மேடான் துவாங்கு
	\| ஒற்றைத் தண்டூர்தி ; Medan Tuanku Station
	மேடான் துவாங்கு நிலையம் (2023)
பொது தகவல்கள்
அமைவிடம்	சுல்தான் இசுமாயில் சாலை, மேடான் துவாங்கு, கோலாலம்பூர், மலேசியா
ஆள்கூறுகள்	3°9′33″N 101°41′55″E / 3.15917°N 101.69861°E
உரிமம்	பிரசரானா மலேசியா
இயக்குபவர்	ரேபிட் ரெயில்
தடங்கள்	8 கோலாலம்பூர் மோனோ
நடைமேடை	2 பக்க நடைமேடைகள்
இருப்புப் பாதைகள்	2
இணைப்புக்கள்	AG5 SP5 580 மீட்டர் பாதசாரி பாலம் வழியாக. சுல்தான் இசுமாயில் எல்ஆர்டி நிலையம்
கட்டமைப்பு
கட்டமைப்பு வகை	MR9 உயர்த்திய நிலையம்
தரிப்பிடம்	இல்லை
துவிச்சக்கர வண்டி வசதிகள்	இல்லை
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	MR9 கோலாலம்பூர் மோனோ
வரலாறு
திறக்கப்பட்டது	31 ஆகத்து 2003
சேவைகள்
அமைவிடம்

மேடான் துவாங்கு நிலையம் அல்லது மேடான் துவாங்கு மோனோரெயில் நிலையம் (ஆங்கிலம்: Medan Tuanku Station; மலாய்: Stesen Medan Tuanku; சீனம்: 棉兰端姑站) என்பது மலேசியா, கோலாலம்பூர், மேடான் துவாங்கு, சுல்தான் இசுமாயில் சாலை, கோலாலம்பூர் மோனோரெயில் வழித்தடத்தில் (KL Monorail) அமைந்துள்ள ஓர் ஒற்றைத் தண்டூர்தி நிலையமாகும். இந்த நிலையம் முன்னர் வாவாசான் மோனோரெயில் நிலையம் (Wawasan Monorail) என்று அழைக்கப்பட்டது.^[2] கம்போங் பாரு பகுதிக்கு அருகிலுள்ள வளர்ச்சித் திட்டத்திற்கு "பண்டார் வாவாசான்" என பெயரிடப்பட்டதால் இந்த நிலையத்திற்கும் தொடக்கத்தில் வாவாசான் மோனோரெயில் நிலையம் என்று பெயரிடப்பட்டது.

இந்த நிலையம் சுல்தான் இசுமாயில் சாலைக்கு மேலே, சௌக்கிட்டிற்கு சற்று தெற்கே அமைந்துள்ளது; மற்றும் துவாங்கு அப்துல் ரகுமான் சாலையுடனான சந்திப்பிற்கு கிழக்கே அமைந்துள்ளது; இது சுல்தான் இசுமாயில் சாலையில் இணையாக இயங்கும் மோனோரெயில் பாதையின் தொடக்கத்தையும் முடிவையும் குறிக்கிறது. புக்கிட் பிந்தாங் மோனோரெயில் நிலையம் வரை நீடிக்கும் இந்த மோனோரெயில் பாதை; இறுதியில் இம்பி சாலையின் மேற்கு புறமாகத் திரும்புகிறது.

இந்த நிலையம்; துவாங்கு அப்துல் ரகுமான் சாலை, சுல்தான் இசுமாயில் சாலை மற்றும் டாங் வாங்கி சாலை ஆகியவற்றுடன் இணைக்கப்பட்டுள்ள சிறிய மாவட்டமான மேடான் துவாங்குவில் அமைந்துள்ளது; மற்றும் அந்த மாவட்டத்தின் பெயரால் இந்த நிலையத்திற்கும் பெயரிடப்பட்டது.

பொது

இந்த நிலையம் ஆகத்து 31, 2003 (மலேசிய விடுதலை நாள்) அன்று; மற்ற மோனோரெயில் நிலையங்களுடன் திறக்கப்பட்டது.^[3] கோலாலம்பூர் தங்க முக்கோணப் பகுதிக்கும்; மேடான் துவாங்கு பகுதிக்கும்; சேவை செய்யும் நான்கு கோலாலம்பூர் மோனோரெயில் நிலையங்களில் மேடான் துவாங்கு மோனோரெயில் நிலையமும் ஒன்றாகும்.

இந்த நிலையத்தின் அமைவிடம் காரணமாக, பொதுவாக நெரிசல் நேரங்களில்; பொது விடுமுறை நாட்கள், வார இறுதி நாட்கள்; மற்றும் பள்ளி விடுமுறை நாட்களில் இந்த நிலையம் பரபரப்பாக இருக்கும். ஏனெனில் பயணிகள் பலர் கோலாலம்பூர் மையப் பகுதியை அடைய இந்த நிலையத்தைப்ப் பயன்படுத்துகிறார்கள். மேலும் இந்த நிலையம் பல வணிக நிறுவனங்களுக்கு அருகிலும் அமைந்துள்ளது.

அருகாமை நிலயங்கள்

அருகாமையில் உள்ள நிலையங்கள்:^[4]

இவற்றைத் தவிர, இந்த நிலையத்திற்கு தெற்கே 1 கிமீ தொலைவில் MR8 புக்கிட் நானாஸ் நிலையம் உள்ளது.^[4]

நிலைய தள அமைப்பு

L2	தள நிலை	பக்க மேடை
		தளம் 1 8 கோலாலம்பூர் மோனோரெயில் → MR11 புக்கிட் நானாஸ் நிலையம் (→)
		தளம் 2 8 கோலாலம்பூர் மோனோரெயில் → MR1 கோலாலம்பூர் சென்ட்ரல் (←)
		பக்க மேடை
L1	இணைப்புவழி	கட்டணம் கட்டுப்பாடு, பயணச்சீட்டு தானியங்கி, நிலையக் கட்டுப்பாடு, இணைப்புவழி, கட்டணமில்லாத பகுதி, நகரும் பாதை ⇌ தெரு நிலை. நுழைவாயில் B
G	தெரு நிலை	சுல்தான் இசுமாயில் சாலை; கடைகள், வாடகை வாகனங்கள் முனையம், பாதசாரி கடப்பு. நுழைவாயில் A & C

இந்த நிலையத்தில் 2 வெளியேறும் வழிகள் உள்ளன. அருகிலுள்ள ராஜா சூலான் நிலையத்தைப் போலவே, இந்த மேடான் துவாங்கு நிலையமும், பல்வேறு கடைவல மையங்களுக்கு நடந்து செல்லும் தொலைவில் உள்ளது.