மலபார் சறுக்குத் தவளை

கட்டற்ற கலைக்களஞ்சியமான விக்கிப்பீடியாவில் இருந்து.
மலபார் சறுக்குத் தவளை
உயிரியல் வகைப்பாடு
உலகம்:
திணை:
பிரிவு:
வகுப்பு:
வரிசை:
குடும்பம்:
ராக்கோபோரிடே
பேரினம்:
ராகோபோரசு
இனம்:
ரா. மலபாரிகசு
இருசொற் பெயரீடு
ராகோபோரசு மலபாரிகசு
ஜெர்டன், 1870
மலபார் சறுக்குத் தவளையின் குட்டித் தவளை. இது ஒரு தலைப்பிரட்டை மற்றும் வயது வந்த தவளைக்கு இடையிலான நிலை. வாலைக் கவனியுங்கள்.
மலபார் சறுக்கும் தவளையின் தலைப்பிரட்டை

மலபார் சறுக்குத் தவளை (Malabar gliding frog) அல்லது மலபார் பறக்கும் தவளை (ராகோபோரசு மலபாரிகசு) என்பது இந்தியாவின் மேற்குத் தொடர்ச்சி மலைகளில் காணப்படும் ஒரு ராக்கோபோரிட் மரத் தவளை சிற்றினமாகும்.

படங்கள்[தொகு]

ஓசை எழுப்பும் ஆண்
பிசுலே ம்லைப்பகுதியில் உள்ள ஒரு கோயிலின் கட்டிடத்தில் பெண் ராகோபோரசு மலபாரிக்கசு

"சறுக்கு" தவளை என்பது மரத்தின் உச்சியிலிருந்து கீழே குதிக்கும்போது கால்விரல்களுக்கு இடையில் உள்ள சவ்வினை நீட்டுவதன் மூலம் தன் வீழ்ச்சியின் பாதிப்பினைக் குறைத்துப் பறக்கும் தன்மையினை குறிக்கிறது. இது 9-12 மீ தூரத்திற்கு அதிகபட்சமாக தன் உடல் நீளத்தில் சுமார் 115 மடங்கு சறுக்க இயலும்.

விளக்கம்[தொகு]

மூக்கின் அருகமை காட்சி

இந்த தவளையின் உடல் நீளம் சுமார் 10 செ.மீ. ஆகும். இது மிகப்பெரிய பாசி தவளைகளில் ஒன்றாகும். ஆண்கள் பெண்களை விட சிறியவை. இதன் முதுகுத் தோல் நன்றாகத் துகள்களாகக் காணப்படும். பச்சை நிறத்தில் அடையாளங்கள் இல்லாமல் உள்ளது. இவை கருப்பு-பளிங்கு முதுகுடைய ரா.சூடோமலாபரிகசு சிற்றினத்திலிருந்து வேறுபடுகிறது.[1] பாதுகாக்கப்பட்ட மாதிரிகளில், பின்புறம் ஊதா நீலமாக மாறும். வயிறு மிகவும் கரடுமுரடான முதுகு– குறிப்பாகத் தொடைகளின் கீழ் – மற்றும் வெளிர் மஞ்சள். நீண்ட கைகால்களுக்கு இடையில் மற்றும் தோல் விளிம்புகள் உள்ளன. குதிகால் ஒரு முக்கோண தோல் நீட்டிப்பினைக் கொண்டுள்ளது. விரல்கள் மற்றும் கால்விரல்களுக்கு இடையில் உள்ள வலையானது பெரியதாகவும் ஆரஞ்சு-சிவப்பு நிறமாகவும் இருக்கும்.[2]

வோமரின் பற்கள் இரண்டு நேராக அல்லது சற்று சாய்ந்தோ தொடர்களில் உள்நாசித் துளையின் உள் முன் விளிம்பைத் தொடும். மூக்கு வட்டமானது. மிகவும் அகலமாக இல்லை. சுற்றுப்பாதையின் விட்டம் வரை நீளமானது, கண் இமைகள் கூடுமிட அலகுருமுளைக்குரிய கோணத்தில் உள்ளது. உள் பகுதி குழிவானது. நாசித் துவாரங்கள் கண்களை விட மூக்கின் முனைக்கு அருகில் அமைந்துள்ளன. வட்டணைகளுக்கிடையில் இடைவெளி மேல் கண்ணிமை விட அகலமானது. செவிப்பறை கண்ணின் விட்டத்தில் 60-70% அளவைக் கொண்டுள்ளது.[3]

விரல்கள் மற்றும் கால்விரல்களின் வட்டுகள் பெரியவை. இவை செவிப்பறையின் அளவில் காணப்படும். சப்ஆர்டிகுலர் டியூபர்கிள்ஸ் நன்கு வளர்ந்தவை. கீழ்க்கால் உள்ளெலும்பு-கணுக்கால் எலும்பு மூட்டு, குறைந்தபட்சம் கண்ணை அடையும், அதிகபட்சமாக நாசித் துவாரம் வரை அசையக்கூடியது.[3]

பரவல்[தொகு]

மலபார் சறுக்கும் தவளை இந்தியாவின் மேற்குத் தொடர்ச்சி மலைகளில் காணப்படுகிறது. தமிழ்நாடு, கேரளம், கருநாடகம், கோவா மற்றும் மகாராட்டிரம் மாநிலங்களில் இது காணப்படுகிறது. இத்தவளை கடல் மட்டத்திலிருந்து 43 மீ முதல் 1894 மீ வரை உயரத்தில் காணப்படுவது பதிவு செய்யப்பட்டுள்ளது. இது முதன்மை காடுகள், இரண்டாம் நிலை காடுகள், தோட்டங்கள் மற்றும் நகர்ப்புற வாழ்விடங்கள் போன்ற பல்வேறு வாழ்விடங்களில் காணப்படுகிறது. நீரோடை அல்லது ஆற்றங்கரைக்கு அருகில் உள்ள மரங்களின் இலைகளில் இதைக் காணலாம். இனப்பெருக்க காலத்தில், இவை நீர்நிலைகளுக்கு மேலே காணப்படும் மரங்களுக்கு நகர்கின்றன.[4]

இனப்பெருக்கம்[தொகு]

மலபார் சறுக்கும் தவளை சிற்றினத்தின் இனப்பெருக்கம் பொதுவாக சூன்-செப்டம்பர் பருவமழை மாதங்களில் நிகழ்கிறது. இந்த இனத்தின் ஆண் தவளைகள் நீரோடைகளின் கரையோரங்களில் அமர்ந்து பெண்களை ஈர்க்க ஓசையிடுகின்றன. பெண்கள் பெரும்பாலும் இனச்சேர்க்கை செய்ய விரும்பு தவளையினை அணுகி சமிக்ஞை செய்யும். உறவு கொள்ளும் ஆண் தவளை நுரை போன்றப் பொருளை வெளியிடும் இதில் பெண் தவளை முட்டைகளை இடும். இப்பகுதியில் காணப்படும் இதர ஆண் தவளைகள், இணை சேரும் பெண் மற்றும் ஆண் தவளைக்கு உதவுவது கவனிக்கப்பட்டது. முட்டையிட்ட பிறகு, ஆண் பொதுவாகப் பெண் தவளையினை விட்டு வெளியேறும். பெண் இலையில் முட்டையிடும். இந்த முட்டைக்கூடு 78-112 மிமீ நீளமும் 68-79 மிமீ அகலமும் இருக்கும். ஒரு முட்டைக்கூட்டில் உள்ள முட்டைகளின் எண்ணிக்கை 89-206 (N = 5) ஆகும். முட்டைகள் நிறமியற்றது மற்றும் வெள்ளை நிறத்தில் இருக்கும். குஞ்சு பொரித்த பிறகுத் தலைப்பிரட்டைகள் தண்ணீரில் விழுகின்றன.[4]

மலபார் சறுக்கும் தவளைகள் இணை சேர்தல்: மேலே மிகவும் சிறிய ஆண் இருப்பதைக் கவனியுங்கள்.
சறுக்கும் தவளையால் கட்டப்பட்ட நுரை கூடு.

மேலும் பார்க்கவும்[தொகு]

மேற்கோள்கள்[தொகு]

  1. E.g. by Boulenger (1890)
  2. Boulenger (1890), Bordoloi et al. (2007)
  3. 3.0 3.1 Boulenger (1890)
  4. 4.0 4.1 Biju, S. D.; Kamei, Rachunliu G.; Mahony, Stephen; Thomas, Ashish; Garg, Sonali; Sircar, Gargi; Suyesh, Robin (4 April 2013). "Taxonomic review of the tree frog genus Rhacophorus from the Western Ghats, India (Anura: Rhacophoridae), with description of ontogenetic colour changes and reproductive behaviour". Zootaxa 3636 (2): 257–289. doi:10.11646/zootaxa.3636.2.3. பப்மெட்:26042293. 

வெளி இணைப்புகள்[தொகு]

"https://ta.wikipedia.org/w/index.php?title=மலபார்_சறுக்குத்_தவளை&oldid=3879706" இலிருந்து மீள்விக்கப்பட்டது