மார்ட்டின் வால்ட்சீமுல்லர்
மார்ட்டின் வால்ட்சீமுல்லர் (Martin Waldseemüller) செருமனி நாட்டைச் சேர்ந்த வரைபடவியலாளரும் மனிதநேய அறிஞரும் ஆவார். 1470 ஆம் ஆண்டு முதல் 16 மார்ச்சு 1520 ஆம் ஆண்டுகள் வரையிலான காலத்தில் வாழ்ந்தார். சில சமயங்களில் இவரது பெயரின் பழங்கால கிரேக்க நாட்டுப் பண்பாடு வடிவமான ஐலகோமைலசு என்று அழைக்கப்படும் இவரது படைப்புகள் சமகால வரைபடவியலாளர்களிடையே செல்வாக்கு செலுத்தியது. 1507 ஆம் ஆண்டில் வரையறுக்கப்பட்ட உலக வரைபடத்தில் இத்தாலிய ஆய்வாளர் அமெரிகோ வெசுபுசி நினைவாக புதிய உலகின் ஒரு பகுதிக்கு பெயரிட அமெரிக்கா என்ற வார்த்தையை முதன்முதலில் பதிவு செய்த பெருமை இவருக்கும் இவரது ஒத்துழைப்பாளரான மத்தையசு ரிங்மேனுக்கும் உரியதாகும். தென் அமெரிக்காவை ஆசியாவிலிருந்து பிரித்து ஒரு கண்டமாக வரைபடமாக்கிய முதல் நபரும் இவரேயாவார். அச்சிடப்பட்ட பூகோளத்தை உருவாக்கிய முதல் நபரும், ஐரோப்பாவின் அச்சிடப்பட்ட சுவர் வரைபடத்தை உருவாக்கிய முதல் நபரும் வால்ட்சீமுல்லர் ஆவார். 1513 ஆம் ஆண்டு தாலமியின் புவியியல் பதிப்பின் பிற்சேர்க்கையாக அச்சிடப்பட்ட இவரது வரைபடங்களின் தொகுப்பு நவீன வரைபடத்தின் முதல் எடுத்துக்காட்டாகக் கருதப்படுகிறது.
வாழ்க்கைக் குறிப்பு
[தொகு]வால்ட்சீமுல்லரின் வாழ்க்கை குறித்த விவரங்கள் மிகக் குறைவு. இவர் 1470 ஆம் ஆண்டு வாக்கில் செருமனி நாட்டின் நகரமான உல்பென்வீலரில் பிறந்தார். அவரது தந்தை ஒரு இறைச்சிக் கடைக்காரர் ஆவார். சுமார் 1480 ஆம் ஆண்டில் இவர் பிரீபர்க்கிற்கு இடம்பெயர்ந்தார். வால்ட்சீமுல்லர் 1490 ஆம் ஆண்டு பிரீபர்க்கு பல்கலைக்கழகத்தில் சேர்ந்தார் என்று பதிவுகள் காட்டுகின்றன. அங்கு ஒரு குறிப்பிடத்தக்க மனிதநேய அறிஞரான கிரிகோர் ரீசு இவரது செல்வாக்கு மிக்க ஆசிரியர்களில் ஒருவராக இருந்தார்.[1][2] அச்சகரான இயோகன்னசு சாட்டு இவரது வகுப்புத் தோழர் ஆவார்.[3] பல்கலைக்கழகத்தில் பட்டம் பெற்ற பிறகு, இவர் சுவிட்சர்லாந்தின் பாசல் நகரத்தில் வசித்து வந்தார். அங்கு இவர் ஒரு பாதிரியாராக நியமிக்கப்பட்டார். மேலும் பாசலில் உள்ள அச்சுக்கலை சமூகத்துடன் பணிபுரியும் போது அச்சிடுதல் மற்றும் வேலைப்பாடுகளிலும் அனுபவத்தைப் பெற்றார்.[4][5]
மேற்கோள்கள்
[தொகு]- ↑ Lester p. 343
- ↑ Meurer p. 1204
- ↑ "A Tour of Ptolemy's Maps". University of Minnesota. Retrieved 11 August 2021.
- ↑ Lester p. 343
- ↑ Fernández-Armesto p. 182
வெளி இணைப்புகள்
[தொகு]
- The Cosmographiæ Introductio of Martin Waldseemüller (Facsimile), via Google Books.
- "16th-Century Mapmaker's Intriguing Knowledge", David Brown, The Washington Post. November 17, 2008, p. A07.
- "The map that changed the world", Toby Lester, BBC News, 28 October 2009.
- World Digital Library presentation of Universalis cosmographia secundum Ptholomaei traditionem et Americi Vespucii aliorum que lustrationes or A Map of the Entire World According to the Traditional Method of Ptolemy and Corrected with Other Lands of Amerigo Vespucci. Library of Congress.
- Cosmographiae Introductio: cum Quibusdam Geometriae ac Astronomiae Principiis ad eam rem Necessariis From the Rare Book and Special Collections Division at the Library of Congress
- Cosmographiae introductio: cum quibusdam geometriae ac astronomiae principiis ad eam rem necessariis... From the John Boyd Thacher Collection at the Library of Congress
- Carta Marina of 1516, Speaker: Chet Van Duzer Video from the Library of Congress
- Carta Marina of 1516, digital copy at the Library of Congress
- A Land Beyond The Stars. Amerigo Vespucci and Martin Waldseemüller’s Map of the World, virtual exhibition on Museo Galileo's website
| பன்னாட்டு | |
|---|---|
| தேசிய | |
| கல்விசார் | |
| கலைஞர் | |
| மக்கள் | |
| மற்றவை | |
