உள்ளடக்கத்துக்குச் செல்

முக்ரிஸ் மகாதீர்

கட்டற்ற கலைக்களஞ்சியமான விக்கிப்பீடியாவில் இருந்து.
டத்தோ ஸ்ரீ உத்தாமா
முக்ரிஸ் மகாதீர்
Mukhriz Mahathir
慕克里·马哈迪
DMK; SPMK; SJMK; DGSM;
DHMS; DIMP; DSNS
2013-ஆம் ஆண்டில் முக்ரிஸ் மகாதீர்
கெடா மந்திரி பெசார்
பதவியில்
6 மே 2013 – 3 பிப்ரவரி 2016
முன்னையவர்அசீசான் அப்துல் ரசாக்
பின்னவர்அகமட் பாசா அனிபா
பதவியில்
11 மே 2018 – 17 மே 2020
முன்னையவர்அகமட் பாசா அனிபா
பின்னவர்சனுசி முகமது நோர்
மலேசிய பன்னாட்டு வணிகம் மற்றும் தொழில் துறை துணை அமைச்சர்
பதவியில்
10 ஏப்ரல் 2009 – 15 மே 2013
பிரதமர்நஜீப் ரசாக்
தொகுதிஜெர்லுன்
1-ஆவது தலைவர்
உள்நாட்டுப் போராளிகள் கட்சி
பதவியில் உள்ளார்
பதவியில்
12 ஆகத்து 2020
1-ஆவது துணைத் தலைவர்
மலேசிய ஐக்கிய மக்கள் கட்சி
பதவியில்
7 செப்டம்பர் 2016 – 28 மே 2020
தொகுதிஜெர்லுன்
[[மலேசிய நாடாளுமன்றம் நாடாளுமன்றம்]]
ஜெர்லுன்
பதவியில்
9 மே 2018 – 19 நவம்பர் 2022
பெரும்பான்மை5,866 (2018)
பதவியில்
8 மார்ச் 2008 – 5 மே 2013
பெரும்பான்மை2,205 (2008)
சட்டமன்ற உறுப்பினர் Member
ஜித்ரா கெடா மாநில சட்டமன்றம்
பதவியில் உள்ளார்
பதவியில்
9 மே 2018
பெரும்பான்மை10,849 (2018)
சட்டமன்ற உறுப்பினர் Member
ஆயர் ஈத்தாம் கெடா மாநில சட்டமன்றம்
பதவியில்
5 மே 2013 – 9 மே 2018
பெரும்பான்மை2,446 (2013)
தனிப்பட்ட விவரங்கள்
பிறப்பு
முக்ரிஸ் மகாதீர்

25 நவம்பர் 1964 (1964-11-25) (அகவை 61)
அலோர் ஸ்டார், கெடா, மலேசியா
குடியுரிமைமலேசியர்
அரசியல் கட்சிஅம்னோ (2004–2016)
சுயேட்சை (சூன்-செப்டம்பர் 2016, மே-ஆகத்து 2020)
பெர்சத்து (2016–2020)
பெஜுவாங் (2020-இல் இருந்து)
பிற அரசியல்
தொடர்புகள்		பாரிசான் நேசனல் (2004–2016)
பாக்காத்தான் ஹரப்பான் (2017–2020, நட்பு: 2020–2022)
தாயக இயக்கம் (2022–2023)
துணைவர்நூர்சையித்தா சக்காரியா (Norzieta Zakaria)
பிள்ளைகள்4 (மீரா அல்யன்னா முக்ரிஸ்)
பெற்றோர்மகாதீர் முகமது
சித்தி அஸ்மா முகமட் அலி
வாழிடம்5, துன் இசுமாயில் சாலை 1, புக்கிட் துங்கு, கோலாலம்பூர்
முன்னாள் மாணவர்சோபியா பல்கலைக்கழகம்
பாஸ்டன் பல்கலைக்கழகம்
பணிஅரசியல்வாதி
தொழில்வணிகர்

டத்தோ ஸ்ரீ உத்தாமா முக்ரிஸ் மகாதீர் (ஆங்கிலம்: Mukhriz Mahathir; ஜாவி: محاضر; مخرج بن சீனம்: 慕克里·马哈迪) (பிறப்பு: 25 நவம்பர் 1964) என்பவர் ஒரு மலேசிய அரசியல்வாதி; மலேசியா கெடா மாநிலத்தின் மந்திரி பெசார் எனும் முதலமைச்சர் பதவியை இரு முறை வகித்தவர் ஆகும். அவர் முன்னாள் பிரதமர் மகாதீர் முகமது அவர்களின் மூன்றாவது மகன் ஆவார்.[1]

மே 2013 முதல் பிப்ரவரி 2016 வரையில் கெடா மாநிலத்தின் 11-ஆவது மந்திரி பெசார்; மீண்டும் மே 2018 முதல் மே 2020 வரையில் 13-ஆவது மந்திரி பெசார் என இரு முறை முதலமைச்சராகப் பணியாற்றியவர்.[2]

முன்னாள் பிரதமர்கள் நஜீப் ரசாக் ஆகியோரின் பாரிசான் நேசனல் நிர்வாகத்தின் கீழ், ஏப்ரல் 2009 முதல் மே 2013 வரை; மலேசிய பன்னாட்டு வணிகம் மற்றும் தொழில் துறை துணை அமைச்சராகவும் பணியாற்றினார்.

பொது

[தொகு]

முக்ரிஸ் மகாதீர், மலேசியாவின் 4-ஆவது, 7-ஆவது பிரதமரான மகாதீர் முகமது மூன்றாவது மகன் ஆவார். மலேசிய வரலாற்றில் இரண்டு வெவ்வேறு அரசியல் கட்சிகள் மற்றும் அரசியல் கூட்டணிகளைப் பிரதிநிதித்த இரண்டு மந்திரி பெசார்களில் இவரும் ஒருவர் ஆகும்.

அவரது அரசியல் வாழ்க்கை 2004 ஆம் ஆண்டு குபாங் பாசு அம்னோ கிளையின் உறுப்பினராக இணைந்ததன் மூலம் தொடங்கியது. அவரது தந்தையும் குபாங் பாசு தொகுதியின் நாடாளுமன்ற உறுப்பினராகப் பணியாற்றியவர் ஆவார். 2004 ஆம் ஆண்டு செப்டம்பரில், 694 வாக்குகள் பெற்று, அதிக வாக்குகள் பெற்றவராக முக்ரிஸ் அம்னோ இளைஞர் இயக்கத்தின் செயற்குழு உறுப்பினராகத் தேர்ந்தெடுக்கப்பட்டார்.[3] பின்னர் அவர் அந்த இயக்கத்தின் சர்வதேச மற்றும் அரசு சாரா அமைப்புகள் தொடர்பு பிரிவு தலைவராக நியமிக்கப்பட்டார்.[4]

அவர் Aman Malaysia அமைப்பின் ஒருங்கிணைப்பாளராகவும் செயல்பட்டு, 2004 ஆம் ஆண்டு அச்சே பகுதியில் ஏற்பட்ட சுனாமி பாதிப்பிற்கான உதவி நடவடிக்கைகள், 2005 ஆம் ஆண்டு பாகிஸ்தானின் காஷ்மீர் நிலநடுக்கம், 2006 ஆம் ஆண்டு ஜோக்ஜகார்த்தா நிலநடுக்கம், 2006 ஆம் ஆண்டு இஸ்ரேலின் லெபனான் மீதான படையெடுப்பு மற்றும் 2008 ஆம் ஆண்டு பாலஸ்தீனின் காசா பகுதியின் மீதான இஸ்ரேல் தாக்குதலால் பாதிக்கப்பட்டவர்களுக்கு உதவி வழங்கும் மனிதாபிமான பணிகளில் பங்கேற்றுள்ளார்.[4]

1MDB நிதி முறைகேடு விவகாரம் தொடர்பாக, முக்ரிஸ் பொதுவாகக் கருத்து வெளியிட்டு, தொழிலதிபர் ஜோ லோவைச் சுற்றிய விசாரணைகள் மற்றும் அரசாங்கத்தின் அணுகுமுறையை விமர்சித்தார். அவர், 1MDB விசாரணைகள் தொடர்பாக அதிகாரிகளின் செயல்பாடுகள் குறித்து சந்தேகம் வெளியிட்டிருந்தார்.[5]

இவர் தன் தந்தையார் மகாதீர் முகமது; பாரிசான் நேசனல் கூட்டணியின் ஓர் அங்கமான அம்னோவின் (UMNO) உறுப்பினராக இருந்தார். 2016-இல் பெர்சத்து உருவாகும் வரையில் இவரும் இவரின் தந்தையாரும் அம்னோவின் உறுப்பினர்களாக இருந்தனர்.[6][7]

பின்னர் ஆகத்து 2020-இல் உள்நாட்டுப் போராளிகள் கட்சி நிறுவப்பட்டது.[8] அப்போது இருந்து இவர் அந்தக் கட்சியின் நிறுவன உறுப்பினராகவும்; முதல் தலைவராகவும் இருந்து வருகிறார்.[9]

சட்டமன்ற நாடாளுமன்ற உறுப்பினர்

[தொகு]

அத்துடன் மார்ச் 2008 முதல் மே 2013 வரை; மே 2018 முதல் அக்டோபர் 2022 வரை, ஜெர்லூன் நாடாளுமன்ற உறுப்பினராகவும் பணியாற்றியுள்ளார். நாடாளுமன்ற உறுப்பினராக மட்டும் அல்லாமல் கெடா மாநிலச் சட்டமன்ற உறுப்பினராகவும் பணிபுரிந்து உள்ளார்.

மே 2018 முதல் கெடா மாநிலத்தின் ஜித்ரா தொகுதிக்கான சட்டமன்ற உறுப்பினராகவும்; மே 2013 முதல் மே 2018 வரை ஆயர் ஈத்தாம் தொகுதிக்கான சட்டமன்ற உறுப்பினராகவும் பணியாற்றியுள்ளார்.

2022 ஆம் ஆண்டு நடைபெற்ற 15ஆம் பொதுத் தேர்தலில், முக்ரிஸ் ஜெர்லூன் தொகுதியில் போட்டியிட்டார். அந்தத் தேர்தலில் அவர் தோல்வியடைந்தார்.[10] Pejuang கட்சியும் எந்தத் தொகுதியிலும் வெற்றி பெறவில்லை.[11]

கெடா மந்திரி பெசார்

[தொகு]
2019-ஆம் ஆண்டில் முக்ரிஸ் மகாதீர்

முக்ரிஸ் 6 மே 2013 அன்று கெடா மாநிலத்தின் மந்திரி பெசாராக நியமிக்கப்பட்டார்.[12] 2015–2016 காலப்பகுதியில், அம்னோ கட்சிக்குள் தேசிய மட்டத்தில் ஏற்பட்ட அரசியல் பதற்றம், குறிப்பாக அந்நாள் பிரதமர் நஜிப் ரசாக்கை விமர்சித்த மகாதீரின் நிலைப்பாட்டுடன் தொடர்புடைய உள்கட்சிச் சிக்கல்கள், கெடா மாநில அரசியலையும் பாதித்தன.[13] முக்ரிஸ் மாநில அம்னோ உறுப்பினர்களின் ஆதரவை இழந்ததாக தெரிவிக்கப்பட்டது.[14] இதன் பின்னர் 3 பெப்ரவரி 2016 அன்று அவர் மந்திரி பெசார் பதவியில் இருந்து விலகினார்.[15]

பின்னர் 9 மே 2018 அன்று, பொதுத் தேர்தலின் பின்னர் அவர் மீண்டும் கெடா மாநில மந்திரி பெசாராக பதவி ஏற்றார்.[16] எனினும் 17 மே 2020 அன்று மாநில அரசில் ஏற்பட்ட அரசியல் மாற்றங்களின் காரணமாக அவர் பதவியை இழந்தார்.[17] மணிக்கு கெடா மாநிலத்தின் புதிய மந்திரி பெசாராக பாஸ் கட்சியைச் சேர்ந்த முகமட் சனுசி முகமட் நோர் பதவியேற்க கெடா சுல்மான் ஒப்புதல் வழங்கியுள்ளார்.[18]

தனிப்பட்ட வாழ்க்கை

[தொகு]

முக்ரிஸ் மகாதீர், 1987-ஆம் ஆண்டில் தோக்கியோவில் உள்ள சோபியா பல்கலைக்கழகத்தில் வணிக நிர்வாகத்தில் இளங்கலை பட்டம் பெற்றார். பின்னர் அவர் 1989-ஆம் ஆண்டில், பாஸ்டன் பல்கலைக்கழகத்தில் மற்றோர் இளங்கலைப் பட்டம் பெற்றார்.[19][20][21]

முக்ரிஸ் பல வணிக நிறுவனங்களில் பல்வேறு பதவிகளை வகித்துள்ளார். அதில் ஆப்காம் நிறுவனம் (Opcom Holdings);[22] கோசுமோ டெக் (Kosmo Tech)[23] மற்றும் மலேசிய உரிமைச் சங்கம் (Malaysian Franchise Association)[24] ஆகியவை அடங்கும். பெர்டானா பன்னாட்டு அமைதி அமைப்பின் (Perdana Peace Global Organisation) நிர்வாக இயக்குனராகவும் இருந்தார்.[25] அவர் மலேசிய புற்றுநோய் தடுப்பூசி நிறுவனமான பயோவென் (Bioven) இயக்குநர்கள் குழுவின் தலைவராகவும் பணியாற்றினார்.[26]

முக்ரிஸ் 14 நவம்பர் 1993-இல் நோர்சியேட்டா சக்காரியா (Norzieta Zakaria) என்பவரை மணந்தார்.[27] இவர்களுக்கு நான்கு பிள்ளைகள் உள்ளனர்.

சர்ச்சை

[தொகு]

27 ஆகத்து 2020-இல், மீட்பு நடமாட்டக் கட்டுப்பாட்டு ஆணை (MCO) விதிகளை மீறியதற்காக காவல்துறையினரால் கைது செய்யப்பட்டவர்கள் தன்னுடைய மகள் மற்றும் மருமகன் என்று முக்ரிஸ் ஒப்புக்கொண்டார்.[28][29][30]

கடந்த ஆகஸ்ட் 23-ஆம் தேதி பெட்டாலிங் ஜெயா துன் டாக்டர் இஸ்மாயில் பகுதியில் உள்ள மதுபான விடுதி ஒன்றில் காவல்துறையினர் அதிகாலை 1.20 மணியளவில் சோதனை நடத்தினர். அங்கிருந்தவர்கள் கைது செய்யப்பட்டனர். கைது செய்யப்பட்டவர்களில் முக்ரிஸ் மகாதீரின் மகளும் மருமகனும் அடங்குவர். விடுதியில் இருந்த 29 பேர்களுக்கும் காவல்துறையினர் தலா ஆயிரம் ரிங்கிட் அபராதம் விதித்தனர்.[31]

2020 ஆகத்து 28-இல், முக்ரிசின் மகள் மீரா அல்யன்னா முக்ரிஸ் (Meera Alyanna Mukhriz), மதியம் 12 மணிக்கு மேல் ஓர் உணவகத்தில் இருந்ததன் மூலம் மீட்பு இயக்கம்-கட்டுப்பாட்டு உத்தரவை (RMCO) மீறியதற்காக மன்னிப்பு கோரினார்.[32][33]

மேலும் காண்க

[தொகு]

சான்றுகள்

[தொகு]
  1. ↑ "Mukhriz to vie for Umno posts". New Straits Times (in ஆங்கிலம்). 2004-06-12.
  2. ↑ SARJI, NURUL ATIKAH (2023-07-27). "Politically Frank: 'Story of my life' Mukhriz on MB post cut short twice". Sinar Daily (in ஆங்கிலம்).
  3. ↑ "Mukhriz among new faces in Youth exco". New Straits Times (in ஆங்கிலம்). 2004-09-23.
  4. 1 2 "Dr M happy with Mukhriz's appointment (Updated)". www.thenutgraph.com (in ஆங்கிலம்). 2009-04-09.
  5. ↑ "ஜோ லோவை அம்னோ தற்காக்கிறது – முக்ரிஸ் குற்றச்சாட்டு!". Selliyal. 2017-10-26.
  6. ↑ Zahiid, By Syed Jaymal (2016-06-24). "Umno sacks Muhyiddin, Mukhriz". Malay Mail (in ஆங்கிலம்).
  7. ↑ "Mukhriz: Pribumi will moot two-term limit for PM". Malay Mail (in ஆங்கிலம்). 2016-09-23.
  8. ↑ "Dr Mahathir's new party now known as 'Pejuang'". The Malaysian Reserve (in ஆங்கிலம்). 2020-08-12.
  9. ↑ RAZAK, RADZI (2020-09-03). "Mukhriz: 70pc of Bersatu grassroots ready to join Pejuang". Malay Mail (in ஆங்கிலம்).
  10. ↑ "Official: (Nov 19): Pejuang president Mukhriz Mahathir loses Jerlun Parliamentary seat". The Edge Malaysia (in ஆங்கிலம்). 2022-11-20.
  11. ↑ Xiang, Yap Wan (2022-11-20). "All 158 GTA-Pejuang Candidates Collectively Lose RM1.3 Million Of Deposit Money In #GE15". SAYS (in ஆங்கிலம்).
  12. ↑ Bernama (2013-05-06). "Mukhriz to be sworn in as Kedah MB". Malaysiakini (in ஆங்கிலம்).
  13. ↑ "Mahathir's son forced out as Najib tightens grip over party". Gulf Times (in ஆங்கிலம்). 2016-02-03.
  14. ↑ "Open war against MB, Kedah Umno wants Mukhriz out". Malaysiakini (in ஆங்கிலம்). 2016-01-20.
  15. ↑ Mok, By Opalyn (2016-02-03). "Mukhriz resigns as Kedah MB (VIDEO)". Malay Mail (in ஆங்கிலம்).
  16. ↑ Iskandar, Petah Wazzan (2018-05-11). "Mukhriz sworn in as Kedah Menteri Besar [NSTTV]". NST Online (in ஆங்கிலம்).
  17. ↑ Loone, Susan (2020-05-16). "Mukhriz out, new Kedah MB to be sworn in tomorrow". Malaysiakini (in ஆங்கிலம்).
  18. ↑ "கெடா : முக்ரிஸ் பதவி விலகினார் – புதிய மந்திரி பெசார் பதவியேற்கிறார்". Selliyal. 2020-05-17.
  19. ↑ "Yab Dato' Seri Paduka Hj Mukhriz Bin Tun Mahathir".
  20. ↑ "Mukhriz Hanya Mampu Bertahan 3 Tahun Sebagai MB Kedah - MYNEWSHUB".
  21. ↑ "Mukhriz Mahathir: Executive Profile & Biography - Bloomberg". Bloomberg News.
  22. ↑ "Mukhriz to relinquish post as Opcom chairman". New Straits Times (in ஆங்கிலம்). 2009-04-30.
  23. ↑ Board of directors பரணிடப்பட்டது 10 மார்ச் 2007 at the வந்தவழி இயந்திரம்
  24. ↑ Openings for franchise companies
  25. ↑ "Was it so rosy under Saddam?". New Straits Times (in ஆங்கிலம்). 2009-04-10.
  26. ↑ Board of Directors பரணிடப்பட்டது 7 சனவரி 2008 at the வந்தவழி இயந்திரம்
  27. ↑ "Village style wedding for Dr M's son". New Straits Times (in ஆங்கிலம்). 1993-11-15.
  28. ↑ Asyraf, Faisal (2020-08-27). "Mukhriz 'disappointed' daughter, son-in-law breached MCO". Malaysiakini.
  29. ↑ "Mukhriz confirms daughter, son-in-law among 29 fined for violating recovery MCO". The Star (in ஆங்கிலம்). 2020-08-27.
  30. ↑ Arif, Zahratulhayat Mat (2020-08-27). "Mukhriz confirms daughter, son-in-law picked up over RMCO breach". NST Online (in ஆங்கிலம்).
  31. ↑ "முக்ரிஸ் மகாதீர் மகளும் மருமகனும் கைது". Selliyal. 2020-08-28.
  32. ↑ "Mukhriz's daughter Ally apologises for RMCO breach". www.themalaysianinsight.com (in ஆங்கிலம்). 2020-08-29.
  33. ↑ Babulal, Veena; Solhi, Farah (2020-08-28). "Ally Mukhriz 'deeply ashamed' for breaking RMCO rules". NST Online (in ஆங்கிலம்).

வெளி இணைப்புகள்

[தொகு]
"https://ta.wikipedia.org/w/index.php?title=முக்ரிஸ்_மகாதீர்&oldid=4476602" இலிருந்து மீள்விக்கப்பட்டது