மாந்தக் கடத்துகை

கட்டற்ற கலைக்களஞ்சியமான விக்கிப்பீடியாவில் இருந்து.

மாந்தக் கடத்துகை என்பது மனிதர்களை வணிக நோக்கத்திற்காக, குறிப்பாக கடத்துபவர் அல்லது மற்றவர்களின் பாலியல் அடிமைகள், கொத்தடிமைகள் ஆக வைக்க அல்லது பாலியல் தொழிலில் உட்படுத்துவதற்காகக் கடத்துவதாகும்.[1][2] கட்டாயத் திருமணம் புரியும் நோக்கத்துடன் மனிதர்களைக் கடத்துவதும் இதன் பாற்படும்.[3][4][5] இது தவிர, உறுப்புகள் மற்றும் திசுக்களை களவாடும் பொருட்டு கடத்துவதும்,[6][7] மற்றும் வாடகைத் தாயாக பயன்படுத்துவதற்காக மற்றும் கருப்பையைத் திருடுவதற்காக பெண்களைக் கடத்துவதும் மாந்தக் கடத்துகை ஆகும்.[8] மாந்தக் கடத்துகையானது குறிப்பட்ட நாட்டினுள்ளும் அல்லது நாடுகளுக்கிடையேயும் நடைபெறலாம். இது கடத்தப்படும் மனிதருக்கெதிரான குற்றமாகப் பார்க்கப்படுகிறது, ஏனெனில் கடத்தப்படுபவரின் இருப்பிட விருப்புரிமையானது, அவர்களைக் கட்டாயப்படுத்தி ஒரு வணிகப் பொருளாகப் பாவிப்பதின் மூலம் மீறப்படுகிறது. மாந்தக் கடத்துகை என்பது மனிதர்களை வைத்துச் செய்யும் வணிகமாகும். எனவே, ஒருவரை ஓரிடத்திலிருந்து மற்றொரு இடத்திற்கு கடத்திக் கொண்டு செல்லாமல், வணிகப் பொருளாகப் பாவிக்கப்பட்டாலும் அதுவும் மாந்தக் கடத்துகை என்றே கருதப்படுகிறது. மாந்தக் கடத்துகையானது உலக அளவில் தோராயமாக ஆண்டுக்கு 31.6 பில்லியன் டாலர் அளவு பெருமானமுள்ள ஒரு வணிகமாக இருக்கும் என மதிப்பிடப்பட்டுள்ளது.[9] நாடுகளுக்கிடையேயான குற்றவாளிகளிடையே வளர்ந்து வரும் முக்கிய குற்றங்களில் ஒன்றாக மாந்தக் கடத்துகை கருதப்படுகிறது.[10] இது உலக அளவில் ஒரு மனித உரிமை மீறலாகப் பார்க்கப்படுகிறது.[11]

அமெரிக்க & ஐரோப்பிய நாடுகளுக்கு கடத்தல்[தொகு]

ஐக்கிய அமெரிக்கா மற்றும் ஐரோப்பிய நாடுகளுக்கு சட்ட விரோதமாக குடியேற நினைப்பவர்களை, கடத்தல்காரர்கள் பலமடங்கு தொகை வசூலித்து, முறையற்ற முறைகளில் அழைத்துச் செல்கின்றனர்.[12][13]

வெளி இணைப்புகள்[தொகு]

உசாத்துணைகள்[தொகு]

  1. "UNODC மாந்தக் கடத்துகை மற்றும் அகதிகளைக் கடத்தல் பற்றி குறிப்பிட்டவை". Unodc.org. 2011. Retrieved 2011-03-22.
  2. "ஆம்னெசுடி இண்டர்நேசனல் - மனித கடத்தல்". Amnesty.org.au. 2009-03-23. Archived from the original on 2011-03-09. Retrieved 2011-03-22.
  3. "காப்பகப்படுத்தப்பட்ட நகல்" (PDF). Archived from the original (PDF) on 2013-07-18. Retrieved 2015-03-07.
  4. BBC செய்திகள் - சோல்வாக்கியன் அடிமை திருமணத்திற்காக பர்னெலிக்கு கடத்தப்பட்டார்
  5. "காப்பகப்படுத்தப்பட்ட நகல்" (PDF). Archived from the original (PDF) on 2014-04-15. Retrieved 2015-03-07.
  6. "உறுப்புகள், திசுக்கள், செல்களை கடத்தல் மற்றும் உறுப்பை நீக்கும் பொருட்டு மனிதரைக் கடத்தல் =PDF" (PDF). ஐநா. 2009. Retrieved 2014-01-18.
  7. "உறுப்பு/திசு நீக்கத்திற்காக மாந்தக் கடத்துகை". Fightslaverynow.org. Retrieved 2012-12-30.
  8. "கருப்பை நீக்கம் மற்றும் வாடகைத் தாய்க்காக மாந்தக் கடத்துகை". Councilforresponsiblegenetics.org. 2004-03-31. Archived from the original on 2018-12-24. Retrieved 2012-12-30.
  9. Haken, Jeremy. "வளர்ந்து வரும் உலகில் குற்றங்கள்" (PDF). Global Financial Integrity. Archived from the original (PDF) on 18 ஏப்ரல் 2015. Retrieved 25 June 2011. {{cite web}}: Check date values in: |archive-date= (help)
  10. லூயிசு செல்லி (2010). மாந்தக் கடத்துகை: ஒரு உலகளாவிய பார்வை. Cambridge University Press. பக். 2. பன்னாட்டுத் தரப்புத்தக எண்:978-1-139-48977-5. http://books.google.com/books?id=XY8uJoYkNBsC. 
  11. "DIRECTIVE 2011/36/EU OF THE EUROPEAN PARLIAMENT AND OF THE COUNCIL of 5 April 2011 on preventing and combating trafficking in human beings and protecting its victims, and replacing Council Framework Decision 2002/629/JH". Eur-lex.europa.eu. Archived from the original (PDF) on 26 நவம்பர் 2017. Retrieved 7 மார்ச் 2015. {{cite web}}: Check date values in: |access-date= (help)
  12. A human trafficking claim, 2 persons held: As France grounds plane carrying over 300 Indians
  13. அமெரிக்காவுக்கு மனித கடத்தலா? 300 இந்திய பயணிகளுடன் பிரான்சில் விமானம் தடுத்து நிறுத்தம்
"https://ta.wikipedia.org/w/index.php?title=மாந்தக்_கடத்துகை&oldid=3851951" இலிருந்து மீள்விக்கப்பட்டது