மரபணு மாற்று உணவு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

மரபணு மாற்று உணவு (Genetically modified foods, அல்லது GM foods), சில நேரங்களில் மரபணுவிலிருந்து உருவாக்கிய உணவுகள் (genetically engineered foods) என்பன மரபணுப் பொறியியல் நுட்பங்களைப் பயன்படுத்தி உயிரினங்களின் டி. என். ஏ.வில் மாற்றங்களைப் புகுத்தி உருவாக்கப்பட்ட உணவுகளைக் குறிக்கும். மரபணுப் பொறியியல் நுட்பங்கள் மூலமாக புதிய பண்புக்கூறுகளை அறிமுகப்படுத்தவும் ஏற்கெனவே உள்ள பண்புக் கூறுகளை கட்டுப்படுத்துவதில் மேம்பட்ட கட்டுப்பாட்டை கையாளவும் இயலும்; வழமையான தெரிவு இனப்பெருக்கம், சடுதிமாற்றத் தேர்வு இனப்பெருக்கம் போன்ற நுட்பங்களை விட இம்முறையில் பண்புக்கூறுகளை மேம்பட்ட விதத்தில் கட்டுப்படுத்த முடியும்.[1]

வணிகத்திற்கான மரபணு மாற்று உணவு 1994இல் மொன்சன்ரொ நிறுவனத்தால் சந்தைப்படுத்தப்பட்டது; நாள்பட்டு பழுக்கும் தக்காளியை (பிளவர் சவர்) அது விற்பனைக்கு விட்டது.[2] பெரும்பாலான மரபணு மாற்றங்கள் பணப்பயிர்களிலேயே செய்யப்பட்டன; விவசாயிகளிடம் பெரிதும் தேவையாயிருந்த சோயாபீன்சு, சோளம், காட்டுக்கடுகு (கனோலா), பருத்திவிதை எண்ணெய் போன்றவை துவக்கத்தில் மரபணு மாற்றப்பட்டன. நோய்தாக்கு உயிரிகளையும் களைக்கொல்லிகளையும் எதிர்க்கக்கூடிய வகையிலும் மேம்பட்ட ஊட்டச்சத்து தரும் வகையிலும் மரபணு மாற்றுப் பயிர்கள் உருவாக்கப்பட்டன. மரபணு மாற்றப்பட்ட கால்நடைகளும் உருவாக்கப்பட்டன; ஆனால் இவை நவம்பர் 2013 நிலவரப்படி சந்தைக்கு வரவில்லை.[3]

பாக்டீரியாக்கள் பாலாடைக்கட்டியை உருவாக்குவதை விரைவுபடுத்த ஆய்வுகள் நடத்தப்பெறுகின்றன. குறைந்த கலோரிகள் கொண்ட பியர் உருவாக்க மரபணு மாற்றப்பட்ட மதுவம் பயன்படுத்தக்கூடும்.[4]

வழமையான உணவை விட மரபணு மாற்றப்பட்ட உணவுகளை உட்கொள்வதால் மனிதர் நலனுக்கு தீவாய்ப்புகள் நிகழாது என அறிவியல் உலகில் கருத்து நிலவுகின்றது.[5][6][7][8][9][10] இருப்பினும், இவ்வகை உணவுகளின் பாதுகாப்பு, கட்டுப்பாடு,அடையாளப்படுத்துதல், சூழலியல் தாக்கம், ஆய்வியல் நெறிமுறைகள் குறித்தும் மரபணு மாற்று உணவுகளின் அறிவுசார் சொத்துரிமை உருவாக்கும் நிறுவனங்களுக்கே உள்ளதையும் குறித்தும் பொதுமக்கள் கவலைப்படுகின்றனர்.[11]

கட்டுப்பாடு[தொகு]

மரபணு மாற்று உயிரினங்களின் உருவாக்கம் மற்றும் வெளியிடலைக் கட்டுப்படுத்துவது குறித்து நாட்டுக்கு நாடு வேறுபடுகின்றது. இந்தியாவில் இந்திய உயிரித் தொழில்நுட்பம் ஒழுங்குமுறை ஆணையம் (BRAI) ஒன்றை நிறுவிட இந்திய அரசு ஒரு வரைவு மசோதாவை 2013இல் மக்களவையில் அறிமுகப்படுத்தியது; இந்த சட்ட வரைவு மரபு மாற்றப் பயிர்களின் வளர்ச்சியைக் கட்டுப்படுத்துவதற்கு மாற்றாக ஊக்குவிக்கும் வண்ணம் உள்ளதாக எதிர்ப்புக்கள் எழுந்துள்ளன.[12]

ஐக்கிய அமெரிக்காவில் உயிரித் தொழில்நுட்ப கட்டுப்பாட்டிற்கான ஒருங்கிணைக்கப்பட்ட கட்டமைப்பு இந்தக் கொள்கையை மேற்கொள்கிறது.[13] இக்கொள்கையில் மூன்று முதன்மை முன்மொழிவுகளை கொண்டுள்ளன:

  1. அமெரிக்க கொள்கை மரபணு மாற்றத் தொழினுட்பத்தின் மூலமான பொருளை மட்டுமே குவியப்படுத்தும்; செய்முறை மீதல்ல
  2. சரிபார்க்கத்தக்க அறிவியல்ரீதியான தீவாய்ப்புகளைக் கட்டுப்படுத்துவதை மட்டுமே ஏற்றுக்கொள்ளும்,
  3. மரபணு மாற்று உணவுகள் வழமையான உணவைப் போன்றே ஏற்கெனவே உள்ள சட்டங்களின்படி கட்டுப்படுத்தக்கூடும்.[14]

ஐரோப்பிய ஒன்றியம் வேறுபட்ட கட்டுப்பாட்டு நெறியை கொண்டுள்ளது; உலகின் மிகவும் கண்டிப்பான விதிமுறைகளாக இவை கருதப்படுகின்றன.[15] அனைத்து மரபணு மாற்று உயிரினங்களும், கதிர்வீச்சுக்குட்பட்ட உணவுகளும் "புதிய உணவாக" கருதப்படுகின்றன; ஒவ்வொரு உணவும் ஐரோப்பிய உணவுப் பாதுகாப்பு ஆணையத்தினால் (EFSA) விரிவான அறிவியல் சார்ந்த ஆய்வுக்கு உட்படுத்தப்படுகின்றன. நான்கு பகுப்புகளில் வகைப்படுத்தப்படுகின்றன: "பாதுகாப்பானது," "தனிநபர் விருப்பத்தேர்வுக்குரியது," "அடையாளப்படுத்துதல்," மற்றும் "மூலவழி கண்டுபிடிக்கக்கூடியது".[16]

அடையாளப்படுத்துதல்[தொகு]

மரபணு மாற்றுணவுகளில் ஒரு முக்கியமான கவலை அவற்றை அடையாளப்பட்டுத்துவது குறித்ததாகும். தென் ஆபிரிக்காவில் தன்னார்வலராக அடையாளப்படுத்தப்பட்ட உணவுப்பொருட்களில் மரபணு மாற்றில்லாதது என அடையாளப்படுத்தப்பட்ட உணவுப் பொருட்களில் 31%இல் மரபணு மாற்றப்பட்ட உணவுக்கூறு 1.0%க்கு மேலாக இருந்தது.[17]

கனடாவிலும் அமெரிக்காவிலும் மரபணு மாற்றுணவை அடையாளப்படுத்துவது கட்டாயமில்லை.[18] ஐரோப்பாவில் அனுமதிக்கப்பட்ட மரபணு மாற்று உயிரினம் 0.9%க்கு மேற்பட்டுள்ள அனைத்து உணவுப் பொருட்களும் (பதப்படுத்தப்பட்ட உணவு உட்பட) மற்றும் மாட்டுத் தீவனங்களும் அடையாளப்படுத்தப்பட வேண்டும்.[15]

ஜப்பான், மலேசியா, நியூசிலாந்து, ஆத்திரேலியா நாடுகளில் பொதுமக்கள், மரபணு மாற்று உணவா, சாதாரண உணவா அல்லது இயற்கை வேளாண் உணவா என அறிய இயலும் வகையில் அடையாளப்படுத்தப்பட வேண்டும்.[19]

மேற்சான்றுகள்[தொகு]

  1. GM Science Review First Report, Prepared by the UK GM Science Review panel (July 2003). Chairman Professor Sir David King, Chief Scientific Advisor to the UK Government, P 9
  2. James, Clive (1996). "Global Review of the Field Testing and Commercialization of Transgenic Plants: 1986 to 1995". The International Service for the Acquisition of Agri-biotech Applications. பார்த்த நாள் 17 July 2010.
  3. "Consumer Q&A". Fda.gov (2009-03-06). பார்த்த நாள் 2012-12-29.
  4. biotopics.co.uk: Genetically modified microorganisms and food production
  5. American Association for the Advancement of Science (AAAS), Board of Directors (2012). Statement by the AAAS Board of Directors On Labeling of Genetically Modified Foods, and associated Press release: Legally Mandating GM Food Labels Could Mislead and Falsely Alarm Consumers
  6. American Medical Association (2012). Report 2 of the Council on Science and Public Health: Labeling of Bioengineered Foods
  7. World Health Organization. Food safety: 20 questions on genetically modified foods. Accessed December 22, 2012.
  8. United States Institute of Medicine and National Research Council (2004). Safety of Genetically Engineered Foods: Approaches to Assessing Unintended Health Effects. National Academies Press. Free full-text. See pp11ff on need for better standards and tools to evaluate GM food.
  9. (PDF) A decade of EU-funded GMO research (2001-2010). Directorate-General for Research and Innovation. Biotechnologies, Agriculture, Food. European Union. 2010. பக். 16. doi:10.2777/97784. ISBN 978-92-79-16344-9. http://ec.europa.eu/research/biosociety/pdf/a_decade_of_eu-funded_gmo_research.pdf. 
  10. Other sources:
  11. Cowan, Tadlock (18 Jun 2011). "Agricultural Biotechnology: Background and Recent Issues" 33–38. Congressional Research Service (Library of Congress). பார்த்த நாள் 27 September 2015.
  12. "Unconstitutional, unethical, unscientific". Pushpa M. Bhargava. த இந்து (திசம்பர் 28, 2011). பார்த்த நாள் மே 24, 2012.
  13. United States Regulatory Agencies unified biotechnology website
  14. Emily Marden, Risk and Regulation: U.S. Regulatory Policy on genetically modified food and agriculture, 44 B.C.L. Rev. 733 (2003)[1]
  15. 15.0 15.1 Davison, John. 2010. GM plants: Science, politics and EC regulations. Plant Science 178(2):94–98 [2]
  16. GMO Compass: The European Regulatory System. Retrieved 28 July 2012.
  17. Botha, Gerda M. and Viljoen, Christopher D. 2009. South Africa: a case study for voluntary GM labelling. Food Chemistry 112(4):1060–1064 [3]
  18. The regulation of genetically modified foods
  19. [4] Gibson, Johanna 2006. Consumer protection: Consumer strategies and the European Market in genetically modified foods. Nw. J. Tech. & Intell. Prop. 5, 176. Free access

வெளி இணைப்புகள்[தொகு]

"https://ta.wikipedia.org/w/index.php?title=மரபணு_மாற்று_உணவு&oldid=1990801" இருந்து மீள்விக்கப்பட்டது