மாரிமுத்து தங்கவேலு
மாரிமுத்து தங்கவேலு Marimuthu Thangaveloo | |
|---|---|
 மலேசிய மேலவை | |
| பதவியில் 19 மே 1999 – 18 மே 2002 | |
| மலேசிய வேளாண் உணவு பாதுகாப்பு துணையமைச்சர் | |
| பதவியில் 1993–1995 | |
| தெலுக் கெமாங் மக்களவைத் தொகுதி | |
| பதவியில் 1990–1995 | |
| முன்னையவர் |   கு. பத்மநாபன் |
| பின்னவர் | எல். கிருஷ்ணன் |
| பெரும்பான்மை | 13,479 (1990)[1] |
| தனிப்பட்ட விவரங்கள் | |
| பிறப்பு | Marimuthu a/l Thangaveloo, 1935 (வயது 90) கோலாகங்சார் பேராக் |
| குடியுரிமை | மலேசியர் |
| தேசியம் |  மலேசியா |
| அரசியல் கட்சி | மஇகா |
| துணைவர் | ஜெகதீஸ்வரி |
| பிள்ளைகள் | 1 மகன்; 2 மகள்கள் |
| முன்னாள் மாணவர் | மலாயா பல்கலைக்கழகம் ஆர்வர்டு பல்கலைக்கழகம் |
| பணி | அரசியல்வாதி |
| தொழில் | கல்வியாளர் |
டான் செரி; டத்தோ பேராசிரியர் மாரிமுத்து தங்கவேலு எனும் டி. மாரிமுத்து (ஆங்கிலம்; மலாய்: Marimuthu Thangaveloo அல்லது Tan Sri Dr. Marimuthu Thangaveloo) என்பவர் மலேசிய அரசியல்வாதி; 19 மே 1999 முதல் 18 மே 2002 வரை மலேசிய மேலவை உறுப்பினர்; 1993 முதல் 1995 வரை மலேசிய வேளாண் உணவு பாதுகாப்பு துணையமைச்சர்; 1990 முதல் 1995 வரை நெகிரி செம்பிலான் மாநிலத்தின் தெலுக் கெமாங் மக்களவைத் தொகுதியின் (Telok Kemang Federal Constituency) நாடாளுமன்ற உறுப்பினர்[1] பதவி வகித்தவர் ஆவார்.
மலேசியாவில் ஒரு மூத்த அரசியல்வாதி, கல்வியாளர் மற்றும் சமூகச் சேவகர் என அறியப்படும் இவர், மலேசியாவின் முதன்மைப் பல்கலைக்கழகமான மலாயா பல்கலைக்கழகத்தில் 1970 முதல் 1990 வரை பேராசிரியராகப் பணியாற்றினார்.[2] மேலும் மலேசிய இந்தியர் சமூகத்தின் கல்வி மற்றும் உயர்கல்வி மேம்பாட்டிற்கு முக்கியப் பங்களிப்புகளை வழங்கியுள்ளார் என அறியப்படுகிறது.[3]
வாழ்க்கை
[தொகு]மலேசியாவின் பேராக் மாநிலத்தில் உள்ள கோலாகங்சார் நகரில் 1935-ஆம் ஆண்டு நவம்பர் மாதம் பிறந்த இவருக்கு தற்போது 90 வயது ஆகிறது. மேலும் கடந்த நவம்பர் 2025-இல் இவரின் 90-ஆவது பிறந்தநாள் விழா சிறப்பாகக் கொண்டாடப்பட்டது.[4]
தன்னுடைய தொடக்கக் கல்வியை கோலாகங்சார் நகரில் முடித்தார். பின்னர், மலாயா பல்கலைக்கழகத்தில் இளங்கலை படிப்பை முடித்த அவர், உயர்கல்விக்காக அமெரிக்கா சென்றார். அமெரிக்காவின் புகழ்பெற்ற ஆர்வர்டு பல்கலைக்கழகத்தில் தன்னுடைய முதுகலை மற்றும் முனைவர் பட்டங்களைப் பெற்றார். கல்வித்துறையில் மிகுந்த ஆர்வம் கொண்ட அவர், 1970 முதல் 1990 வரை மலாயா பல்கலைக்கழகத்தின் கல்வித்துறையில் பேராசிரியராகவும், கல்விப்புலத்தின் முதல்வராகவும் (Dean) பணியாற்றினார்.
இவருடைய மனைவியின் பெயர் ஜெகதீஸ்வரி மாரிமுத்து (Puan Sri Dato' Jagadheswari Marimuthu). இவரும் மலேசியாவில் பல சமூகநல அமைப்புகள் மற்றும் தொண்டு நிறுவனங்களில் இணைந்து சமூகச் சேவையாற்றி வருகிறார்.
அரசியல்
[தொகு]மஇகா (MIC) கட்சியின் மூலம் தீவிர அரசியலில் ஈடுபட்டார். 1990 நாடாளுமன்றத் தேர்தலில் வெற்றி பெற்று, மலேசிய வேளாண் மற்றும் உணவு பாதுகாப்பு துறை துணையமைச்சராகப் பொறுப்பு வகித்தார். அதற்கு முன்னர் அவர் மலேசிய மேலவையின் உறுப்பினராகவும் பதவி வகித்துள்ளார்.
பங்களிப்புகள்
[தொகு]மலேசிய இந்தியர்களின் கல்வி மேம்பாட்டு நிதி நிறுவனமான (Maju Institute of Educational Development) அமைப்பின் அறங்காவலர் குழுத் தலைவராக இருந்து, தற்போது வரை இந்திய மாணவர்களின் உயர்கல்விக்கு உதவிகள் வழங்கி வருகிறார்.
தேர்தல் முடிவுகள்
[தொகு]| ஆண்டு | தொகுதி | வேட்பாளர் | பெற்ற வாக்குகள் |
% | எதிரணி | பெற்ற வாக்குகள் |
% | மொத்த வாக்கு |
பெரும் பான்மை |
% | ||
|---|---|---|---|---|---|---|---|---|---|---|---|---|
| 1990 | P.109 தெலுக் கெமாங் | மாரிமுத்து தங்கவேலு (மஇகா) | 22,367 | 71.6% | என். மகாதேவன் (ஐபிஎப்) | 8,888 | 28.4% | 33,611 | 13,479 | 43.1% | ||
விருதுகள்
[தொகு]
மேற்கோள்கள்
[தொகு]- 1 2 3 "Marimuthu Thangaveloo; GE-08·20 Oct 1990; P.109 Telok Kemang, Negeri Sembilan". Retrieved 3 June 2026.
- ↑ "Marimuthu Thangaveloo; Prominent Malaysian Fulbright Scholar". Malaysian-American Commission on Educational Exchange. Retrieved 2 June 2026.
- ↑ "Tan Sri Prof. Dato' Dr. Marimuthu A/L Thangaveloo; Institute of Corporate Directors Malaysia (ICDM)". Facebook. Retrieved 3 June 2026.
- ↑ "Marimuthu Thangaveloo; 90th birthday celebration of Tan Sri T.Marimuthu". Facebook. Retrieved 7 June 2026.
மேலும் காண்க
[தொகு]நூல்கள்
[தொகு]- Anzagain Sdn. Bhd. (2004). Almanac of General Election Results: Parliament & State Legislative Assembly, 1959-1999. Shah Alam, Selangor: Anzagain.
- Hussain, M. (1987). Membangun demokrasi: Pilihanraya di Malaysia. Kuala Lumpur: Karya Bistari.
வெளி இணைப்புகள்
[தொகு]| தொகுதிகள் | |
|---|---|
நெகிரி செம்பிலான் மாநிலம்: 8 மக்களவைத் தொகுதிகள் | |
