மெலஸ்பாஸ்

மெலாஸ்பாஸ் (Melaspas) என்பது புதிதாக கட்டப்பட்ட அல்லது புதிதாக குடியேறவிருக்கும் கட்டடங்களைத் தூய்மைப்படுத்தி, சுத்திகரிக்கும் பாலி மக்களின் ஒரு சடங்காகும். இதில் ரூமா (வீடு), கான்டோர் (அலுவலகம்), டோகோ (கடை), கண்டங் (தொழுவங்கள்) போன்ற கட்டடங்கள் அடங்கும். இந்தோனேசியாவின் பாலியில் இந்துக்களால் மெலாஸ்பாஸ் என்னும் புதுமனைப் புகுவிழா சடங்கு மேற்கொள்ளப்படுகின்றது. மெலஸ்பாஸ் என்ற சொல் பாலி மொழியிலிருந்து வந்ததாகும். இது எம்எல்ஏஸ் மற்றும் பாஸ் என்ற இரண்டு சொற்களின் சேர்க்கையாகும். எம்எல்ஏஸ் என்றால் பிரித்தல் என்றும், பாஸ் என்றால் பொருந்துவது என்றும் பொருளாகும். கட்டடங்கள் பொதுவாக மரம், பத்து (கல்) ஆகிய இரண்டு பொருட்களால் ஆனவை என்பதையும் மெலாஸ்பாஸ் சுட்டுகிறது. பாலி இந்துக்களுக்கு, இந்த விழா நடத்தப்பட வேண்டிய ஒரு பாரம்பரியமாகிவிட்டது.

நிறைவேற்றுதல்

மெளஸ்பாஸ் விழா நடத்தும் விதத்தைக் கொண்டு மூன்று பிரிவுகளாக வகைப்படுத்தப்பட்டுள்ளது:

• கனிஸ்டா விழா என்பது ஒப்பீட்டளவில் சிறியதாக எளிமையாக நடத்தப்படுவது.
• மத்யௌபசாரம் நடுத்தரமாக நடத்தப்படுவதைக் குறிக்கிறது.
• பிரதான விழா ஒப்பீட்டளவில் பெரிய அளவில் நடைபெறுகிறது.