மேக்ஸ் தெய்லர்
| மேக்ஸ் தெய்லர் | |
|---|---|
 1951ஆம் ஆண்டில் மேக்ஸ் தெய்லர் | |
| பிறப்பு | 30 சனவரி 1899 பிரிட்டோரியா, தென்னாபிரிக்கக் குடியரசு (தற்போதைய தென்னாப்பிரிக்கா) |
| இறப்பு | 11 ஆகத்து 1972 (அகவை 73) நியூ ஹேவென், கனெடிகட், அமெரிக்க ஐக்கிய நாடுகள் |
| தேசியம் | தென்னாப்பிரிக்கர், அமெரிக்கர் |
| துறை | தீநுண்மியியல் |
| கல்வி கற்ற இடங்கள் | கேப்டவுன் பல்கலைக்கழகம் |
| அறியப்படுவது | மஞ்சள் காய்ச்சல்நோய்க்கு எதிரான தடுப்பு மருந்து கண்டறிந்தமை |
| விருதுகள் | சால்மெர்ஸ் பதக்கம்(1939) இலஸ்கர்-டிபேக்கே மருத்துவ ஆராய்ச்சி விருது(1949) மருத்துவம் அல்லது உடலியங்கியலுக்கான நோபல் பரிசு (1951) |
மேக்ஸ் தெய்லர் (Max Theiler) (30 சனவரி 1899 – 11 ஆகத்து 1972) தென்னாப்பிரிக்காவில் பிறந்து அமெரிக்காவில் வாழ்ந்த ஓர் அறிவியலாளர் ஆவார். இவர் 1899ஆம் ஆண்டு சனவரி 30 அன்று தென்னாப்பிரிக்காவின் பிரிட்டோரியாவில் பிறந்தார்.
கல்வி மற்றும் தொழில் வாழ்க்கை
[தொகு]இவர் தென்னாப்பிரிக்காவில் மருத்துவம் பயின்றார். பின்னர் இலண்டன் ஸ்கூல் ஆஃப் ஹைஜீன் அண்ட் ட்ராபிகல் மெடிசின் நிறுவனத்தில் பயின்றார். 1922இல் அமெரிக்காவின் ஹார்வர்ட் பல்கலைக்கழகத்தில் சேர்ந்தார். ராக்பெல்லர் ஃபௌண்டேஷனில் (Rockefeller Foundation) நீண்ட காலம் பணியாற்றினார், அங்கு வைரஸ் நோய்கள் குறித்து ஆராய்ச்சி செய்தார். இஅவரது பங்களிப்பு உலகளாவிய சுகாதாரத்தில் மிகப்பெரிய தாக்கத்தை ஏற்படுத்தியது.[1]
முக்கிய ஆராய்ச்சி பங்களிப்புகள்
[தொகு]மஞ்சள் காய்ச்சல் (Yellow Fever) நோய்க்கான தடுப்பூசியை உருவாக்கியதற்காக அவர் மிகவும் பிரபலமானார். அவர் உருவாக்கிய "17D வைரஸ் தடுப்பூசி" மிகவும் பாதுகாப்பானது மற்றும் பயனுள்ளதாக இருந்தது.
நோபல் பரிசு
[தொகு]1951-ஆம் ஆண்டு மஞ்சள் காய்ச்சல் நோய்க்கான தடுப்பூசியை உருவாக்கியதற்காக மருத்துவத்திற்கான நோபல் பரிசு பெற்றார். இந்த தடுப்பூசி மில்லியன் கணக்கான உயிர்களைக் காப்பாற்றியது.[2]
மேற்கோள்கள்
[தொகு]- ↑ "Max Theiler – Biographical". NobelPrize.org (in அமெரிக்க ஆங்கிலம்). Retrieved 2019-08-12.
- ↑ "The Nobel Prize in Physiology or Medicine 1951". Nobel Foundation. Retrieved 2017-11-30.