மின்னூட்டத் துகள்

இயற்பியலில், மின்னூட்டத் துகள் (Charged particle) என்பது மின்மம் அல்லது மின்னூட்டத்துடன் உடைய துகளைக் குறிக்கும். புரோட்டான்கள் போன்ற சில கூட்டுத் துகள்கள் மின்னூட்டப்பட்ட துகள்கள் ஆகும். புரோட்டான்களுடன் ஒப்பிடும்போது எலக்ட்ரான்களின் மிகுதி அல்லது பற்றாக்குறையைக் கொண்ட மூலக்கூறு அல்லது அணு ஆகியவற்றிலிருந்து உருவான அயனிகளும் மின்னூட்டப்பட்ட துகள்களாகும். ஒரு மின்னூட்டப்பட்ட துகள் என்பது ஒரு எலக்ட்ரானின் அடிப்படை மின்னூட்டத்தின் அடிப்படையில் அளவிடப்படும் நேர்மறை மின் மின்னூட்டம் கொண்ட எலக்ட்ரான், பாசிட்ரான், புரோட்டான் அல்லது அயனி எனவும் வரையறுக்கப்படுகிறது.

எதிர் மின்சாரத்தின் மின்னூட்டத் துகள்களின் எண்ணிக்கையானது 1.6 X 10⁻¹⁹ கூலும் ஆக கணக்கிடப்பட்டுள்ளது. அதாவது ஒரு மின்னணுவில் (மின்னியில்) உள்ள மின்துகளின் எண்ணிக்கையாகும். அதே போன்று ஒரு கூலும்மில் உள்ள மின்னணுக்களின் எண்ணிக்கை 6 X 10¹⁸ என்பதாகும். இதேப் போன்று ஒரு 1 ஆம்பியர் மின்சாரம் என்பது 1 கூலும் துகள்கள் ஒரு நொடிக்கும் செலுத்தப்படுவதாகும். எனவே 1 ஆம்பியர் மின்சாரத்தில் 6 X 10¹⁸ மின்னணுக்கள் ஒரு நொடிக்கு செலுத்தப்படுகிறது எனலாம்.

ஒற்றை அயனிய துகள்களில் மின்னணுக்களின் எண்ணிக்கையும், மின்னூட்டின் எண்ணிக்கையும் ஒன்றாக இருக்கும். ஆனால், இரட்டை அயனிய துகள்களில் மின்னணுக்களின் எண்ணிக்கையை விட இரண்டு மடங்காக மின்னூட்டின் எண்ணிக்கை இருக்கும். இது அயனியின் மின்னூட்டம் எதிராக இருந்தால் அது மின்னணுவின் மின்னூட்டுடைய இடைவெட்டு பெருக்கத்தொகையாகவே அயனியின் மின்னூட்டு காணப்படுவதினால் ஆகும்.

எடுத்துக்காட்டுகள்

நேர்மின்சுமையுடைய துகள்கள்

• நேர்மின்னிகள்
• பாசிட்ரான்கள் (எதிர்எலக்ட்ரான்கள்)
• நேர்மின்சுமையுடைய பையோன்கள்
• ஆல்ஃபா துகள்கள்
• நேரயனிகள்

எதிர்மின்சுமையுடைய துகள்கள்

• எதிர்மின்னிகள்
• எதிர் புரோத்தன்கள்
• மியூவோன்கள்
• தாவ் துகள்கள்
• எதிர்மின்சுமையுடைய பையோன்கள்
• எதிரயனிகள்

பூஜ்ய மின்சுமையுடையவை

• நொதுமிகள்
• ஒளியணுக்கள்
• நியூட்ரினோக்கள்
• பையோன்கள்
• W மற்றும் Z போசோன்கள்
• ஹிக்ஸ் போசான் துகள்கள்
• அணு