மலேசிய இலக்கவியல் அமைச்சு

மலேசிய இலக்கவியல் அமைச்சு

Kementerian Digital Malaysia Ministry of Digital of Malaysia
மரபுச் சின்னம்
மலேசிய இலக்கவியல் அமைச்சகம்
துறை மேலோட்டம்
அமைப்பு	13 திசம்பர் 2023 (2023-12-13)
முன்னிருந்த அமைப்பு	மலேசிய தகவல் தொடர்பு இலக்கவியல் அமைச்சு Ministry of Communications and Digital
ஆட்சி எல்லை	மலேசிய அரசாங்கம்
தலைமையகம்	மெனாரா PjH, 2, துன் அப்துல் ரசாக் தெரு, வளாகம் 2, 62100 புத்ராஜாயா 02°55′24″N 101°40′44″E
ஆண்டு நிதி	MYR 1,358,574,000 (2026)
அமைச்சர்	கோவிந்த் சிங் தியோ, அமைச்சர்
துணை அமைச்சர்	வில்சன் உகாக் கும்போங், துணை அமைச்சர்
அமைப்பு தலைமைகள்	சாகிப் அகமது சாகிர் சமாலுதீன், பொதுச் செயலர் சிவனேசன் மாரிமுத்து
வலைத்தளம்	www.digital.gov.my

மலேசிய இலக்கவியல் அமைச்சு (மலாய்: Kementerian Digital Malaysia; ஆங்கிலம்: Ministry of Digital of Malaysia) (KKD) என்பது மலேசிய அரசாங்க அமைச்சுகளில் ஒன்றாகும். மலேசிய நாட்டின் இலக்கவியல் மாற்றம் மற்றும் போட்டித் திறனை முன்னெடுத்துச் செல்வதற்காக, திசம்பர் 12, 2023 அன்று இந்த அமைச்சு நிறுவப்பட்டது. மலேசிய தொடர்பு மற்றும் இலக்கவியல் அமைச்சின் மறுசீரமைப்பின் மூலம் மலேசிய இலக்கவியல் அமைச்சு உருவாக்கப்பட்டது.

தற்போது தேசிய இலக்கவியல் துறை (National Digital Department) மலேசிய இலக்கவியல் அமைச்சின் கீழ் இலக்கவியல் மயமாக்கல் செயல்பாடுகளைக் கண்காணிக்கிற்து. மேலும் இந்த அமைச்சு; எண்ணிம மயமாக்கல், தனிநபர் தரவுப் பாதுகாப்பு, இணையப் பாதுகாப்பு, எண்ணிமப் பொருளாதாரம், எண்ணிம உள்கட்டமைப்பு, மற்றும் கள மேலாண்மை உள்ளிட்ட முக்கியப் பகுதிகளையும் மேற்பார்வையிடுகிறது.

இலக்கவியல் அமைச்சின் தலைமையகம் புத்ராஜாயா, துன் அப்துல் ரசாக் தெரு, வளாகம் 2-இல் உள்ளது.

அமைப்பு

• இலக்கவியல் அமைச்சர்
  • துணை அமைச்சர்
    • பொதுச்செயலாளர்
      • பொதுச்செயலாளரின் அதிகாரத்தின் கீழ்
        • துணைச்செயலாளர் (மேலாண்மை)
        • தகவல் தொடர்பு பிரிவு
        • சட்ட ஆலோசகர் அலுவலகம்
        • உள் தணிக்கை பிரிவு
        • நேர்மை பிரிவு
        • கொள்கை, உத்தி மற்றும் இணக்கப் பிரிவு
        • பன்னாட்டுப் பிரிவு
        • நிதி மற்றும் மேம்பாட்டுப் பிரிவு
      • துணைப் பொதுச்செயலாளர் (உத்தி மற்றும் மேலாண்மை)
      • தகவல் மேலாண்மை பிரிவு
        • இலக்கவியல் மேலாண்மை சேவைகள் பிரிவு
      • துணைப் பொதுச்செயலாளர் (இலக்கவியல் மேம்பாடு)
        • இலக்கவியல் அதிகாரமளித்தல் பிரிவு
        • இலக்கவியல் வணிகப் பிரிவு
        • இலக்கவியல் பண்பாட்டுத் தழுவல் பிரிவு
        • தனிநபர் தரவுப் பாதுகாப்புத் துறை
        • தேசிய இலக்கவியல் துறை

அமைச்சர்கள்

அமைச்சர்	படிமம்	அமைச்சு	நிருவாக அனுபவம்
கோவிந்த் சிங் தியோ		இலக்கவியல் அமைச்சர்	MP - பூச்சோங் (மார்ச் 2008 – மே 2018) தகவல் தொடர்பு மற்றும் பல்லூடக அமைச்சர் (மே 2018 – பெப்ரவரி 2020) MP - டாமன்சாரா (திசம்பர் 2023 – தற்போது)
வில்சன் உகாக் கும்போங்		இலக்கவியல் துணைமைச்சர்	MP - உலு ரெஜாங் (மே 2013 – தற்போது) தலைவர் தேசிய தொழில் பாதுகாப்பு மற்றும் சுகாதார நிறுவனம் (மார்ச் 2020 – திசம்பர் 2022) பிரதமரின் துறை துணை அமைச்சர் (திசம்பர் 2022 – திசம்பர் 2023)

மேலும் காண்க

• மலேசிய இலக்கவியல் அமைச்சர்
• மலேசிய தொடர்பு மற்றும் இலக்கவியல் அமைச்சு