முதுகுளத்தூர் கலவரம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
முதுகுளத்தூர் கலவரம்
Mudukulathur Riot
நாள் செப்டம்பர் 10, 1957
இடம் முதுகுளத்தூர், தமிழ் நாடு,  இந்தியா
9°21′00″N 78°31′00″E / 9.350006°N 78.516694°E / 9.350006; 78.516694ஆள்கூறுகள்: 9°21′00″N 78°31′00″E / 9.350006°N 78.516694°E / 9.350006; 78.516694
முரண்பட்ட தரப்பினர்
தமிழ்நாடு காவல்துறை தடியடி, துப்பாக்கிச்சூடு
வழிநடத்தியோர்
முதுகுளத்தூர் is located in தமிழ்நாடு
முதுகுளத்தூர்
முதுகுளத்தூர்
இந்தியாவில் தமிழ்நாடு மாநிலத்தில் 1957-ஆம் ஆண்டு நடந்த சாதிகலவரம் நடந்த இடங்களின் வரைப்படம்

முதுகுளத்தூர் கலவரம் (ஆங்கிலம்:Mudukulathur Riots) அல்லது இராமநாதபுரம் கலவரம் என்பது தமிழ்நாட்டின் இராமநாதபுரம் மாவட்டம், முதுகுளத்தூரில் 1957 ஆம் ஆண்டு சூலை முதல் செப்டம்பர் மாதம் வரை மறவர் மற்றும் தேவேந்திரர் ஆகிய இரு சமூகத்தினர் இடையே நடந்த கலவரமாகும். [1]

பின்னணி விவரம்[தொகு]

தென் தமிழக வரலாற்றில் மிகவும் குறிப்பிடத்தக்க நிகழ்வுகளில் ஒன்று முதுகுளத்தூர் கலவரம் ஆகும். முத்துராமலிங்கத் தேவர் முதுகுளத்தூர் தொகுதியின் சட்டமன்ற உறுப்பினர் பதவியை ராஜினாமா செய்த காரணத்தினால் இந்த தொகுதிக்கு 1957 ஆம் ஆண்டு சூலை 1 ஆம் நாள் அன்று இடைதேர்தல் நடத்தப்பட்டது. இதில் தேவரின் ஆதரவு பெற்ற பார்வர்ட் பிளாக் கட்சி வேட்பாளர் சசிவர்ண தேவர் வெற்றி பெற்றார். இந்த தேர்தல் முடிவு அறிவிப்பு நேரங்களில் இராமநாதபுரம் மற்றும் அதனைச் சுற்றிய பகுதிகளில் பதற்றம் நிலவியது. இது பின்னர் கலவரமாக மாறியது. பார்வர்ட் பிளாக் கட்சிக்கு அனேக ஆதரவளித்து வந்த மறவர் இனத்தவர்களும் காங்கிரஸ் கட்சிக்கு ஆதரவளித்து வந்த தேவேந்திரர் இனத்தவர்களும் பெருமளவில் மோதிக் கொண்டனர். இந்த கலவரம் இராமநாதபுரத்தைச் சுற்றியுள்ள கிராமப் பகுதிகளுக்கு வேகமாக பரவியது. இதில் பலர் கொல்லப்பட்டனர் ஆயிரக்கணக்கான வீடுகள் தீக்கிரையாக்கபட்டன. [2] இதைத் தொடர்ந்து 1957 களில் நடந்த தேவேந்திர இன மக்களுக்கெதிரான ஆதிக்க சாதிக் கலவரங்களுக்காக மாவட்ட ஆட்சியரால் நடத்தப்பட்ட அமைதிக்கூட்டத்தில் தேவேந்திர இன மக்களின் சார்பில் கலந்து கொண்ட ஆறு பேரில் இமானுவேலும் ஒருவர். இதற்கு அடுத்த நாள் செப்டம்பர் 11, 1957 அன்று அவர் படுகொலை செய்யப்பட்டார். தனக்குச் சமமான இருக்கையில் அமர்ந்ததற்காக அனைத்திந்திய பார்வார்டு பிளாக்கட்சியின் தமிழ் நாடு கிளைத் தலைவர் முத்துராமலிங்கத் தேவரின் ஆட்களே கொலை செய்ததாகக் குற்றம் சாட்டப்பட்டு முத்துராமலிங்கத் தேவர் கைது செய்யப்பட்டார். இவ்வாறு பரமக்குடி, முதுகுளத்தூர், சிவகங்கை வட்டங்களில் பரவிய இக்கலவரத்தில் இரு சாதியரும் நேரடியாக மோதிக்கொண்டதில் 17 தேவேந்திரர், எட்டு தேவர்களும் கொல்லப்பட்டனர். காவல் துறை துப்பாக்கிச் சூட்டிற்கு தேவர் சாதியைச் சேர்ந்த 13 பேர் பலியாகினர். மேலும் மொத்தம் 2,842 வீடுகள் தீ வைக்கப்பட்டன. இவற்றில் 2,735 வீடுகள் தேவேந்திரர் மற்றும் பிற தாழ்த்தப்பட்ட மக்களின் வீடுகள் ஆகும். [3]

நீதி விசாரணை[தொகு]

இம்மானுவேலைக் கொலை செய்ததாக குற்றம் சாட்டப்பட்டவர்களை கைது செய்ய, கீழ்த்தூவல் கிராமத்துக்கு காவலர் சென்றனர். அப்போது பயங்கர ஆயுதங்களுடன் மறவர்கள் கூட்டமாக வந்து காவலரைத் தாக்கினர். இதைத் தொடர்ந்து காவல் துறை துப்பாக்கிச் சூடு நடத்தினர். இந்த துப்பாக்கிச் சூட்டில், ஐந்து மறவர்கள் இறந்ததாக காவல் துறை அறிவித்தது. ஆனால் ஐந்து பேரைப் பிடித்து அடித்து, கைகளையும், கண்களையும் கட்டி, குளக்கரையில் நிற்க வைத்து சுட்டுக் கொன்றனர் என்று கீழ்த்தூவல் மக்கள் குற்றம் சாட்டினர். [2] இதைப் பற்றி விசாரணை நடத்தி அறிக்கை தருமாறு, வருவாய்த் துறை வாரியத்தின் உறுப்பினர் எஸ். வெங்கடேசுவரனுக்கு அரசாங்கம் உத்தரவிட்டது. அவர் பரமக்குடிக்கு சென்று, பாதிக்கப்பட்டவர்களிடம் விசாரணை நடத்தினார். பின்னர் அரசாங்கத்திடம் அவர் அறிக்கை கொடுத்தார். பயங்கர ஆயுதங்களால் தாக்க வந்தவர்களை அடக்க காவல்துறை தற்காப்புக்காக துப்பாக்கி சூடு நடத்தி உள்ளனர். இதில் ஐந்து பேர் மாண்டனர். எவரையும் கட்டி வைத்து சுட்டுக் கொல்லவில்லை என்று அறிக்கையில் கூறப்பட்டு இருந்தது. இந்த அறிக்கையை எதிர்க்கட்சியினர் ஏற்கவில்லை. இது தொடர்பாக, சட்டசபையில் அப்போதைய தமிழக முதல்வர் காமராசர் தலைமையிலான மந்திரிசபை மீது அக்டோபர் 28, 1957 ஆம் ஆண்டு நம்பிக்கையில்லா தீர்மானம் கொண்டு வரப்பட்டது. இத் தீர்மானத்தை கம்யூனிசத் தலைவர் எல். கல்யாணசுந்தரம் கொண்டு வந்தார். அப்போதைய தி. மு. க தலைவர் அண்ணா பேசும்போது, முதுகுளத்தூர் கலவரத்தில் யார் பக்கம் நியாயம் இருக்கிறது என்பதை கண்டு கொள்ள முடியவில்லை. இந்த சம்பவம் பற்றி நீதி விசாரணை நடத்த வேண்டும். அப்போது தான் உண்மை தெரியும் என்று வலியுறுத்தினார். விவாதத்துக்கு நிதி அமைச்சர் சி. சுப்பிரமணியம் பதில் அளிக்கையில், ஐந்து மறவர்களின் கைகளைக் கட்டி காவல்துறை சுட்டுக்கொன்றதாக கூறப்பட்ட புகாரை மறுத்தார். தமிழ்ப்பண்பு படைத்த நமது காவல்துறை அதிகாரிகள், ஒருபோதும் நிரபராதிகளை சுடமாட்டார்கள் என்று அவர் கூறினார். முடிவில், நம்பிக்கை இல்லாத் தீர்மானத்தின் மீது ஓட்டெடுப்பு நடந்தது. தீர்மானத்துக்கு ஆதரவாக 28 பேர்களும், எதிராக 146 பேர்களும் வாக்களித்தனர். தி.மு.கழகம் இந்த வாக்கெடுப்பில் கலந்து கொள்ளவில்லை. [2]

மேற்கோள்கள்[தொகு]


வெளியிணைப்பு[தொகு]

"http://ta.wikipedia.org/w/index.php?title=முதுகுளத்தூர்_கலவரம்&oldid=1697678" இருந்து மீள்விக்கப்பட்டது