முத்துப்பேட்டை
| முத்துப்பேட்டை | |||||
| அமைவிடம் | |||||
| நாடு |  இந்தியா
| ||||
| மாநிலம் | தமிழ்நாடு | ||||
| மாவட்டம் | திருவாரூர் | ||||
| வட்டம் | முத்துப்பேட்டை | ||||
| ஆளுநர் | ஆர். என். ரவி[1] | ||||
| முதலமைச்சர் | மு. க. ஸ்டாலின்[2] | ||||
| மாவட்ட ஆட்சியர் | ப. காயத்ரி கிருஷ்ணன், இ. ஆ. ப [3] | ||||
| மக்கள் தொகை • அடர்த்தி |
41,722 (2011[update]) • 3,260/km2 (8,443/sq mi) | ||||
| நேர வலயம் | இந்திய சீர் நேரம் (ஒ.ச.நே + 05:30) | ||||
| பரப்பளவு | 12.80 சதுர கிலோமீட்டர்கள் (4.94 sq mi) | ||||
|
குறியீடுகள்
| |||||
| இணையதளம் | www.townpanchayat.in/muthupettai | ||||
முத்துப்பேட்டை (Muthupet), இந்தியாவின் தமிழ்நாடு மாநிலத்தில் அமைந்துள்ள திருவாரூர் மாவட்டத்தில் ஒரு நகரம் மற்றும் பேரூராட்சி ஆகும். முத்துப்பேட்டை ஊராட்சி ஒன்றியத்தின் வட்டார வளர்ச்சி அலுவலகம் முத்துப்பேட்டையில் உள்ளது. இவ்வூரில் உள்ள சதுப்புநிலக் காடுகளுக்காகப் புகழ்பெற்றது. முத்துப்பேட்டை நகரம் பட்டுக்கோட்டை மற்றும் நாகப்பட்டினம் நகரங்களுக்கு இடையே உள்ளது. பட்டுக்கோட்டையில் இருந்து 22 கி.மீ. மற்றும் மன்னார்குடியில் இருந்து 41 கி.மீ. திருவாரூர்மாவட்டத்தின் கடைக்கோடி நகரம் மற்றும் மக்கள் தொகையில் மூன்றாம் பெரிய நகரம்.
அமைவிடம்[தொகு]
முத்துப்பேட்டை பேரூராட்சி, திருவாரூரிலிருந்து 55 கி. மீ. தொலைவில் உள்ளது. முத்துப்பேட்டையில் தொடருந்து நிலையம் உள்ளது . இதனைச்சுற்றி அமைந்த நகரங்கள் நாகப்பட்டினம் 53 கிமீ; பட்டுக்கோட்டை 26 கி. மீ. மன்னார்குடி 36 கி. மீ. தொலைவில் உள்ளது.
பேரூராட்சியின் அமைப்பு[தொகு]
17.80 சகிமீ பரப்பும், 18 வார்டுகளும், 166 தெருக்களும் கொண்ட இப்பேரூராட்சி திருத்துறைப்பூண்டி (சட்டமன்றத் தொகுதி)க்கும், நாகப்பட்டினம் மக்களவைத் தொகுதிக்கும் உட்பட்டது.[4]
மக்கள்தொகை பரம்பல்[தொகு]
2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 7102 வீடுகளும், 41722 மக்கள்தொகையும் கொண்டது.[5][6][7]
அலுவலகங்கள்[தொகு]
இங்கு மொத்தம் 11 கல்விக்கூடங்கள், 17 மருத்துவமனைகள், 166 தெருக்கள், முத்துப்பேட்டை ஊராட்சி ஒன்றிய அலுவலகம், பேரூராட்சி மன்ற அலுவலகம், சார்பதிவகம், பேருந்து நிலையம், காவல் நிலையம், காவல்துறை துணை கண்காணிப்பாளர் அலுவலகம், பேருந்து நிலையம், இரயில் நிலையம், வார சந்தை, அரசு பொது நூலகம், இணையதள மையங்கள், தொலை தொடர்பு அலுவலகம் உள்ளன.
தொழில்[தொகு]
முத்துப்பேட்டையின் பிரதானமாக தொழிலாக இருப்பது மீன் பிடிப்பதும், ரியல் எஸ்டேட் விவசாயம், தேங்காய் வியாபாரமுமாகும். முத்துப்பேட்டையிலிருந்து பல மாநிலங்களுக்குத் தேங்காய் ஏற்றுமதி செய்யப்படுகிறது.
சுற்றுலா மையம்[தொகு]
முத்துப்பேட்டையில் சதுப்பு நிலக்காடுகள் (லகூன்) அமைந்துள்ளது தனித்தனித்தீவுகளாக காட்சியளிப்பது முத்துப்பேட்டையின் சிறப்பம்சமாகும். உலகின் பல்வேறு பகுதியிலிருந்து பலவகைப் பறவை இனங்கள் குறிப்பிட்ட சில காலங்களில் இங்கு வந்து தங்கி தங்களது தேவைகளை நிறைவேற்றிக் கொள்கிறது.
முத்துப்பேட்டை தர்கா[தொகு]
சுமார் எழுநூறு வருடங்கள் பழமை வாய்ந்த முத்துப்பேட்டை தர்காவிற்கு அனைத்து சமுதாய மக்களும் வருகை தருகின்றனர். பழம்பெருமை வாய்ந்த இந்த இடம், இஸ்லாமிய கட்டுமான முறைகளின்படி கட்டப்பட்டதாகும். இஸ்லாமிய மார்க்கத்தில் கூறப்பட்டுள்ள சமூக சம உரிமை, பாகுபாடின்மை ஆகியவற்றை வலியுறுத்திய ஹழரத் ஷைக் தாவூத் காமில் ஒலியுல்லாஹ் எனும் பெருந்தகையின் நினைவிடமாகும்.
அருகில் உள்ள சுற்றுலா தளங்கள்[தொகு]
70 கி.மீ. தொலைவில் தஞ்சாவூரும், 29 கி.மீ. தொலைவில் மல்லிபட்டினமும் வேளாங்கண்ணி நாகூர் தென் கிழக்கு முனையில் கோடியக்கரையும் சுற்றுலா தளங்களாக அமைந்துள்ளன.
நகர வளர்ச்சி[தொகு]
"ஆவன்னா நேனா உதவி பெறும் துவக்கப் பள்ளி"தான் முத்துப்பேட்டையில் துவங்கப்பட்ட முதல் பள்ளிக்கூடமாகும். இப்பள்ளி சங்கத்து பள்ளிக்கூடம் என்றும் அழைக்கப்படுகிறது.
[இஸ்லாமிய] [பள்ளிவாசல்கள்] 1.பேட்டையில் உள்ள முகைதீன் பள்ளி 2.தெற்கு தெருவில் உள்ள அரபு சாஹிப் பள்ளி 3.முகைதீன் பள்ளி 4.குட்டியார் ஜும்மா பள்ளி 5. கொத்துபா பள்ளி 6.மதினா பள்ளி 7.மக்கா பள்ளி 8.ஜாக் ஜாமியா ஜிம்மா பள்ளி 9.ரஹ்மத் ஜும்மா பள்ளி 10.ரஹமது ஸ்கூல் ஜும்மா பள்ளி 11.ஆசாத் நகர் ஜும்மா பள்ளி 12.புதுப்பள்ளிவாசல் ஜும்மா மஸ்ஜித் 13.தர்கா ஜிம்மா பள்ளி 14.நூற்பள்ளி TNTJ 15.மஸ்ஜிதுன் நூர் கிளை இரண்டு TNTJ 16. ஆசாத் நகர் TNTJ ஜும்மா பள்ளி
மேற்கோள்கள்[தொகு]
- ↑ "தமிழக ஆளுநர் பற்றிய குறிப்பு". tn.gov.in. தமிழ்நாடு அரசு. 2015. நவம்பர் 3, 2015 அன்று பார்க்கப்பட்டது.
- ↑ "தமிழக முதலமைச்சர் பற்றிய குறிப்பு". tn.gov.in. தமிழ்நாடு அரசு. நவம்பர் 3, 2015 அன்று பார்க்கப்பட்டது.
- ↑ "மாவட்ட ஆட்சியர் தொடர்பு விவரம்". tn.gov.in. தமிழ்நாடு அரசு. நவம்பர் 3, 2015 அன்று பார்க்கப்பட்டது.
- ↑ முத்துப்பேட்டை பேரூராட்சியின் இணையதளம்
- ↑ http://www.townpanchayat.in/muthupettai/population
- ↑ Muthupet Population Census 2011
- ↑ Muthupet Town Panchayat