மாசிடோனிய அறிவியல் மற்றும் கலை அகாடமி

மாசிடோனிய அறிவியல் மற்றும் கலை அகாடமி

Македонска академија на науките и уметностите
தலைமை அலுவலகம்
உருவாக்கம்	22 பிப்ரவரி 1967
நிறுவனர்	வடக்கு மாசிடோனியா சட்டமன்றம்
நோக்கம்	அறிவியல்களையும் கலைகளையும் கண்காணிப்பதற்கும் ஊக்குவிப்பதற்கும்
தலைமையகம்	சுகோப்சே, வடக்கு மாசிடோனியா
ஆள்கூறுகள்	41°59′47″N 21°26′30″E
ஆட்சி மொழி	மாசிடோனியம்
தலைவர்	உலுசூப்சோ கோசரேவ்
துணைத் தலைவர்	காசன்பார் பேராம் சிவுக்கோ போபோவ்
பொதுச் செயலாளர்	ஐசெட் செக்கிரி
வலைத்தளம்	www.manu.edu.mk

மாசிடோனிய அறிவியல் மற்றும் கலை அகாடமி (Macedonian Academy of Sciences and Arts) என்பது வட மாசிடோனியாவில் அமைந்துள்ள ஓர் உயரிய அறிவியல், கல்வி மற்றும் கலை ஆராய்ச்சி நிறுவனம் ஆகும். 1967 ஆம் ஆண்டு இந்நிறுவனம் நிறுவப்பட்டது. இதன் தலைமையகம் சுகோப்சே நகரில் அமைந்துள்ளது.

நோக்கம்

இந்த அகாடமியின் முக்கிய நோக்கம் அறிவியல், கல்வி மற்றும் கலைத் துறைகளின் வளர்ச்சியை ஊக்குவிப்பதும், ஆராய்ச்சிகளை ஒருங்கிணைப்பதும், புதிய அறிவியல் கண்டுபிடிப்புகள் மற்றும் கலைச் சாதனைகளை முன்னேற்றுவதுமாகும். மேலும், நாட்டின் பண்பாட்டு பாரம்பரியம், இயற்கை வளங்கள் மற்றும் சமூக முன்னேற்றம் தொடர்பான ஆய்வுகளிலும் இது முக்கிய பங்கு வகிக்கிறது. பல்வேறு துறைகளில் செயல்படும் அறிஞர்கள், விஞ்ஞானிகள் மற்றும் கலைஞர்களை தன் உறுப்பினர்களாகக் கொண்டுள்ளது. அறிவியல் நூல்கள், ஆராய்ச்சி அறிக்கைகள் மற்றும் கலைப் படைப்புகளை வெளியிடுவதோடு, தேசிய மற்றும் பன்னாட்டு ஆராய்ச்சி ஒத்துழைப்புகளையும் மேம்படுத்துகிறது.

வரலாறு

மாசிடோனியா சமதரும குடியரசின் சட்டமன்றத்தால், நாட்டின் மிக உயர்ந்த அறிவியல், கல்விசார் மற்றும் கலை நிறுவனமாக, அறிவியல் மற்றும் கலைகளைக் கண்காணித்து ஊக்குவிக்கும் நோக்கத்துடன், 1967 ஆம் ஆண்டு பிப்ரவரி 23 ஆம் தேதி மாசிடோனிய அறிவியல் மற்றும் கலைகள் அகாடமி நிறுவப்பட்டது.

கலாச்சாரப் பாரம்பரியம் மற்றும் இயற்கை வளங்களை ஆய்வு செய்தல், அறிவியல் மற்றும் கலைகள் தொடர்பான தேசியக் கொள்கையை வகுப்பதில் உதவுதல்; அறிவியல் மற்றும் கல்விசார் ஆராய்ச்சிகளை ஊக்குவித்தல், ஒருங்கிணைத்தல், ஏற்பாடு செய்தல் மற்றும் நடத்துதல்; அத்துடன், குறிப்பாக வட மாசிடோனியாவிற்குப் பெரிதும் தொடர்புடைய துறைகளில் கலைசார் சாதனைகளை மேம்படுத்துதல் ஆகியவையே இவ்வமைப்பின் நோக்கங்களாகும்

2009 ஆம் ஆண்டில், வடக்கு மாசிடோனியாவின் அறிவியல் கலைக்களஞ்சியமான மாசிடோனிய கலைக்களஞ்சியம் வெளியிடப்பட்டது. கலைக்களஞ்சியத்தின் வெளியீடு அதன் உள்ளடக்கம் காரணமாக கடுமையான எதிர்ப்பை ஏற்படுத்தியது. மேலும் இதன் ஆசிரியர்கள் கடுமையான விமர்சனத்திற்கு உள்ளானார்கள். அண்டை நாடுகளான கிரீசு, பல்கேரியா, கொசோவோ மற்றும் அல்பேனியாவிலும் இத்தகைய எதிர்வினைகள் எழுந்தன. இது அவசரமாகத் திரும்பப் பெறப்பட்டது. இதற்குப் பின்னால் இருந்த காரணம் அமெரிக்க மற்றும் இங்கிலாந்து தூதர்களின் அரசியல் அழுத்தம் ஆகும்.

2021 ஆம் ஆண்டு பிப்ரவரி மாதத்தில் அகாடமியின் உறுப்பினர்கள், மாசிடோனிய நாடாளுமன்றம் ஒப்புதல் அளித்து இருப்பினும் அந்த நிறுவனத்தின் பெயரின் ஒரு பகுதியாக வடக்கு மாசிடோனியா என்ற சொற்றொடரைச் சேர்ப்பதற்கான சமீபத்திய சட்ட முன்மொழிவு திரும்பப் பெறப்பட வேண்டும் என்று கோரினர். பல்கேரியா மற்றும் கிரீசுடன் கையெழுத்திடப்பட்ட இருதரப்பு ஒப்பந்தங்கள் மீதான கடுமையான விமர்சனம், இந்த தேசிய நிறுவனம் அரசாங்கத்தின் நேரடி செல்வாக்கின் கீழ் இல்லை என்பதைக் காட்டுகிறது. தலைவர் லியுப்சோ கோகாரேவ், பிரெசுபா ஒப்பந்தத்தை பிராந்திய நிலைத்தன்மையின்மைக்கான ஒரு காரணி என்றும், பல்கேரியாவுடனான ஒப்பந்தம் இன மாசிடோனியர்களுக்கு இழிவுபடுத்தும் என்றும் கூறியுள்ளார்.

படக்காட்சியகம்

• 
  மாநாட்டு அரங்கம்
• 
  சிற்பத் தோட்டம் — கல்வியாளர் டோம் செராஃபிமோவ்சுக்கியின் அன்பளிப்பு
• 
  மரபணுப் பொறியியல் மற்றும் உயிரித் தொழில்நுட்ப ஆராய்ச்சி மையத்தின் ஆய்வகம்
• 
  நூலகத்தின் வாசிப்பு அறை

வெளி இணைப்புகள்

விக்கிமீடியா பொதுவகத்தில்,
மாசிடோனிய அறிவியல் மற்றும் கலை அகாடமி
என்பதில் ஊடகங்கள் உள்ளன.

• Official website