மிருதுளா பட்கர்
மாண்புமிகு நீதியரசி மிருதுளா பட்கர் | |
|---|---|
| பம்பாய் உயர் நீதிமன்றம் | |
| பதவியில் 10 பெப்ரவரி 2009 – 27 மே 2019 | |
| பரிந்துரைப்பு | கொ. கோ. பாலகிருஷ்ணன் |
| நியமிப்பு | ஆ. ப. ஜெ. அப்துல் கலாம் |
| தனிப்பட்ட விவரங்கள் | |
| பிறப்பு | 28 மே 1957 |
| முன்னாள் மாணவர் | சாவித்திரிபாய் புலே புனே பல்கலைக்கழகம் |
மிருதுளா பட்கர் (ஆங்கிலம்: Mridula Bhatkar; பிறப்பு: 28 மே 1957) இந்தியாவின் முன்னாள் நீதிபதி ஆவார். இவர் 2009 முதல் 2019 வரை பம்பாய் உயர்நீதிமன்றத்தின் நீதிபதியாகப் பணியாற்றினார். தனது நீதித்துறைப் பணிக்காலத்தில் பில்கிஸ் பானு வழக்கு, 2006 மும்பை தொடருந்துக் குண்டுவெடிப்பு, ஜல்கான் பாலியல் வன்கொடுமை வழக்கு உள்ளிட்ட பல முக்கிய வழக்குகளில் தீர்ப்பளித்தார்.[1][2][3]
நீதித்துறையுடன் இணைந்து இலக்கியத்துறையிலும் ஈடுபட்டுள்ள இவர், 2016ஆம் ஆண்டு கவிதா மனத்லையாம் கவிதா கோர்ட்டாலயா என்ற மராத்திக் கவிதைத் தொகுப்பை வெளியிட்டார்.
தொழில் வாழ்க்கை
[தொகு]நீதிபதியாக நியமிக்கப்படுவதற்கு முன், மகாராட்டிரா, கோவா வழக்கறிஞர் அவையில் பதிவு செய்யப்பட்ட வழக்கறிஞராகப் பணியாற்றினார்.
1990 முதல் 1992 வரை, புனேயிலுள்ள இந்திய சட்டச் சங்க சட்டக் கல்லூரியில் வருகை தரும் துணைப் பேராசிரியராகப் பணியாற்றினார். அதே காலகட்டத்தில், சாவித்ரிபாய் புலே புனேப் பல்கலைக்கழகத்தின் இதழியல் துறையிலும் வருகைத் துணைப் பேராசிரியராகச் செயல்பட்டு, சட்டமும் ஊடகங்களும் தொடர்பான ஒரு பாடத்தைக் கற்பித்தார்.[4]
1993 ஏப்ரல் 21 அன்று மும்பை நகர உரிமையியல் மற்றும் அமர்வு நீதிபதியாக நியமிக்கப்பட்டார். பின்னர் மகாராட்டிராவின் கொலாப்பூரில் முதன்மை மாவட்ட நீதிபதியாகவும் பணியாற்றினார். 2008 ஆம் ஆண்டில் பம்பாய் உயர்நீதிமன்றத்தின் பதிவாளர் பொதுவாக நியமிக்கப்பட்ட அவர், 2009 பிப்ரவரி 10 அன்று அந்நீதிமன்றத்தின் கூடுதல் நீதிபதியாக நியமிக்கப்படும் வரை அந்தப் பொறுப்பில் பணியாற்றினார்.[5]
2019 மே 27 அன்று நீதித்துறைப் பணியிலிருந்து ஓய்வு பெற்றார்.[6]
சொந்த வாழ்க்கை
[தொகு]பட்கர், புனே பல்கலைக்கழகத்தில் கலை இளங்கலைப் பட்டம் பெற்றார். பின்னர் அதே பல்கலைக்கழகத்தில் இதழியலில் முதுநிலைப் பட்டத்தையும், அதன் பிறகு சட்டப் பட்டத்தையும் பெற்றார்.
இவரது கணவர் ரமேஷ் பட்கர், மராத்தி திரைப்படம், தொலைக்காட்சி மற்றும் மேடை நாடக நடிகராவார். அவர் 2019 பிப்ரவரியில் காலமானார். இத்தம்பதியருக்கு ஒரு மகன் உள்ளார்.[7][8]
மேற்கோள்கள்
[தொகு]- ↑ "Govt should consult judges while appointing public prosecutors: Justice Mridula Bhatkar". The Indian Express (in ஆங்கிலம்). 2019-06-06. Retrieved 2020-11-08.
- ↑ "Hon'ble Former Justices: Mrs. Mridula Bhatkar". Bombay High Court.
- ↑ "Bilkis Bano gangrape case verdict: Bombay HC convicts 5 Gujarat cops, 2 doctors, upholds life for 11". The Indian Express (in ஆங்கிலம்). 2017-05-05. Retrieved 2020-11-08.
- ↑ "Hon'ble Former Justices: Mrs. Mridula Bhatkar". Bombay High Court.
- ↑ "Six new judges in Bombay HC". The Times of India (in ஆங்கிலம்). PTI. 10 Feb 2009. Retrieved 2020-11-08.
- ↑ "Hon'ble Former Justices: Mrs. Mridula Bhatkar". Bombay High Court.
- ↑ "Veteran actor Ramesh Bhatkar passes away at 70" (in en). 4 February 2019. https://timesofindia.indiatimes.com/entertainment/marathi/movies/news/veteran-actor-ramesh-bhatkar-passes-away-at-70/articleshow/67834544.cms.
- ↑ "Actor Ramesh Bhatkar dies of cancer". The Indian Express (in ஆங்கிலம்). 2019-02-05. Retrieved 2020-11-08.