முகம்மது சாஹ்ஷாட்

கட்டற்ற கலைக்களஞ்சியமான விக்கிப்பீடியாவில் இருந்து.


முகம்மது சாஹ்ஷாட்
தனிப்பட்ட தகவல்கள்
முழுப்பெயர்முகம்மது சாஹ்ஷாட்
மட்டையாட்ட நடைவலதுகை துடுப்பாட்டம்
பங்குவிக்கட் காப்பாளர்கள்
பன்னாட்டுத் தரவுகள்
நாட்டு அணி
ஒநாப அறிமுகம் (தொப்பி 14)ஆகத்து 30 2009 எ நெதர்லாந்து
கடைசி ஒநாபஆகத்து 16 2010 எ ஸ்கொட்லாந்து
வாழ்நாள் புள்ளிவிவரங்கள்
போட்டி வகை ஒ.நா இருபது20 முதல் ஏ-தர
ஆட்டங்கள் 14 8 7 26
ஓட்டங்கள் 643 154 802 977
மட்டையாட்ட சராசரி 49.46 22.00 80.20 40.70
100கள்/50கள் 3/3 –/1 2/5 3/6
அதியுயர் ஓட்டம் 118 65* 214* 118
வீசிய பந்துகள்
வீழ்த்தல்கள்
பந்துவீச்சு சராசரி
ஒரு முறையில்
5 வீழ்த்தல்கள்
ஒரு போட்டியில்
10 வீழ்த்தல்கள்
சிறந்த பந்துவீச்சு
பிடிகள்/இலக்கு
வீழ்த்தல்கள்
15/4 4/3 25/3 26/8
மூலம்: கிரிக்இன்ஃபோ, சூலை 29 2011

முகம்மது சாஹ்ஷாட் (Mohammad Shahzad), பிறப்பு: சூலை 15 1991, ஆப்கானித்தான் அணியின் துடுப்பாட்டக்காரர். இவர் 2 தேர்வுத் துடுப்பாட்டம் 84 ஒருநாள் பன்னாட்டுத் துடுப்பாட்டப் போட்டிகளிலும், ஏழு முதல்தர துடுப்பாட்டப் போட்டிகளிலும், 26 ஏ-தர துடுப்பாட்டப் போட்டிகளிலும் கலந்து கொண்டுள்ளார். இவர் 2009/10, 2019/11 பருவ ஆண்டில் ஒருநாள் பன்னாட்டுத் துடுப்பாட்டப் போட்டிகளில் ஆப்கானித்தான் துடுப்பாட்ட அணியின் உறுப்பினராக பங்குகொண்டார்.

சூன் 2018 ஆம் ஆண்டில் இந்தியத் துடுப்பாட்ட அணிக்கு எதிராக ஆப்கான் அணி விளையாடிய முதல் தேர்வுத் துடுப்பாட்டப் போட்டிகளில் விளையாடிய பதினொரு வீரர்களில் இவரும் ஒருவர். மேலும் இவர் 2018 ஆம் ஆண்டில் நடைபெற்ற ஆசியக் கோப்பைத் துடுப்பாட்டத் தொடரில் இந்திய அணிக்கு எதிராக நூறு ஓட்டங்களைப்பதிவு செய்தார். ஆனால் அந்த அணி 131 ஒட்டங்களுக்கு ஆட்டமிழந்தது. இதன் மூலம் ஒரு வீரர் நூரு ஓட்டங்கள் எடுத்தும் மிகக் குறைவான ஓட்டங்களைப் பதிவு செய்த துடுப்பாட்ட அணி எனும் சாதனையினை சாகித் அபிரிடியுடன் சமன் செய்தார்.[1]

ஆரம்பகால வாழ்க்கை[தொகு]

சாஹ்சாட் ஆப்கானித்தான் மாகாணம் நன்கிரஹார் மாகாணத்தில் சூலை 15 1991 இல் பிறந்தார். பின் பாக்கித்தானில் உள்ள பெஷாவர் அகதிகள் முகாமிற்கு இவர்களின் குடும்பம் குடிபெயர்ந்தது. தனது வாழ்க்கையின் பெரும்பாலான காலகட்டங்களை இவர் பெசாவரிலேயெ கழித்தார்.மேலும் திருமணமும் அங்கு தான் நடைபெற்றது. 2018 ஆம் ஆண்டு வரை இவர் பெசாவர்அகதிகள் முகாமில் தான் இருந்தார்.பின் ஆப்கானித்தான் துடுப்பாட்ட வாரியம் கேட்டுக் கொண்டதற்கினங்க இவர் ஆப்கானித்தான் திரும்பினார்.[2]

சர்வதேச போட்டிகள்[தொகு]

2008 ஆம் ஆண்டு முதல் இவர் ஆப்கானித்தான் அணி சார்பாக விளையாடி வருகிறார். 2009 ஆம் ஆண்டில் தென்னாப்பிரிக்காவில் நடைபெற்ற துடுப்பாட்ட உலகக் கிண்ணத் தொடரில் இவர் விளையாடினார். அதன்பிறகு இவர் தேர்வுத் துடுப்பாட்டம் ஒருநாள் பன்னாட்டுத் துடுப்பாட்டம் மற்றும் பன்னாட்டு இருபது20 ஆகிய மூன்று வடிவங்களிலும் விளையாடியுள்ளார்.[3]

முதல்தரத் துடுப்பாட்டம்[தொகு]

2009–2010[தொகு]

2009-10 ஆம் ஆண்டுகளுக்கான கண்டங்களுக்கு இடையிலான கோப்பைத் தொடரில் இவர் அறிமுகமானார்.

2009 ஆம் ஆண்டில் நடைபெற்ற முதாரே விளையாட்டு சங்கத்தில் நடைபெற்ற சிம்பாப்வே லெவன் அணிக்கு எதிரான முதல்தரத் துடுப்பாட்டப் போட்டியில் இவர் 79 ஓட்டங்களை எடுத்தார்.[4] 2010 ஆம் ஆண்டில் அயர்லாந்து அணிக்கு எதிரான துடுப்பாட்டப் போட்டியின் முதல் ஆட்டப் பகுதியில் 88 ஓட்ட்டங்களையும் இரண்டாவது ஆட்டப் பகுதியில் இறுதிவரை ஆட்டமிழக்காமல் 42 ஓட்டங்களையும் எடுத்து அணியின் வெற்றிக்கு உதவினார். [5] 2010 ஆம் ஆண்டில் கனடா துடுப்பாட்ட அணிக்கு எதிரான போட்டியில் இவர் இறுதிவரை ஆட்டமிழக்காமல் 214 ஓட்டங்களை எடுத்து அணியின் வெற்றிக்கு உதவினார். இதன்மூலம் முதல்தரத் துடுப்பாட்டப் போட்டிகளில் இருநூறு ஓட்டங்கள் அடித்த முதல் வீரர் எனும் சாதனை படைத்தார். [6][7]

கண்டங்களுக்கு இடையிலான போட்டித் தொடரில் ஸ்காட்லாந்து அணிக்கு எதிரான போட்டியில் ஐம்பது ஓட்டங்கள் எடுத்து அணியின் வெற்றிக்கு உதவினார்.[8] அந்தத் தொடரில் 802 ஓட்டங்களை 80.20 எனும் சராசரியோடு எடுத்தார். இதன் மூலம் அதிக ஓட்டங்கள் எடுத்த வீரர்கள் வரிசையில் முதலிடம் பெற்றார். அதில் இரன்டு நூறுகளும் ஐந்து ஐமது ஓட்டங்களும் அடங்கும். மேலும் 25 கேட்சுகளும் 3 ஸ்டம்பிங் செய்தார்.[9][10]

சான்றுகள்[தொகு]

  1. "Mohammad Shahzad slams century against India, equals Shahid Afridi's unique record".
  2. Farooq, Umar (15 April 2018). "Shahzad fined, asked to relocate to Afghanistan". ESPNcricinfo. 24 January 2019 அன்று பார்க்கப்பட்டது.
  3. Della Penna, Peter. "Mohammad Shahzad - Check Shahzad's News, Career, Age, Rankings, Stats". ESPNcricinfo. 23 January 2019 அன்று பார்க்கப்பட்டது.
  4. "Full Scorecard of Zimbabwe XI vs Afghanistan, ICC Intercontinental Cup - Score Report". ESPNcricinfo. 23 January 2019 அன்று பார்க்கப்பட்டது.
  5. "Afghans take 2nd day honours | Cricket". ESPNcricinfo. 22 January 2010. 23 January 2019 அன்று பார்க்கப்பட்டது.
  6. McGlashan, Andrew (28 April 2010). "Afghanistan's extraordinary journey reaches West Indies | Cricket". ESPNcricinfo. 23 January 2019 அன்று பார்க்கப்பட்டது.
  7. "Intercontinental Cup: Afghanistan chase down 494 | Cricket". ESPNcricinfo. 23 February 2010. 23 January 2019 அன்று பார்க்கப்பட்டது.
  8. "Afghanistan v Scotland: Afghanistan surge to Intercontinental title | Cricket". ESPNcricinfo. 4 December 2010. 23 January 2019 அன்று பார்க்கப்பட்டது.
  9. "ICC Intercontinental Cup, 2009-2010/11 Cricket Team Records & Stats". ESPNcricinfo. 23 January 2019 அன்று பார்க்கப்பட்டது.
  10. "ICC Intercontinental Cup, 2009-2010/11 Cricket Team Records & Stats". ESPNcricinfo. 23 January 2019 அன்று பார்க்கப்பட்டது.

வெளி இணைப்பு[தொகு]

"https://ta.wikipedia.org/w/index.php?title=முகம்மது_சாஹ்ஷாட்&oldid=2814363" இருந்து மீள்விக்கப்பட்டது