உள்ளடக்கத்துக்குச் செல்

மீன்வளக் கல்லூரி மற்றும் ஆராய்ச்சி நிறுவனம், தூத்துக்குடி

ஆள்கூறுகள்: 8°46′37″N 78°06′33″E / 8.777051°N 78.1091°E / 8.777051; 78.1091
கட்டற்ற கலைக்களஞ்சியமான விக்கிப்பீடியாவில் இருந்து.
மீன்வளக் கல்லூரி மற்றும் ஆராய்ச்சி நிறுவனம், தூத்துக்குடி
முந்தைய பெயர்
மீன்வளக் கல்லூரி
குறிக்கோளுரை"Learn Explore Succeed"
வகைமீன்வளக் கல்லூரி
உருவாக்கம்1977
துணை வேந்தர்நா. பெலிக்சு
துறைத்தலைவர்பி. சுந்தரமூர்த்தி
அமைவிடம்
தூத்துக்குடி
,
தமிழ்நாடு
,
இந்தியா

8°46′37″N 78°06′33″E / 8.777051°N 78.1091°E / 8.777051; 78.1091
வளாகம்நகர்ப்புறம் ( outside city on harbourbypass road)
சேர்ப்புதமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகம்
இணையதளம்www.tnjfu.ac.in/fcritut www.tnjfu.ac.in

மீன்வளக் கல்லூரி மற்றும் ஆராய்ச்சி நிறுவனம் (Fisheries College and Research Institute) என்பது இந்தியாவில் தமிழ்நாட்டில், தூத்துக்குடியில் அமைந்துள்ள மீன்வளம் குறித்த கல்லூரியாகும். இக்கல்லூரியானது தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகத்தின் கீழ் செயல்படும் நிறுவனம் ஆகும்.

வரலாறு

[தொகு]

தூத்துக்குடி மீன்வளக் கல்லூரி மற்றும் ஆராய்ச்சி நிறுவனம், முத்து மீன்பிடித்தலுக்கான புகழ்பெற்ற நகரமான தூத்துக்குடியில், 1977ஆம் ஆண்டு தமிழ்நாடு வேளாண் பல்கலைக்கழகத்தின் ஒரு அங்கமாக நிறுவப்பட்டது. இதன் மூலம், இது தமிழ்நாட்டில் முதல் மீன்கள் குறித்த கல்வி கற்பிக்கும் கல்லூரியாகவும், இந்தியாவில் மங்களூரில் உள்ள மீன்வளக் கல்லூரிக்குப் பிறகு இளநிலை மீன்வள அறிவியல் பட்டத்தை வழங்கும் இரண்டாவது கல்லூரியாகவும் மாறியது. தமிழ்நாடு கால்நடை மருத்துவ மற்றும் விலங்கு அறிவியல் பல்கலைக்கழகம், செப்டம்பர் 20, 1989 அன்று ஏற்கனவே உள்ள தமிழ்நாடு வேளாண் பல்கலைக்கழகத்திலிருந்து பிரிக்கப்பட்டபோது, இக்கல்லூரி புதிதாக உருவாக்கப்பட்ட தமிழ்நாடு கால்நடை மற்றும் விலங்கு அறிவியல் பல்கலைக்கழகத்துடன் மீண்டும் இணைக்கப்பட்டது. ஆராய்ச்சி மற்றும் விரிவாக்கத்தில் கவனம் செலுத்துவதற்காக, 1990ஆம் ஆண்டில் இந்தக் கல்லூரி மீன்வளக் கல்லூரி மற்றும் ஆராய்ச்சி நிறுவனம் என முறையாக மறுபெயரிடப்பட்டது.[1] இந்தக் கல்லூரி இப்போது தமிழ்நாட்டின் நாகப்பட்டினத்தில் தலைமையகமாக கொண்டு செயல்படும் புதிதாக நிறுவப்பட்ட தமிழ்நாடு டாக்டர் ஹெ. ஜெயலலிதா மீன்வளப் பல்கலைக்கழகத்தின் கீழ் செயல்படும் கல்லூரியாக மாறியுள்ளது.[2][3]

வளாகம்

[தொகு]

அமைவிடம்

[தொகு]

மீன்வளக் கல்லூரி மற்றும் ஆராய்ச்சி நிறுவனம் நான்கு வளாகங்களில் செயல்படுகிறது. மீன்வளக் கல்லூரி மற்றும் ஆராய்ச்சி நிறுவனத்தின் பிரதான வளாகம் நகரிலிருந்து சுமார் 10 கி.மீ. தொலைவில் 24 எக்டேர் பரப்பளவில் பரந்து விரிந்து அமைந்துள்ளது. இது துறைமுக புறநகர்ச் சாலை வழியாக அணுகக்கூடியது. கடற்கரை ஆய்வக வளாகம் பிரதான வளாகத்திலிருந்து 11 கிலோ மீட்டர் தொலைவில் அமைந்துள்ளது. இது தூத்துக்குடி மீன்பிடி துறைமுக வளாகத்திற்குள் 0.4 ஹெக்டேர் பரப்பளவில் அமைந்துள்ளது வடக்கு கடற்கரை சாலையில் அமைந்துள்ளது.[4] கடற் தொழிற்நுட்ப ஆராய்ச்சி மற்றும் விரிவாக்க மையம், தருவைகுளத்தில் தூத்துக்குடி புறநகரில் அமைந்துள்ளது. இது முதன்மை வளாகத்திலிருந்து 25 கி.மீ. தொலைவில் உள்ள ஒரு மீன்பிடி கிராமமாகும். இந்த வளாகம் கடல்சார் வளர்ப்பு நடவடிக்கைகள் குறித்த ஆராய்ச்சிக்கு உதவுகிறது. தமிழ்நாட்டின் கடற்கரையோரம் செல்லும் கிழக்கு கடற்கரை சாலை வழியாக இதை அணுகலாம்.[5] முதன்மை வளாகத்திலிருந்து 3 கி.மீ. தொலைவில் 1 எக்டேர் பரப்பளவில் பணியாளர் குடியிருப்புகளும் விடுதிகளும் உள்ள குடியிருப்பு வளாகம் தனியாக உள்ளது.

உள்கட்டமைப்பு

[தொகு]

பிரதான வளாகத்தில் நிர்வாகத் தொகுதி, கணினி ஆய்வகம், வேளாண் ஆய்வு மையம், கலையரங்கம், மாநாட்டு அரங்கம், காணொளி மண்டபம், தேர்வுக் கூடம், இளநிலை / முதுநிலை வகுப்பறைத் கட்டடங்கள், நூலகம், அருங்காட்சியகம் மற்றும் மின்-கற்றல் ஆய்வகம் ஆகியவை உள்ளன.

ஆராய்ச்சி மையங்கள் மற்றும் பண்ணைகள்

[தொகு]

கல்லூரியில் உள்ள ஆராய்ச்சி மையங்களில் மீன் தர கண்காணிப்பு மற்றும் சான்றிதழ் மையம்[6] சமுத்திர தொழில்நுட்ப ஆராய்ச்சி மையம் ஆகியவை அடங்கும்.[7] மீன்வளக் கல்லூரி மற்றும் ஆராய்ச்சி நிறுவன பிரதான வளாகத்தில் 2 ஹெக்டேர் பரப்பில் மீன் குளங்கள், 2.70 எக்டேர் பரப்பளவு கொண்ட நீர்த்தேக்கம், 31 நன்னீர் இறால் பண்ணைகள், நன்னீர் இறால் குஞ்சு பொரிப்பகம், கெண்டை மீன் குஞ்சு பொரிப்பகம், கண்ணாடி குழாய் மீன்வளம் மற்றும் இறால் ஓடு பாதை அமைப்பு,[5] கெளுத்தி மீன் பண்ணை மற்றும் குஞ்சு பொரிப்பகம், அலங்கார மீன் வளர்ப்பு வசதி மற்றும் அதிஉரைபதன அலகு ஆகியவையும் உள்ளன.[8] கடற்கரை ஆய்வக வளாகத்தில் மீன் பதப்படுத்துதல் மற்றும் மீன்பிடி தொழில்நுட்ப வசதிகள் உள்ளன. இவற்றில் மீன் பதப்படுத்துதல் கூடம், மீன் பதப்படுத்தல் அலகு, மதிப்பு கூட்டப்பட்ட பொருட்கள் தயாரிப்பு அலகு, பொதியிடப் பயன்படும் இயந்திரங்கள், நுண்ணுயிரியல், உயிர் வேதியியல் மற்றும் தரக் கட்டுப்பாட்டு ஆய்வகங்கள், கடல் பட்டறை, வலை பழுதுபார்க்கும் வசதி, வழிசெலுத்தல் கருவிகள் மற்றும் கடல் உயிரி ஆய்வகம் ஆகியவை அடங்கும். மீன்பிடித்தலை நடத்துவதற்கு ஒரு சிறிய வெளிப்புற இயந்திர மீன்பிடி கைவினை உள்ளது. கடற்தொழிற்நுட்ப ஆராய்ச்சி & விரிவாக்க மையத்தில் குளங்கள் மற்றும் கூண்டுகளில் கடல் ஓடு மீன்கள் மற்றும் இறால்களை வளர்ப்பதற்கான வசதிகள் உள்ளன.[5] மீன்பிடி பயிற்சி மற்றும் ஆராய்ச்சி கப்பல் (ஓங்கில்), மறுசுழற்சி ஆராய்ச்சி வளாகம், திலாப்பியா வளர்ப்பு வளாகம், மீன் அதி உறைபதன் ஆய்வகம் உள்ளிட்ட பல கருவிகள் உள்ளன.[4]

பிற வசதிகள்

[தொகு]

மீன்வளக் கல்லூரியில் 625 சதுர மீட்டர் பரப்பளவில் 15000 புத்தகங்கள், ஆய்விதழ்கள் மற்றும் குறுந்தகடு தரவுத்தளங்கள் அடங்கிய நூலகம் உள்ளது. புத்தகங்களுக்கான அடுக்கு அறைகள், பின் தொகுதிகள், பருவ இதழ்கள் பிரிவு, கணினி அறை, மாநாட்டு அறை, கல்வி காணொளி மண்டபம், ஆய்வறிக்கைப் பிரிவு மற்றும் மறுபதிப்பு வசதிகளும் இதில் உள்ளன.[5] கல்லூரியில் 600 மாதிரிகள் கொண்ட மீன்வள அருங்காட்சியகமும் உள்ளது. துடுப்பு மீன்கள், மட்டி மீன்கள், கடற்பாசிகள், கடல் புற்கள், முதுகெலும்பில்லாத உயிரினங்கள், திமிங்கலங்கள் உட்பட கடல் விலங்குகளின் எலும்புக்கூடுகள் மற்றும் பதனப்படுத்தப்பட்ட மாதிரிகள் உள்ளன.[9] கல்லூரியில் கைப்பந்து, கூடைப்பந்து, கால்பந்து மற்றும் துடுப்பாட்ட விளையாட்டு வசதிகளுடன் கூடிய விளையாட்டு மைதானம் உள்ளது. ஜிம்னாசியம் மற்றும் மேசைப் பந்து விளையாட்டு வசதிகளுடன் கூடிய சர்வதேச உட்புற அரங்கமும் உள்ளது. கல்லூரியின் பிரதான வளாகத்தில் ஒரு கலையரங்கமும், ஆண்கள் விடுதிகளும் உள்ளன.[6] பணியாளர்கள் குடியிருப்பு வளாகத்தில் ஒரு பெண்கள் விடுதி, 40 அறைகள் கொண்ட விருந்தினர் மாளிகை, கல்லூரி முதல்வருக்கான குடியிருப்பு இல்லம் மற்றும் 5 கற்பித்தல் மற்றும் கற்பித்தல் அல்லாத பணியாளர் குடியிருப்புகள் உள்ளன. நடைமுறை வகுப்புகள், களப்பயணங்கள், கரையோர ஆய்வக வளாகம் மற்றும் பிற அதிகாரப்பூர்வ வருகைகளுக்கு மாணவர்களை அழைத்துச் செல்ல கல்லூரியில் ஒரு பேருந்து மற்றும் இரண்டு சிறிய வாகனங்களும் உள்ளன.

கல்வி

[தொகு]

இந்தக் கல்லூரியில் மீன்வளர்ப்பு, மீன்வள உயிரியல் மற்றும் வள மேலாண்மை,[10] நீர்வாழ் சுற்றுச்சூழல் மேலாண்மை, மீன்வள பொருளாதாரம், மீன் பதப்படுத்தும் தொழில்நுட்பம், மீன்பிடி தொழில்நுட்பம் மற்றும் மீன்வள பொறியியல், மீன்வள விரிவாக்கம் மற்றும் மீன்வள உயிரி தொழில்நுட்பம் என எட்டு துறைகள் உள்ளன.[11]

பட்டப்படிப்பு படிப்பு

[தொகு]

'மீன்வள அறிவியல் இளங்கலை' (BFSc) பட்டப்படிப்பு நான்கு ஆண்டு படிப்பாகும்.[12] ஒரு கல்வியாண்டு தலா 110 பயிற்றுவிப்பு நாட்களைக் கொண்ட இரண்டு பருவங்களைக் கொண்டுள்ளது. இறுதி ஆண்டு பயிற்சிக்காக மட்டுமே அர்ப்பணிக்கப்பட்டுள்ளது.[13] பாடநெறியின் இறுதி ஆண்டு அனுபவத் திட்டத்தைக் கொண்டுள்ளது. இங்கு கல்லூரி மாணவர்களுக்கு மீன்வளர்ப்பு அல்லது மீன் பதப்படுத்துதலை மேற்கொள்ள நிதி மற்றும் உள்கட்டமைப்பை வழங்குகிறது.[14] இது கிராமப்புற விழிப்புணர்வு பணி அனுபவ திட்டத்தின் கீழ் ஒரு தொழில்துறை பயிற்சியையும் உள்ளடக்கியது.[15] அகில இந்திய நுழைவுத் தேர்வு மூலம் 8 மாணவர்கள் உட்பட மொத்தம் 50 மாணவர்கள் இந்தத் திட்டத்திற்கு அனுமதிக்கப்படுகிறார்கள்.[16] இந்தக் கல்லூரி 2000–01 முதல் இளநிலை மீன்வள அறிவியலில் இந்திய வேளாண் ஆய்வுக் கழக பொதுவான பாடத்திட்டத்தை ஏற்றுக்கொண்டது.

முதுகலைப் பட்டம்

[தொகு]

மீன்வள அறிவியல் முதுநிலை பட்டம் என்பது மீன்வளர்ப்பு, மீன்வள வள மேலாண்மை, மீன் உயிரி தொழில்நுட்பம், மீன்வள பொருளாதாரம், நீர்வாழ் சுற்றுச்சூழல் மேலாண்மை, மீன்வள விரிவாக்கம், மீன்வள பொறியியல் மற்றும் தொழில்நுட்பம், மீன் பதப்படுத்தும் தொழில்நுட்பம், மீன் தர உறுதி மற்றும் மேலாண்மை மற்றும் உயிரி புள்ளிவிவரங்கள் என 10 துறைகளில் வழங்கப்படும் இரண்டு ஆண்டு படிப்பாகும்.[17][18] மீன் வள இளநிலைப் பட்டம் பெற்றவர்கள் பல்கலைக்கழகத்தால் நடத்தப்படும் பொது நுழைவுத் தேர்வின் மூலம் சேர்க்கைக்கு தகுதியுடையவர்கள். இந்தக் கல்லூரி 2011–12 முதல் முதுநிலை பாடத்திற்கான பாடத்தினை இந்திய வேளாண் ஆய்வுக் கழக பொதுவான பாடத்திட்டத்தை ஏற்றுக்கொண்டது. இந்தத் திட்டத்தில் கருத்தரங்கிற்கான 1 தரப்புள்ளி மற்றும் ஆராய்ச்சிக்கான 15 தரப்புள்ளி உட்பட மொத்தம் 55 தரப்புள்ளி வழங்கப்படுகின்றன.

முனைவர் பட்டப்படிப்பு

[தொகு]

மீன்வளர்ப்பு, மீன்வள வள மேலாண்மை, நீர்வாழ் சுற்றுச்சூழல் மேலாண்மை, மீன்வள பொருளாதாரம் மற்றும் மீன் பதப்படுத்தும் தொழில்நுட்பம் ஆகிய 4 பிரிவுகளில் வழங்கப்படும் மூன்று ஆண்டு ஆய்வின் மூலம் பெறக்கூடிய பட்டம் முனைவர் பட்டமாகும்.[12][18]

ஆராய்ச்சியும் பயிற்சியும்

[தொகு]

திறந்த நீர் மீன் வளர்ப்பிற்கான குறைந்த விலை கூண்டு அடிப்படையிலான தொழில்நுட்பத்தை கல்லூரி உருவாக்கியுள்ளது.[19] உள்ளூர் விவசாயிகளுக்கு இந்த தொழில்நுட்பத்தைப் பயன்படுத்துவது குறித்து பயிற்சித் திட்டத்தையும் கல்லூரி ஏற்பாடு செய்துள்ளது.[20] மீனவர்கள், மீன் விவசாயிகள் மற்றும் மீன் பதப்படுத்துபவர்களுக்கு இந்த நிறுவனம் வழக்கமான பயிற்சித் திட்டங்களையும் நடத்துகிறது.[21]

மேற்கோள்கள்

[தொகு]
  1. ↑ "CONSTITUENT UNITS FCRI". Tamil Nadu Veterinary and Animal Sciences University. Archived from the original on 20 May 2010. Retrieved 5 December 2012.
  2. ↑ "Tamil Nadu Fisheries University Act, 2012" (PDF). tn.gov.in. Retrieved 20 September 2012.
  3. ↑ "Home". Tamil Nadu Fisheries University. Retrieved 6 December 2012.
  4. ↑ 4.0 4.1 "Infrastructure". Fisheries College and Research Institute, Thoothukudi. Archived from the original on 30 November 2010. Retrieved 6 December 2012.
  5. ↑ 5.0 5.1 5.2 5.3 "Facilities". Tamil Nadu Fisheries University. Retrieved 6 December 2012.
  6. ↑ 6.0 6.1 "Fish quality monitoring facility commissioned". The Hindu. 13 August 2012. http://www.thehindu.com/todays-paper/tp-national/tp-tamilnadu/article3761231.ece. பார்த்த நாள்: 6 December 2012. 
  7. ↑ "Training programme on lobster fattening". The Hindu. 24 January 2012. http://www.thehindu.com/todays-paper/tp-national/tp-tamilnadu/article2827213.ece. பார்த்த நாள்: 6 December 2012. 
  8. ↑ "Aquaculture". Tamil Nadu Fisheries University. Retrieved 6 December 2012.
  9. ↑ "Fisheries Biology and Resource Management". Tamil Nadu Fisheries University. Retrieved 6 December 2012.
  10. ↑ http://www.tnfu.org.in/university/wp/?page_id=74
  11. ↑ "Departments". Tamil Nadu Fisheries University. Retrieved 6 December 2012.
  12. ↑ 12.0 12.1 "Education". Fisheries College and Research Institute, Thoothukudi. Archived from the original on 30 November 2010. Retrieved 6 December 2012.
  13. ↑ http://www.tnfu.org.in/university/wp/?page_id=58
  14. ↑ Geetha Padmanabhan (10 September 2012). "Fish study, anyone?". The Hindu. http://www.thehindu.com/education/careers/fish-study-anyone/article3880997.ece. பார்த்த நாள்: 6 December 2012. 
  15. ↑ "Fisheries college students learn ornamental fish culture". The Hindu. 15 June 2012. http://www.thehindu.com/todays-paper/tp-national/tp-tamilnadu/fisheries-college-students-learn-ornamental-fish-culture/article3530769.ece?css=print. பார்த்த நாள்: 6 December 2012. 
  16. ↑ "Sale of application forms for engineering courses begins". The Hindu. 4 May 2010. http://www.thehindu.com/news/cities/Madurai/article420823.ece. பார்த்த நாள்: 6 December 2012. 
  17. ↑ "Education". Fisheries College and Research Institute, Thoothukudi. Archived from the original on 30 November 2010. Retrieved 6 December 2012.
  18. ↑ 18.0 18.1 http://www.tanuvas.tn.nic.in/pgadmin12/PG%20PROSPECTUS%202012-2013.pdf[தொடர்பிழந்த இணைப்பு]
  19. ↑ "Cage-based fish culture in dam". The Hindu. 17 November 2012. http://www.thehindu.com/todays-paper/tp-national/tp-tamilnadu/cagebased-fish-culture-in-dam/article4104667.ece. பார்த்த நாள்: 6 December 2012. 
  20. ↑ "Low cost cages, a boon to fish farmers". The Hindu. 27 October 2012. http://www.thehindu.com/todays-paper/tp-national/tp-tamilnadu/low-cost-cages-a-boon-to-fish-farmers/article4036937.ece. பார்த்த நாள்: 6 December 2012. 
  21. ↑ "Training". Fisheries College and Research Institute, Thoothukudi. Archived from the original on 30 November 2010. Retrieved 6 December 2012.

வெளியிணைப்புகள்

[தொகு]

அதிகாரப்பூர்வ இணையதளம்

"https://ta.wikipedia.org/w/index.php?title=மீன்வளக்_கல்லூரி_மற்றும்_ஆராய்ச்சி_நிறுவனம்,_தூத்துக்குடி&oldid=4410230" இலிருந்து மீள்விக்கப்பட்டது