மிஷன் 90 டேஸ்
| மிஷன் 90 டேஸ் | |
|---|---|
 மிஷன் 90 டேஸ் திரைப்பட குறுவட்டு உறை | |
| இயக்கம் | மேஜர் ரவி |
| தயாரிப்பு | சசி அய்யஞ்சிரா |
| திரைக்கதை |
|
| இசை | ஜெய்சன் ஜே நாயர் |
| நடிப்பு | மம்மூட்டி துலிப் ஜோஷி லாலு அலெக்ஸ் இன்னொசென்ட் பாபுராசு ராதிகா |
| ஒளிப்பதிவு | திரு |
| படத்தொகுப்பு | ஜெயசஞ்சர் |
| வெளியீடு | 12 சூலை 2007 |
| நாடு | இந்தியா |
| மொழி | மலையாளம் |
மிஷன் 90 டேஸ் (Mission 90 Days) என்பது 2007 ஆம் ஆண்டு வெளியான மலையாள மொழித் திரைப்படமாகும். இதை ஓய்வுபெற்ற இராணுவ அதிகாரியும் முன்னாள் கமாண்டோ மேஜருமான ஏ. கே. ரவீந்திரன் இயக்கினார். இப்படத்தில் மம்மூட்டி நடித்தார். இது மேஜர் ரவி இரண்டாவதாக இயக்கிய திரைப்படம் என்று கருதப்படுகிறது. இது முன்னாள் இந்தியப் பிரதமர் இராஜீவ் காந்தியின் படுகொலையையும், அதைத் தொடர்ந்து நடந்த விசாரணையையும் அடிப்படையாகக் கொண்டது. [1] [2]
கதைக்களம்
[தொகு]இராஜீவ் காந்தி 1991 மே 21 அன்று தமிழ்நாட்டின் திருபெரும்புதூரில் படுகொலை செய்யப்படுகிறார். ஒரு நாள் கழித்து இந்திய அரசு சிறப்புப் புலனாய்வுப் பிரிவு (SIT) ஒன்றை அமைக்கிறது. மேலும் உயர் புலனாய்வு அதிகாரியும் நிரூபிக்கப்பட்ட பதிவுகளைக் கொண்ட தே. பா. ப அதிரடி வீரருமான மேஜர் சிவராம் கொலையாளிகளை வேட்டையாடும் பொறுப்புக்கு நியமிக்கப்படுகிறார். அவரது மேலதிகாரிகளான சிறப்புப் புலனாய்வுப் பிரிவுத் தலைவர் பார்த்திபன், காவல்துறைத் துணைத்தலைவர் ராஜு ஆகியோர் "சயனைடு குப்பியை கடிப்பதற்கு முன்பு சிவராசனை உயிருடன் பிடிக்கவேண்டும்" என்ற ஒற்றைக் கோரிக்கையுடன் அவருக்குத் தேவையான அனைத்து தர்க்கரீதியான ஆதரவைகளையும் வழங்குகிறனர்.
முருகன், நளினி ஆகியோர் கைது செய்யப்பட்டு, அவர்களை விசாரணை வளையத்துக்குக் கொண்டவந்த பிறகு, சிவராம் தனது நுணுக்கமான தேடலின் காரணமாக வழக்கை ஒரு கோர்வைக்குள் கொண்டுவருகிறார். பெங்களூரில் உள்ள ஒரு வீட்டில் மறைந்திருக்கும் சிவராசனை நோக்கி குழுவை அழைத்துச் செல்கிறார். கதையின் மையக்கரு படத்தின் கடைசி 15 நிமிட உச்சக்கட்டமாகும். சிவராமும் அவரது குழுவினரும் அமைதியாகவும், திருட்டுத்தனமாகவும் நகர்ந்து கொலையாளிகள் தங்கியிருக்கும் வீட்டை சுற்றிவளைக்கின்றனர். இருளின் மறைவின் கீழ் இறுதித் தாக்குதலுக்காக அவர்கள் நகர்கின்றனர். தில்லியில் இருக்கும் உயர் அதிகாரிகளிடமிருந்து நடவடிக்கைகளைத் தொடங்க வரும் உத்தரவுக்காகக் காத்திருக்கின்றனர்.
ஆனால் தில்லியில் உள்ள அதிகாரவர்கத்தினர் அதை தாமதப்படுத்த விரும்புகின்றனர். தாமதப்படுத்தி பின்னர் ஊடகங்கள் முன்னிலையில் சிவராசனை உயிருடன் பிடித்த பெருமையை பெற விரும்புகின்றனர். நடவடிக்கையைத் தொடங்குவதற்கான உத்தரவுக்காக இரவு முழுவதும் மேஜர் சிவராம் காத்திருக்கிறார். உயரதிகாரிகள் மறுநாள் காலை 10 மணிக்கு வருகின்றனர். அப்போது ஆயிரக்கணக்கான பார்வையாளர்களும், குழப்பமான கருநாடக காவல்துறையினரின் முன்னிலையில் நடவடிக்கைக்கு உத்தரவு வழங்கப்படுகிறது. வீட்டில் பதுங்கி இருந்த விடுதலைப் புலிகள் அனைவரும் சயனைடைக் கடித்து இறந்ததையும், அதிரடிப் படையினர் உள்ளே நுழைவதற்கு சில வினாடிகளுக்கு முன்பு, சிவராசன் தன்னைத்தானே சுட்டுக் கொண்டு மடிகிறார்.
நடிகர்கள்
[தொகு]- மேஜர் சிவராம், என்.எஸ்.ஜி.யில் ராணுவ அதிகாரி மற்றும் கமாண்டோ, சிறப்பு புலனாய்வுக் குழுவின் உறுப்பினராக மம்மூட்டி.
- காவல்துறைத் துணைத்தலைவர் ஜெனரல் ராதாவினோத் ராஜு ஐபிஎஸ், சிபிஐ அதிகாரி & சிறப்பு புலனாய்வுக் குழுவின் தலைவராக லாலு அலெக்ஸ்
- கர்னல் விஜய்யாக, என்எஸ்ஜி அதிகாரியாக, சிவராமின் உயர் அதிகாரியாக விசயராகவன்
- சிபிஐ அதிகாரி மற்றும் சிறப்பு புலனாய்வுக் குழுவின் உறுப்பினர் சலீம் அலி ஐபிஎஸ், ஆக கிரண் ராஜ்
- என்எஸ்ஜி அதிகாரி & எஸ்ஐடி உறுப்பினர் மேஜர் தீபக்காக பாபுராசு
- டிஎஸ்பி சிவாஜியாக அபு சலீம்
- பத்திரிகையாளராக சிந்து சியாம்
- சிறப்பு விசாரணை குழு உறுப்பினர் டாக்டர் ராஜேந்திரனாக கொச்சி ஹனீஃபா
- என்.எஸ்.ஜி கமாண்டோ பிரதாபனாக பிரதீப் சந்திரன்
- சிறப்பு விசாரணை குழு ஆய்வாளர் ரகோத்தமனாக கொல்லம் அஜித்
- மேஜர் சிவராமின் மனைவி அனிதா சிவராமாக துலிப் ஜோஷி
- நளினியாக ராதிகா
- சிவராசனாக ஸ்ரீஜித் ரவி
- முருகனாக பினீஸ் கொடியேரி
- டிக்சனாக கண்ணன் பட்டாம்பி
- பெங்களூர் காவல் ஏசிபி செம்பையாவாக ரவி மரியா
- பெங்களூர் நகர காவல் ஆணையர் கமிஷனர் ராமலிங்கம் ஐபிஎஸ் ஆக கலாசாலா பாபு
- அரவிந்தனாக சலீம் குமார்
- சிவராமின் தந்தையாக இன்னொசென்ட்
- இராஜீவ் காந்தியாக சித்தார்த் விபின்
- தாணுவாக தேவி
- டென்னி பிலிப்
- மணிகண்டன் பட்டாம்பி
- கீதா விஜயன்
- என்.எஸ்.ஜி அதிகாரியாக மேஜர் ரவி (சிறப்புத் தோற்றம்)
பாடல்கள்
[தொகு]| பாடல் | பாடலாசிரியர் | இசையமைப்பாளர் | பாடகர் |
|---|---|---|---|
| ஷான் ஹை தூ | சஜத், ஃபர்ஹாத் | சஜத், ஃபர்ஹாத் | ஷாலினி சிங் |
| மிழிநீரு பொழியும்போழும் | வயலார் சரத்சந்திர வர்மா | ஜெய்சன் ஜே நாயர் | நஜிம் அர்ஷத் |
மேற்கோள்கள்
[தொகு]- ↑ "Mammootty shines in Mission".
- ↑ "Mission 90 Days". சிஃபி. Archived from the original on 15 June 2017.