மாணவர் வெளியீடு
மாணவர் வெளியீடு (student publication) என்பது ஒரு கல்வி நிறுவனத்தில் மாணவர்களால் தயாரிக்கப்படும் செய்தித்தாள், பத்திரிகை, தொலைக்காட்சி நிகழ்ச்சி அல்லது வானொலி நிலையம் போன்ற ஒரு ஊடகமாகும். இந்த வெளியீடுகள் பரவலாக உள்ளூர் மற்றும் பள்ளி தொடர்பான செய்திகளை உள்ளடக்கியிருக்கும். ஆனால், இவை தேசிய அல்லது சர்வதேச நிகழ்வுகளையும் செய்தியாகக் கொண்டிருக்கலாம். பெரும்பாலான மாணவர் வெளியீடுகள் பாடத்திட்ட வகுப்பின் ஒரு பகுதியாகவோ அல்லது பாடநெறிக்கு அப்பாற்பட்ட செயல்பாடாகவோ நடத்தப்படுகின்றன.[2]
மாணவர் வெளியீடுகள் சமூக விவாதத்திற்கான ஒரு தளமாகவும், பத்திரிகைத் துறையில் ஆர்வமுள்ளவர்கள் தங்கள் திறன்களை வளர்த்துக் கொள்வதற்கும் உதவுகின்றன. இந்த வெளியீடுகள் செய்திகளைப் பிரசுரிக்கின்றன, மாணவர்கள் மற்றும் ஆசிரியர்களின் கருத்துகளையும் வெளியிடுகின்றன. சில சமயங்களில் மாணவர் அமைப்புக்கு ஏற்ற விளம்பரங்களையும் வெளியிடலாம். இந்த நோக்கங்களைத் தவிர, மாணவர் வெளியீடுகள் அந்தந்த நிறுவனத்தில் உள்ள சிக்கல்களைக் கண்டறிய ஒரு கண்காணிப்புக் குழுவாகவும் செயல்படுகின்றன. பெரும்பாலான மாணவர் வெளியீடுகள் அவர்களின் கல்வி நிறுவனம் மூலம் நிதியளிக்கப்படுகின்றன. சில நிதிகள் விற்பனை மற்றும் விளம்பரங்கள் மூலம் உருவாக்கப்படலாம், ஆனால் பெரும்பாலான நிதிகள் பொதுவாகப் பள்ளியிலிருந்தே கிடைக்கின்றன.[2]
தமிழ்நாடு
[தொகு]தமிழ்நாடு அரசு பள்ளி மாணவர்கள் மற்றும் ஆசிரியர்களுக்காக மூன்று இதழ்களை வெளியிட்டு வருகிறது. ஊஞ்சல் என்பது 4 முதல் ஐந்தாம் வகுப்பு மாணவர்களுக்காவும் தேன்சிட்டு என்பது 6-9 வகுப்பு மாணவர்களுக்காக அவர்களது திறன்களை வளர்க்கும் பொருட்டு அவர்களின் பங்களிப்போடு மாதம் இருமுறை வெளிவருகிறது. கனவு ஆசிரியர் என்பது ஆசிரியர்களின் பங்களிப்போடு வெளிவருகிறது.[3]
மேற்கோள்கள்
[தொகு]- ↑ "16 Sep: The First Student Newspaper", The Retro Spectors
- 1 2 Hapney, Terry L.; Russo, Charles J. (2013). "Student Newspapers at Public Colleges and Universities: Lessons from the United States". Education Law Journal 14 (2): 114–124. https://ecommons.udayton.edu/eda_fac_pub/158.
- ↑ "TN Schools". tnschools.gov.in. Retrieved 2025-03-22.
| பன்னாட்டு | |
|---|---|
| தேசிய | |
