முதனிலைத் திராவிட மொழி

முதனிலைத் திராவிட மொழி (ஆங்கிலம்: Proto-Dravidian) என்பது, திராவிட மொழிகளுக்கான முதனிலை மொழி ஆகும். முதனிலை மொழிகள் என்பன கருதுகோள் அடிப்படையிலான மொழிகள். இவை மொழியியலாளர்களாற் செய்யப்படுகின்ற மீளுருவாக்கங்கள். அவற்றுக்கு வரலாற்றுப் பதிவுகள் ஏதும் இருப்பதில்லை. இதனால் முதல் நிலைத் திராவிட மொழியும் ஒரு கருதுகோள் அடிப்படையிலானதும், பயன்பாட்டிலுள்ள திராவிட மொழிகளை ஆய்வு செய்து அவற்றின் அடிப்படையில் மீளுருவாக்கம் செய்யபட்டதுமான ஒரு மொழியாகும்.

பிரிவு

இம்முதனிலைத் திராவிட மொழி, கிமு 500 அளவில் முதனிலை வட திராவிடம், முதனிலை நடுத் திராவிடம், முதனிலைத் தென் திராவிடம் எனப் பிரிந்ததாகச் சிலர் கூறுகின்றனர். வேறு சில மொழியியலாளர்கள், திராவிட மொழிகளின் துணைக் குடும்பங்களிடையே காணப்படும் வேறுபாடுகளின் அளவைப் பார்க்கும்போது இப் பிரிவு இன்னும் முன்னதாகவே ஏற்பட்டிருக்கலாம் எனக் கருதுகின்றனர். எல்லாத் திராவிட மொழிகளையும் உள்ளடக்கி, முதனிலைத் திராவிட மொழி வடிவங்களைக் காட்டும் ஒரே நூல், திராவிடச் சொற்பிறப்பியல் அகரமுதலி ஆகும். இதுவும், அதிக விளக்கங்கள் எதுவும் கொடாமல் தொடர்புள்ள சொற்களின் பட்டியலை மட்டுமே தருகிறது.

சொற்கோவை

சொற்கோவை:

தமிழ்	முதனிலைத் திராவிட மொழி	ஆங்கிலம்
ஒன்று	*on-ṯu; *ōr-/*or-V-	‘one’
இரண்டு	*īr/*ir-V	‘two’
மூன்று	*muH-/*mū-	‘three’ (adj.)
நான்கு	*nāl/*nal-V-	‘four’ (adj.)
ஐந்து	*cay-m-	‘five’ (adj.)
ஆறு	*caṯ-V	‘six’ (adj.)
ஏழு	*eẓ-V	‘seven’ (adj.)
எட்டு	*eṇ	‘eight’ (adj.)
ஒன்பது	*on-patV	‘ten minus one’
பத்து	*paH-	‘ten’ (adj.)
தலை	*tal-ay	‘head, hair, top’
கண்	*kaṇ	‘eye’
மூக்கு	*mū-nk(k)u/-nc-	‘nose, beak’
பல்	*pal	‘tooth’
வாய்	*wāy	‘mouth (edge, beak, mouth of vessel, aperture, blade of sword)’
கை	*kay	‘hand, arm’
கால்	*kāl	‘leg, foot’
பால்	*pāl	‘milk, breast’
எலும்பு	*el-V-mp/-nk	‘bone’
பெண்	*peṇ	‘woman’
பெயர்	*pin-cc-Vr	‘name’
வானம்	*wān-am	‘sky’
நிலா	*nel-a-nc/-ncc	‘moon, moonlight’
நீர்	*nīr	‘water’
ஆறு	*yĀtu	‘river, stream’
கடல்	*kaṭ-al	‘sea, ocean’
கல்	*kal	‘stone’
நாள்	*nāḷ	‘day’
மரம்	*mar-am/-an	‘tree’
காய்	*kāy	‘fruit, pod’
காடு	*kā(-n), kā-ṭu	‘forest’
புல்	*pul	‘grass’
நாய்	*naH-ay/-att/-kuẓi	‘dog’
புலி	*pul-i	‘tiger’
எலி	*el-i	‘rat’
பாம்பு	*pāmpu	‘snake’
இறைச்சி	*iṯ-ay-cci	‘meat’
எண்ணெய்	*ney	‘oil, ghee’
மீன்	*mīn	‘fish’
பேன்	*pēn	‘louse’
வெண்மை	*weḷ/*weṇ	‘white’
இனிய	*in-	‘sweet’ (adj./n.)
புளித்த	*puḷ-	‘sour’
கசப்பு	*kac (> kay)	‘bitter; bitterness’
உண்	*uHṇ-/*ūṇ-	‘to eat, drink’
தின்னு	*tiHn-	‘to eat’
வா	*waH-/*waH-r	‘to come’
நடை	*naṭ-a	‘to walk’
தூக்கம்	*tuñc-	‘to sleep’
எண்ணு	*eṇ	‘to count’