மமதி சாரி
மமதி சாரி | |
|---|---|
| பிறப்பு | 21 திசம்பர் 1978[1] சென்னை, தமிழ்நாடு, இந்தியா |
| மற்ற பெயர்கள் | சர்மாள் |
| பணி |
|
| செயற்பாட்டுக் காலம் | 2007 – முதல் |
மமதி சாரி (Mamathi Chari)(பிறப்பு: திசம்பர் 21, 1978) என்பவர் ஓர் இந்திய வானொலி தொகுப்பாளரும், தொலைக்காட்சி ஆளுமையும் நடிகையும் ஆவார். இவர் முக்கியமாகத் தமிழ்த் திரைப்படங்கள், தொலைக்காட்சி நிகழ்ச்சிகளில் நடித்துவருகிறார்.[2] வணக்கம் தமிழா என்ற தொலைக்காட்சி நிகழ்ச்சியைத் தொகுத்து வழங்கியதற்காகவும், வாணி ராணி என்ற தொலைக்காட்சித் தொடரில் நடிகையாக நடித்ததற்காகவும் இவர் மிகவும் பிரபலமானவர்.[3][4]
தனிப்பட்ட வாழ்க்கை
[தொகு]மமதி 1978-ஆம் ஆண்டு திசம்பர் 21-ஆம் தேதி தமிழ்நாட்டின் சென்னையில் பிறந்தார். இவர் தூய இருதய மத்திய இடைநிலைக் கல்வி வாரியப் மேல்நிலைப் பள்ளியில் பயின்றார், பின்னர் ஐபி பாவ்லோவ்வில் மருத்துவம் பட்டம் பெற்றார்.[5] விவாகரத்துக்குப் பிறகு, இவர் பொழுதுபோக்குத் துறையிலிருந்து ஓர் இடைவெளி எடுத்துக்கொண்டு தொழிலதிபரானார்.[6] இவர் 2017-இல் மீண்டும் பொதுவாழ்விற்கு வந்தார். இருப்பினும் 2020-ஆம் ஆண்டில் இவர் தொலைக்காட்சித் துறையை நிரந்தரமாக விட்டுவிட்டு மருத்துவப் பணியில் கவனம் செலுத்தப் போவதாக அறிவித்தார்.[7][8]
தொழில்
[தொகு]மமதி ராஜ் தொலைக்காட்சியின் தொகுப்பாளராகத் தனது வாழ்க்கையைத் தொடங்கினார்.[5] பல தொலைக்காட்சி நிகழ்ச்சித் தொகுப்பாளராகப் பணியாற்றுவதற்கு முன்பு, 2007-ஆம் ஆண்டு பிக் பண்பலையின் பிக் வணக்கத்தில் ரேடியோ ஜாக்கியாகப் பணியாற்றினார்.[3] 2013-ஆம் ஆண்டு சன் தொலைக்காட்சியில் ஒளிபரப்பான "வாணி ராணி" என்ற தொலைக்காட்சித் தொடரில் இவர் நடிகையாக அறிமுகமானார். இவர் கோகிலா சாமிநாதன், ஜெசுசி ஆகிய இரட்டை வேடங்களில் நடித்தார். இருவரும் எதிர் கதாபாத்திரங்களில் நடித்தனர். பின்னர் மமதி சன் தொலைக்காட்சியில் ஒளிபரப்பான வணக்கம் தமிழா என்ற தொலைக்காட்சி நிகழ்ச்சியில் நிகழ்ச்சித் தொகுப்பாளராகத் தோன்றினார். 2018-ஆம் ஆண்டில், விஜய் தொலைக்காட்சியில் ஒளிபரப்பான பிக் பாஸ் (தமிழ் சீசன் 2) என்ற மெய்ம்மைக் காட்சியில் போட்டியாளராகப் பங்கேற்றார். இருப்பினும் நிகழ்ச்சியின் 14ஆவது நாளில் போட்டியிலிருந்து வெளியேற்றப்பட்டார். நிகழ்ச்சியிலிருந்து வெளியேற்றப்பட்ட பின்னர் டைம் என்ன பாஸ்! என்ற குறு வலைத் தொடரில் நடித்தார்.[9]
2022-ஆம் ஆண்டில், 2 வருட இடைவெளிக்குப் பிறகு மீண்டும் நடிப்பதாக அறிவித்தார். மேலும் நடிகர்கள் அஜித் குமார், மஞ்சு வாரியருடன் இணைந்து 'துணிவு' படத்தில் துணை வேடத்தில் நடித்தார்.[10]
திரைப்படவியல்
[தொகு]| ஆண்டு | திரைப்படம் | பங்கு | குறிப்புகள் |
|---|---|---|---|
| 2023 | துணிவு | சேனல் தலைவர் | [10] |
| கோழை | மருத்துவர் |
வலைத் தொடர்கள்
[தொகு]| ஆண்டு | தலைப்பு | பங்கு | வலைப்பின்னல் |
|---|---|---|---|
| 2020 | டைம் என்ன பாஸ்!? | வீட்டு உரிமையாளர் | அமேசான் பிரைம் வீடியோ |
தொலைக்காட்சி
[தொகு]| ஆண்டு | காட்டு | பங்கு | சேனல் | குறிப்புகள் |
|---|---|---|---|---|
| 2001 | நீ நான் அவள் | ஸ்டார் விஜய் | ||
| 2004 | வணக்கம் தமிழா | தொகுப்பாளர் | ஸ்டார் விஜய் | |
| 2013 | ராணி மகாராணி | தொகுப்பாளர் | சன் டிவி | |
| 2013-2017 | வாணி ராணி | கோகிலா சாமிநாதன் / ஜெசுசி | சன் டிவி | இரட்டை வேடங்கள் |
| 2017 | வணக்கம் தமிழா | தொகுப்பாளர் | சன் டிவி | |
| 2018 | பிக் பாஸ் (தமிழ் சீசன் 2) | போட்டியாளர் | ஸ்டார் விஜய் | வெளியேற்றப்பட்ட நாள் 14 |
மேற்கோள்கள்
[தொகு]- ↑ "எப்போதும் இளமையாக இருக்க இதுதான் வழி – பிக் பாஸ் மமதி சாரி ஃபிட்னெஸ் சீக்ரெட்ஸ்!". tamil.indianexpress.com. Retrieved 31 August 2022.
- ↑ "Mamathi Chari Age, Boyfriend, Height, Husband & More Facts". www.biography.mastdunia.com. Retrieved 31 August 2022.
- ↑ 3.0 3.1 "'Stylish Thamizhachi' is a fitness freak". Deccan Chronicle. Retrieved 31 August 2022.
- ↑ "Taking the small screen big-time". Deccan Chronicle. Retrieved 31 August 2022.
- ↑ 5.0 5.1 "ரஷியா to ராஜ் டீ.வி". Kalki (magazine). 27 April 1997. pp. 78–79. Retrieved 21 May 2023.
- ↑ "Divorce ஆனபிறகு மன அழுத்தத்துலேருந்து வெளியே வர பல ஆண்டுகளாச்சு! Mamathi Chari Emotional". cinema.vikatan.com. Retrieved 31 August 2022.
- ↑ "The 'The Making of Heroes: The Adventures of Zoe and Scruffy', incorporates topics such as divorce, adoption and gender neutrality". The Hindu. Retrieved 31 August 2022.
- ↑ "Mamathi shares helpline number for women facing domestic abuse". Times Of India. Retrieved 8 September 2022.
- ↑ "'Time Enna Boss' made me realise I can do comedy, says Mamathi Chari". www.deccanherald.com. Retrieved 31 August 2022.
- ↑ 10.0 10.1 "'துணிவு' படத்தில் இணைந்த பிக்பாஸ் பிரபலம்.. டப்பிங் முடிச்சிட்டு பகிர்ந்த ஃபோட்டோ!!". tamil.behindwoods.com. Retrieved 6 November 2022.