மெகல்லன் விண்ணுளவி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
மெகல்லன் விண்ணுளவி
Magellan - artist depiction.png
மெகல்லன் விண்ணுளவி, வெள்ளிக் கோளை சுற்றி வருவது போன்ற கற்பனைப் படம்.
திட்ட வகை வெள்ளி சுற்றுக்கலன்
இயக்குபவர் நாசா
காஸ்பார் குறியீடு 1989-033பி
இணையதளம் www2.jpl.nasa.gov/magellan/
திட்டக் காலம் நான்கு ஆண்டுகள், இரண்டு மாதங்கள்
விண்கலத்தின் பண்புகள்
தயாரிப்பு மார்ட்டின் மேரியெட்டா
ஜியூசு வானூர்தி
ஏவல் திணிவு 1,035 கிகி (2,282 இறா)
திறன் ஏறத்தாழ 1,030 வாட்டு
திட்ட ஆரம்பம்
ஏவப்பட்ட நாள் மே 4, 1989, 18:47:00 ஒசநே
ஏவுகலன் விண்ணோடம் அட்லாண்டிசு
எஸ்டிஎஸ்-30 / ஐயூஎஸ்
ஏவலிடம் கென்னடி விண்வெளி மையம்
திட்ட முடிவு
கழிவு அகற்றம் வெள்ளியின் வளிமண்டலத்தில் எரிந்து விட்டது.
தேய்வு நாள் அக்டோபர் 13, 1994
சுற்றுப்பாதை அளபுருக்கள்
Reference system Cytherocentric
வெள்ளி சுற்றுக்கலன்
சுற்றுப்பாதையில் இணைதல் ஆகஸ்ட் 10, 1990, 17:00:00 ஒ.ச.நே

மெகல்லன் விண்ணுளவி (Magellan) அல்லது வெள்ளி மெகல்லன் துருவி என்பது நாசாவால், 1989 மே 4 அன்று அனுப்பப்பட்ட 1,035 கி.கி எடையுடைய ஒரு இயந்திர விண்ணுளவி ஆகும். இந்த விண்ணுளவியின் நோக்கம் வெள்ளி கோளின் மேற்பரப்பு மற்றும் ஈர்ப்புப் புலத்தை பற்றி அறிவது ஆகும்.

மெகல்லன் விண்ணுளவி தான் முதன் முதலில் விண்ணோடத்திலிருந்து அனுப்பப்பட்ட விண்ணுளவி ஆகும்.மேலும் இது தனது சுற்றுப்பாதையில் வலம் வரும் போது வளிமண்டலக் கலநிறுத்தம் (aerobraking) முதன் முதலில் பரிசோதிக்கப்பட்டதும் இந்த விண்ணுளவியில் தான்.இது நாசாவால் வெள்ளி கோளுக்கு விண் பொருள்களை அனுப்பும் பணிகளில் நான்காவது வெற்றிகரமான பணி ஆகும். மேலும் இது அமெரிக்கா வேற்று கோள்களுக்கு விண்ணுளவிகளை அனுப்பாமல் இருந்த 11 ஆண்டு கால இடைவெளியை முடிவுக்கு கொண்டுவந்தது.

விண்ணுளவியின் வடிவமைப்பு[தொகு]

செலவுகள் குறைக்க மெகல்லன் விண்ணுளவி, மற்ற பணிகளுக்காக வாங்கப்பட்ட உதிரி பாகங்களைக் கொண்டு வடிவமைக்கப்பட்டது. கொலராடோ டென்வரில் உள்ள மார்ட்டின் மரிட்ட விண்வெளி குழு இதை உருவாக்கினார்கள்.[1]

கட்டுப்பாட்டு அமைப்பு[தொகு]

மெகல்லன் விண்ணுளவியை மூன்று அச்சுகளில் நிலைப்படுத்தும் வகையில் வடிவமைக்கப்பட்டது.

தொடர்பாடல்[தொகு]

இந்த விண்ணுளவி தொடர்பாடலுக்காக இலகுரக கிராஃபைட்/அலுமினியத்தாலான, 3.7 மீட்டர் அளவுடைய உயர்ஈட்ட அலையுணரியும் (high-gain antenna), நடுத்தர ஈட்ட அலையுணரியும் (medium-gain antenna) பொருத்தப்பட்டுள்ளது. இது தொலை தூர விண்வெளி வலைப் பின்னலுடன் தொடர்பு கொள்ளும் போது வினாடிக்கு 1.2 கிலோபிட் கட்டளைகளைப் பெற்றுக் கொண்டு வினாடிக்கு 268.8 கிலோபிட் தகவல்களை அனுப்ப முடியும்.

ஆற்றல்[தொகு]

மெகல்லன் இரண்டு 2.5 மீட்டர் அளவுடைய சூரியவொளித் தகடுகளின் மூலம் ஆற்றலைப் பெருகிறது.ஆரம்பத்தில் இந்த சூரியவொளித் தகடுகள் 1,200 வாட் ஆற்றலை விண்ணுளவிக்கு அளித்த போதிலும் தீவிர வெப்பநிலை மாற்றங்களின் காரணமாக இதன் தரம் படிப்படியாக தாழ்ந்துவிட்டது.சூரிய ஒளி இந்த தகடுகளில் படாத காலங்களில், மணிக்கு 30 ஆம்ப் கொடுக்ககூடிய நிக்கல்-கேட்மியம் மின்கலம் இதை இயக்க பயன்படுத்தப்படும்.மீண்டும் சூரிய ஒளி தகடுகளில் படும் போது தானக மறுஊட்டம் பெற்றுக்கொள்ளும்.

மேற்கோள்கள்[தொகு]

  1. Croom, Christopher A.; Tolson, Robert H.. "Venusian atmospheric and Magellan properties from attitude control data". NASA Contractor Report. NASA Technical Reports Server. பார்த்த நாள் 8 October 2011.
"https://ta.wikipedia.org/w/index.php?title=மெகல்லன்_விண்ணுளவி&oldid=1857988" இருந்து மீள்விக்கப்பட்டது