மித்ரா குரியன்
| மித்ரா குரியன் | |
|---|---|
| பிறப்பு | டால்மா குரியன் 15 மே 1989 இந்திய ஒன்றியம், கேரளம் பெரும்பாவூர் |
| பணி | நடிகை |
| செயற்பாட்டுக் காலம் | 2009–தற்போது வரை |
| அறியப்படுவது | பாடிகார்டு |
| பெற்றோர் | குரியன், பேபி |
| வாழ்க்கைத் துணை | வில்லியம் பிரான்ஸ் (இசையமைப்பாளர்) (தி. 2015) |
| உறவினர்கள் | டானி குரியன் (சகோதரர்) |
மித்ரா குரியன் (Mithra Kurian, பிறப்பு டால்மா குரியன் ) என்பவர் ஒரு இந்திய திரைப்பட நடிகை ஆவார். இவர் குறிப்பாக மலையாளம், தமிழ் படங்களில் நடித்துவருகிறார். [1] இரண்டு மலையாள படங்களில் துணை வேடங்களில் தோன்றிய பிறகு, இரண்டு தமிழ் படங்களில் நடித்தார். பாடிகார்டு (2010) இல் சேதுலட்சுமி பாத்திரத்தில் நடித்த இவரது நடிப்பு விமர்சன ரீதியான பாராட்டைப் பெற்றது. மேலும் அதன் தமிழ் மறுஆக்கமான காவலன் படத்தில் அவர் மீண்டும் நடித்தார். [2] [3] [4] பாடிகார்ட்டு படம் ஷாங்காய் சர்வதேச திரைப்பட விழாவில் திரையிட தேர்வு செய்யப்பட்டது . [5] [6] இவரது மற்றொரு குறிப்பிடத்தக்க பாத்திரமாக சுரேஷ் கோபி நடித்த ராம ராவணன் படத்தில் நடித்தார். [7]
வாழ்க்கைக் குறிப்பு[தொகு]
இவர் முதன்முதலில் பாசில் இயக்கிய 2004 ஆம் ஆண்டு வெளியான மலையாள திரைப்படமான விஸ்மயதும்பத்து என்ற படத்தில் நயன்தாராவின் தோழியாக ஒரே காட்சியில் துணை வேடத்தில் தோன்றினார். பின்னர் டி. ஹரிஹரன் இயக்கிய மயூகாம் திரைப்படத்தில் 2005 இல் நடித்தார். அதைத் தொடர்ந்து இவர் நடிப்பிலிருந்து விலகி படிப்பில் கவனம் செலுத்தினார். [8] கிருகலட்சுமி இதழின் அட்டைப்படத்தில் மித்ராவைப் பார்த்த, இயக்குனர் சித்திக் தனது தமிழ் திரைப்படமான சாது மிரண்டா படத்தில் துணைவேடத்தில் நடிக்க தேர்ந்தெடுத்தார். பின்னர், இவர் மற்றொரு தமிழ் படமான குறைந்த செலவில் தயாரிக்கப்பட்ட சூரியன் சட்டக் கல்லூரி (2009) பட்டத்தில் நடித்தார். [9]
மித்ரா பின்னர் குறிப்பிடத்தக்க மலையாள படங்களில் நடித்தார. மேலும் குலுமல்: தி எஸ்கேப் மற்றும் பாடிகார்டு போன்ற படங்களில் நல்ல கதாபாத்திரங்களைத் தேர்ந்தெடுத்ததன் மூலம் கணிசமான கவனத்தைப் பெற்றார். சிறப்பான வெற்றியை ஈட்டிய திரைப்படமான நகைச்சுவை படமான குலுமலில் இவர் முன்னணி நடிகையாக நடித்தார். சித்திக்கின் இயக்கத்தில் திலீப் நடித்த பாடிகார்டில் இவருடைய நடிப்பு விமர்சன ரீதியாக பாராட்டுதல்கள் பெற்றது. அதன் தமிழ் மறுஆக்கமான காவலன் படத்தில் நடிக்க, சித்திக் மூலம் மீண்டும் தேர்வு செய்யப்பட்டார். [8] இவர் இன்னும் சில தமிழ் மற்றும் மலையாள படங்களில் நடித்தார். ஆனால் அவை அதிகப்படியான அங்கீகாரத்தைப் பெற்றுத்தரவில்லை.
பிற படைப்புகள்[தொகு]
கைரளி தொலைக்காட்சியில் பிரபலமான உண்மைநிலை நிகழ்ச்சியான டான்ஸ் பார்ட்டி மற்றும் மம்மி அண்ட் மீ இரண்டிலும் இவர் நடுவராக இருந்தார்.
திருமணத்திற்குப் பிறகு இவர் பிரியசகி மூலம் தமிழ் தொலைக்காட்சி தொடரில் அறிமுகமானார்.
தனிப்பட்ட வாழ்க்கை[தொகு]
மலையாள சிரிய கிறிஸ்தவ பெற்றோர்களான குரியன், பேபி இணையருக்கு 15, மே, 1989 அன்று கேரளத்தின் பெரம்பவூரில் பிறந்தார். இவரது இயற்பெயர் டால்மா ஆகும். இவருக்கு டானி குரியன் என்ற தம்பி உள்ளார். [10] இவர் வணிக நிர்வாகத்தில் (பிபிஏ) இளங்கலை முடித்துள்ளார். மேலும் இவர் நயன்தாராவின் தூரத்து உறவினராவார். [11] [12] 2015 சனவரியில் கொச்சியில் நடந்த ஒரு விழாவில் வில்லியம் பிரான்சிஸை மணந்தார். [13]
மித்ரா தனது ஊழியர்களில் ஒருவரை தாக்கியதாகவும், தகாத வார்த்தைகளில் திட்டியதாகவும் கேரள மாநிலச் சாலைப் போக்குவரத்துக் கழக (கே.எஸ்.ஆர்.டி.சி) அதிகாரிகள் புகார் அளித்தனர். மித்ராவும் அவரது நண்பர்களும் கே.எஸ்.ஆர்.டி.சி பேருந்து நிலைய வளாகத்திற்குள் நுழைந்தனர். அங்கு கே.எஸ்.ஆர்.டி.சி பேருந்து அல்லாத பிற வாகனங்கள் நுழைவதற்கு தடை விதிக்கப்பட்டுள்ளது குறிப்பிடத்தக்கது. [14] [15] தனது மகிழுந்தை உரசியதற்காக ஓட்டுநர் இராமதாசை தாக்கியதாக புகார் கூறுகிறது.
திரைப்படவியல்[தொகு]
படங்கள்[தொகு]
| ஆண்டு | படம் | மொழி | பாத்திரம் | குறிப்புகள் |
|---|---|---|---|---|
| 2004 | விஸ்மயதும்பத்து | மலையாளம் | சரளா மேனன் | |
| 2005 | மயூக்காம் | மலையாளம் | உன்னியின் சகோதரி | |
| 2008 | சாது மிரண்டா | தமிழ் | லட்சுமி | |
| 2009 | சூரியன் சட்டக் கல்லூரி | தமிழ் | மகாலட்சுமி | |
| 2009 | குலுமல்: எஸ்கேப் | மலையாளம் | சாய்ரா | |
| 2010 | பாடிகார்டு | மலையாளம் | சேதுலட்சுமி | Winner Vanitha Film Awards for Best Supporting Actress |
| 2010 | ராம ராவணன் | மலையாளம் | மனோமி | |
| 2011 | நோட் அவுட் | மலையாளம் | மாயா | |
| 2011 | காவலன் | தமிழ் | மாது | பரிந்துரை - சிறந்த துணை நடிகைக்கான பிலிம்பேர் விருது - தமிழ் |
| 2011 | உலகம் சுற்றும் வாலிபன் | மலையாளம் | கல்யாணி | |
| 2012 | மாஸ்டர்ஸ் | மலையாளம் | ஷீட்டல் | |
| 2012 | மகா குரு | மலையாளம் | பிந்தியா | |
| 2013 | கந்தா | தமிழ் | ||
| 2013 | சந்தித்ததும் சிந்தித்ததும் | தமிழ் | சிறப்புத் தோற்றம் | |
| 2013 | லேடீஸ் அண்டு ஜென்டில்மேன் | மலையாளம் | சின்னு | |
| 2014 | ஓரு கொரிய படம் | மலையாளம் | ஈவா | |
| 2015 | புத்தனின் சிரிப்பு | தமிழ் | நேத்ரா | |
| 2019 | நந்தனம் | தமிழ் | திவ்யா |
தொலைக்காட்சி[தொகு]
| ஆண்டு | படம் | மொழி | அலைவரிசை | பங்கு | குறிப்புகள் |
|---|---|---|---|---|---|
| 2010 | சா ரீ கா மா | மலையாளம் | ஏசியநெட் | பங்கேற்பாளர் | விளையாட்டு நிகழ்ச்சி |
| 2014 | மம்மி அண்ட் மி | மலையாளம் | கைரளி தொலைக்காட்சி | நடுவர் | உண்மைநிலை நிகழ்ச்சி |
| ருச்சிபேதம் | மலையாளம் | ஏ.சி.வி. | தொகுப்பாளர் | சமையல் நிகழ்ச்சி | |
| 2014 | டான்ஸ் பார்ட்டி | மலையாளம் | கைரளி தொலைக்காட்சி | நடுவர் | உண்மைநிலை நிகழ்ச்சி |
| 2015-2016 | பிரியசகி [16] [17] [18] | தமிழ் | ஜீ தமிழ் | திவ்யா | தொலைக்காட்சித் தொடர் |
| 2017-2018 | அழகு | தமிழ் | சன் தொலைக்காட்சி | ஐஸ்வர்யா | தொலைக்காட்சித் தொடர் |
விருதுகள்[தொகு]
- வென்றது
- 2011 வனிதா திரைப்பட விருதுகள்
- சிறந்த துணை நடிகை - பாடிகார்டு
குறிப்புகள்[தொகு]
- ↑ "Archived copy". http://www.mathrubhumi.com/movies/interview/57804/#storycontent.
- ↑ "Kaavalkaaran - Tamil Movie News - Vijay picks M G R's once again - Vijay | Kaavalkaaran | Vettaikaran - Behindwoods.com". http://www.behindwoods.com/tamil-movie-news-1/apr-10-01/kaavalkaaran-vijay-vettaikaran-05-04-10.html.
- ↑ ""Bodyguard is Kaavalkaran in Tamil?" – Yahoo Movies India". http://in.movies.yahoo.com/news-detail/84595/Bodyguard-Kaavalan-in-Tamil.html.
- ↑ ""Vijay'S 'Kaavalkaran' Is Fast And Glorious " – Top 10 Cinema". http://www.top10cinema.com/news/4071/vijays-bodyguard-is-fast-and-glorious.
- ↑ 'Kavalan' invited to Shanghai – Tamil Movie News – IndiaGlitz.com
- ↑ "Kaavalan completes 100 days". supergoodmovies. http://www.supergoodmovies.com/16410/kollywood/kavalan-completes-100-days-news-details.
- ↑ "Mithra Kurian". popcorn.oneindia.in. http://popcorn.oneindia.in/artist-filmography/8230/2/mithra-kurian.html.
- ↑ 8.0 8.1 Sathyendran, Nita (2 February 2011). "Director's actor". The Hindu (Chennai, India). http://www.thehindu.com/arts/cinema/article1149040.ece.Sathyendran, Nita (2 February 2011). "Director's actor". The Hindu. Chennai, India. Archived from the original on 6 February 2011. Retrieved 5 February 2011.
- ↑ "Archived copy". http://movies.rediff.com/report/2009/sep/28/south-review-suriyan-satta-kalloori.htm.
- ↑ "Archived copy". http://malayalam.filmibeat.com/news/mithra-kurian-enter-wedlock-021367.html#slide14336.
- ↑ "Archived copy". http://www.thehindu.com/features/cinema/article1149040.ece.
- ↑ "Mithra is Nayanthara's relative!". www.behindwoods.com. http://www.behindwoods.com/tamil-movie-news-1/feb-11-02/mithra-kurian-kaavalan-08-02-11.html.
- ↑ "Archived copy". http://www.newindianexpress.com/entertainment/malayalam/Pretty-Mithra-Kurian-Says-I-Do/2015/01/27/article2638160.ece.
- ↑ "Archived copy". http://english.manoramaonline.com/entertainment/entertainment-news/actress-mithra-kurian-accused-of-assaulting-ksrtc-staff.html.
- ↑ "Archived copy". http://english.mathrubhumi.com/news/kerala/ksrtc-officials-file-assault-complaint-against-mithra-kurian-english-news-1.1351939.
- ↑ Mithra Kurian makes her small screen debut - Times of India
- ↑ "Mithra Kurian in TV serial". http://cinema.dinamalar.com/tamil-tv-serials/33416/Chinna-thirai-Television-News/Mithra-Kurian-in-T.V.-serial.htm.
- ↑ "Mithra Kurian Zee Tamil Serial Priyasakhi". http://tamil.filmibeat.com/television/mithra-kurian-zee-tamil-tv-serial-priyasakhi-035267.html.