முக்தார் பேகம்

கட்டற்ற கலைக்களஞ்சியமான விக்கிப்பீடியாவில் இருந்து.
முக்தார் பேகம்
பிறப்புமுக்தார் கானும்
(1901-07-12)12 சூலை 1901
அமிருதசரசு, பிரித்தானிய இந்தியா, இந்தியா
இறப்பு25 பெப்ரவரி 1982(1982-02-25) (அகவை 80)
கராச்சி, பாக்கித்தான்
மற்ற பெயர்கள்இசையின் ராணி[1]
கல்விபாட்டியாலா கரானா இசைப்பள்ளி
பணி
  • பாடகர்
  • நடிகை
  • நடனக் கலைஞர்
  • இசைத் தொகுப்பாளர்
செயற்பாட்டுக்
காலம்
1920 – 1982
பெற்றோர்குலாம் முகமது (தந்தை)
வாழ்க்கைத்
துணை
ஆகா ஹசார் காஷ்மீரி (கணவன்)
பிள்ளைகள்1
உறவினர்கள்பரிதா கானும் (சகோதரி)
ஷீபா ஹசன் (உறவினர்)

முக்தார் பேகம் (Mukhtar Begum) ஒரு பாக்கித்தானிய பாரம்பரிய பாடகியும், கசல் பாடகியும், நடிகையும் ஆவார். [2] திரைப்படங்களிலும் வானொலிகளிலும் பாடல்களைப் பாடியதற்காக இவர் "இசையின் ராணி" என்று அழைக்கப்பட்டார். [1] இந்தி, பஞ்சாபி மற்றும் உருது படங்களில் பணிபுரிந்தார். ஹதிலி துல்ஹான், அலி பாபா 40 சோர், நள தமயந்தி, தில் கி பியாஸ், அன்க் கா நாஷா, முஃப்லிஸ் ஆஷிக் மற்றும் சத்ரா பகாவலி ஆகிய படங்களில் நடித்ததற்காக அறியப்பட்டார். [2]

ஆரம்ப கால வாழ்க்கை[தொகு]

முக்தார் பேகம், 1901 ஆம் ஆண்டு பிரித்தானிய இந்தியாவின் அமிர்தசரசில் பிறந்தார். பாக்கித்தனின் பிரபல பாடகி பரிதா கானும் உட்பட இவருக்கு ஒரு சகோதரியும் மூன்று சகோதரர்களும் இருந்தனர் . [2]

இவர் பாட்டியாலா கரானாவின் (இசை பாணி) பாரம்பரிய இசைப் பள்ளியில் பயின்றார். அங்குள்ள உஸ்தாத் மியான் மெஹர்பான் கான் இவரது ஏழு வயதிலிருந்தே இந்துஸ்தானிய இசையில் பயிற்சி அளித்தார். [2]

தொழில்[தொகு]

1930 களில், இவர் கொல்கத்தாவிற்கு குடிபெயர்ந்தார். மேலும் பிரபல உருது நாடக ஆசிரியரும் கவிஞரும், தனது பிற்கால கணவருமான ஆகா ஹஷர் காஷ்மீரி எழுதிய மேடை நாடகங்களில் இவர் நடிக்க ஆரம்பித்தார். [3] [2] பின்னர் மும்பைகுச் சென்று அங்கேயும் நாடகத்துறையில் பணியாற்றினார். [4] பிறகு, ஊமைத் திரைப்படங்களில் பணியாற்றத் தொடங்கினார். 1931 இல் அறிமுகமான இவர் நள தமயந்தி, தில் கி பியாஸ், அன்க் கா நாஷா மற்றும் முஃப்லிஸ் ஆஷிக் உள்ளிட்ட இந்தி, பஞ்சாபி மற்றும் உருது ஆகிய இரு மொழிகளிலும் தோன்றினார். [2] முக்தார் பேகம் பிரேம் கி ஆக் மற்றும் பேஷம் உள்ளிட்ட இரண்டு படங்களுக்கும் பாடல்களையும் இயற்றியுள்ளார். [5]

கொல்கத்தாவில், இவர் நூர்ஜஹானின் குடும்பத்தினரைச் சந்தித்து, அவரது சகோதரிகளையும் திரைப்படம் மற்றும் நாடகங்களில் சேர ஊக்குவித்தார். மேலும் சில தயாரிப்பாளர்களிடமும் தனது கணவர் ஆகா ஹஷர் காஷ்மீரியிடமும் அவர்களை அறிமுகப்படுத்தினார். [6]

இந்தியப் பிரிவினைக்குப் பிறகு தனது குடும்பத்துடன் பாக்கித்தானுக்குச் சென்று இலாகூரில் குடியேறினார். [7] [2] அங்கு தொடர்ந்து வானொலி மற்றும் தொலைக்காட்சிக்காக கசல்களைப் பாடினார். [8] [9] [10] இலாகூரில், வானொலி பாக்கித்தானிலும் பல பாடல்களைப் பாடினார்.

இவர் ஒரு இசை ஆசிரியராகவும் பணிபுரிந்தார், மேலும் பாடகி நசீம் பேகம் மற்றும் தனது சொந்த தங்கை பரிதா கானும் ஆகியோருக்கு பாரம்பரிய இசை பாடல்களிலும், கசல்களிலும் பயிற்சி அளித்தார். [11]

திருமணம்[தொகு]

முக்தார் உருது கவிஞரும், நாடக ஆசிரியரும், நாடக நடிகருமான ஆகா ஹஷர் காஷ்மீரியை மணந்தார். இவரது தங்கை பரிதா கானும் ஒரு பிரபலமான கசல் பாடகி ஆவார். [2]

இறப்பு[தொகு]

நீண்டகாலமாக பக்கவாதத்தால் பாதிக்கப்பட்ட முக்தார் பேகம் பிப்ரவரி 25, 1982 அன்று தனது 80 வயதில் கராச்சியில் இறந்தார். [12] [13] [2]

சான்றுகள்[தொகு]

  1. 1.0 1.1 "فلمی و ادبی شخصیات کے سکینڈلز۔ ۔ ۔قسط نمبر356". Daily Pakistan. 28 April 2022.
  2. 2.0 2.1 2.2 2.3 2.4 2.5 2.6 2.7 2.8 "Mallikas of yesteryear". Himal Southasian. 26 March 2022.
  3. India's Shakespeare : translation, interpretation, and performance. 
  4. "From here to Bombay". The News International. 6 September 2021.
  5. Indian Filmography: Silent & Hindi Films, 1897-1969. 
  6. DOUBLE X FACTOR. பக். 100. 
  7. "Lahore a part of me". The News International. 12 July 2021.
  8. "The history, art and performance of ghazal in Hindustani sangeet". Daily Times. 15 January 2022.
  9. "Daagh and ghazal singing". The News International. 10 June 2021.
  10. "Experimenting with ghazal". The News International. 24 December 2021.
  11. Who's Who: Music in Pakistan. பக். 187. 
  12. "کلاسیکی گائیکی میں نام وَر مختار بیگم کی برسی". ARY News. 10 May 2022.
  13. Asiaweek, Volume 12, Issues 27-39. 

வெளி இணைப்புகள்[தொகு]

"https://ta.wikipedia.org/w/index.php?title=முக்தார்_பேகம்&oldid=3654803" இலிருந்து மீள்விக்கப்பட்டது