மன்னார் பிரதேச சபை

மன்னார் பிரதேச சபை
மன்னார் பிரதேச சபை
வகை
வகை	உள்ளூராட்சி சபை
தலைமை
தலைவர்	ஏ. ஜே. எம். சப்ரான், அகில இலங்கை மக்கள் காங்கிரஸ் ; 24 சூன் 2025 முதல்
துணைத் தலைவர்	ரொயிட்டன் சாந்தினி குரூசு, சனநாயகத் தமிழ்த் தேசியக் கூட்டணி ; 26 சூன் 2025 முதல்
கட்டமைப்பு
உறுப்பினர்கள்	22
அரசியல் குழுக்கள்	அரசு (4) ஐமச (4); எதிர் (18) இதக (5); சததேகூ (4); தேமச (3); இமுகா (2); தொ.க (2); அஇதகா (1); சுயே (1);
தேர்தல்கள்
அண்மைய தேர்தல்	2025

மன்னார் பிரதேச சபை (Mannar Divisional Council) இலங்கையின் மன்னார் மாவட்டத்தில் அமைந்துள்ள உள்ளூராட்சி அமைப்புக்களுள் ஒன்று ஆகும். மன்னார் நகரசபைப் பகுதி தவிர்ந்த மன்னார் பிரதேச செயலாளர் பிரிவில் அடங்கும் பகுதிகள் இப்பிரதேச சபைக்குள் அடங்குகின்றன. இதன் மொத்தப் பரப்பளவு 189.35 சதுர மைல்கள். இதற்குள் தலைமன்னார்த் தீவின் பெரும் பகுதியும், தலைநிலத்தில் உள்ள உயிலங்குளம் பகுதியும் அடங்கியுள்ளன. தலைமன்னார்த் தீவின் தெற்கு பகுதியில் மன்னார் நகரசபையுடன் பொது எல்லையைக் கொண்டுள்ள ஒரு சிறு பகுதி தவிர ஏனைய பகுதிகள் கடலால் சூழப்பட்டுள்ளன. தலை நிலத்தில், இதன் வடக்கில் நீரேரியும்; கிழக்கில் மாந்தை மேற்கு பிரதேச சபையும்; தெற்கிலும், மேற்கிலும் நானாட்டான் பிரதேச சபையும் எல்லைகளாக உள்ளன. இச்சபைக்கான உறுப்பினர்கள் நேரடியாக மக்களால் தெரிவுசெய்யப்படுகின்றனர். 2018 ஆம் ஆண்டு முதல் கலப்பு முறைத் தேர்தல் அறிமுகப்படுத்தப்பட்டது. இம்முறைப்படி, மன்னார் பிரதேச சபைக்கு 12 உறுப்பினர்கள் வட்டாரங்களில் இருந்து நேரடியாகவும், 10 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும், மொத்தம் 22 உறுப்பினர்கள் தேர்ந்தெடுக்கப்படுகின்றனர்.^[1]^[2]

வட்டாரங்கள்

26ம் இலக்க 2015 ஆகத்து 21 அதிவிசேட வர்த்தமானி அறிவித்தலின் மூலம் உள்ளுராட்சி அதிகார சபைகள் தேர்தல் கட்டளை சட்டத்தின் 3ஆவது பிரிவின் கீழ் உள்ளுராட்சி அதிகார சபையின் ஆளுகைப் பிரதேசத்தின் எல்லைகள் வரையறை செய்யப்பட்டுள்ளன. இவ்வாறு வரையறை செய்யப்பட்டுள்ள மன்னார் பிரதேச சபையின் ஆளுகைப் பிரதேசம் 11 வட்டாரங்களாகப் பிரிக்கப்பட்டுள்ளது. மன்னார் பிரதேச சபையின் கீழ் மன்னார் நகரசபைப் பகுதி தவிர்ந்த மன்னார் பிரதேச செயலாளர் பிரிவின் நிருவாக எல்லைகள் உள்ளடங்குகின்றன.^[3]

தலைமன்னார்
தலைமன்னார் துறை
துள்ளுகுடியிருப்பு
பேசாலை
பேசாலை தெற்கு
சிறுதோப்பு
புதுக்குடியிருப்பு
எருக்கலம்பிட்டி
தாழ்வுபாடு
தாராபுரம்
உயிலங்குளம் (2 உறுப்பினர்கள்)

தேர்தல் முடிவுகள்

2011 உள்ளூராட்சித் தேர்தல்

23 யூலை 2011 உள்ளாட்சித் தேர்தல் முடிவுகள்:^[4]

கூட்டணியும் கட்சிகளும்		வாக்குகள்	%	இடங்கள்
	தமிழ்த் தேசியக் கூட்டமைப்பு *	5,061	37.06%	5
	ஐக்கிய மக்கள் சுதந்திரக் கூட்டணி **	4,619	33.82%	2
	சிறீலங்கா முஸ்லிம் காங்கிரசு	3,906	28.60%	2
	ஐக்கிய தேசியக் கட்சி	62	0.45%	0
	சுயேச்சைக் குழு 3	7	0.01%	0
	சுயேச்சைக் குழு 1	1	0.01%	0
செல்லுபடியான வாக்குகள்		13,656	100.00%	9
செல்லாத வாக்குகள்		434
பதிவான மொத்த வாக்குகள்		14,090
பதிவு செய்யப்பட்ட வாக்காளர்கள்		24,658
வாக்குவீதம்		57.14%
* ஈபிஆர்எல்எஃப் (சு), இதக, புளொட், டெலோ, தவிகூ ஆகிய கட்சிகளை உள்ளடக்கியது. ** ஈபிடிபி, இசுக ஆகிய கட்சிகளை உள்ளடக்கியது.

2018 உள்ளூராட்சித் தேர்தல்

2018 பெப்ரவரி 10 இல் நடைபெற்ற உள்ளூராட்சித் தேர்தல்களில் முதல் தடவையாகக் கலப்பு முறைத் தேர்தல் அறிமுகப்படுத்தப்பட்டது. இம்முறைப்படி, 12 உறுப்பினர்கள் வட்டாரங்களில் இருந்து நேரடியாகவும், 9 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும் மொத்தம் 21 உறுப்பினர்கள் தேர்ந்தெடுக்கப்பட்டனர். தேர்தல் முடிவுகள் வருமாறு:^[3]

கூட்டணிகளும் கட்சிகளும்		வாக்குகள்	%	வட்டாரங்களில் இருந்து தேர்ந்தெடுக்கப்பட்ட உறுப்பினர்கள்	பெற்ற வாக்குகளுக்குரிய கூடுதல் உறுப்பினர்கள்	உரித்தான முழு உறுப்பினர்களின் எண்ணிக்கை
	ஐக்கிய தேசியக் கட்சி	5,884	33.05%	4	3	7
	இலங்கைத் தமிழரசுக் கட்சி	5,029	28.25%	7	0	7
	சிறீலங்கா முஸ்லிம் காங்கிரசு	1,995	11.21%	1	1	2
	சிறீ லங்கா சுதந்திரக் கட்சி	1,517	8.52%	0	2	2
	இலங்கை பொதுசன முன்னணி	1,229	6.90%	0	1	1
	தமிழர் விடுதலைக் கூட்டணி	1,118	6.28%	0	1	1
	ஈழ மக்கள் ஜனநாயகக் கட்சி	624	3.51%	0	1	1
	அகில இலங்கைத் தமிழ்க் காங்கிரசு	406	2.28%	0	0	0
செல்லுபடியான வாக்குகள்		17,802	100.00%	12	9	21
செல்லாத வாக்குகள்		124
அளிக்கப்பட்ட மொத்த வாக்குகள்		17,926
பதிவு செய்யப்பட்ட வாக்காளர்கள்		22,468
வாக்குவீதம்		79.78%

மன்னார் பிரதேச சபையின் தலைவராக சாகுல்கமீது முகம்மது முசாகிர் (புதுக்குடியிருப்பு, ஐக்கிய தேசியக் கட்சி), துணைத் தலைவராக மொகமது இசுமாயில் மொகமது இசதீன் (எருக்கலம்பிட்டி, சிறீலங்கா முஸ்லிம் காங்கிரசு) ஆகியோர் தெரிவு செய்யப்பட்டனர்.^[3]

2025 உள்ளூராட்சித் தேர்தல்

2025 மே 6 இல் நடைபெற்ற உள்ளூராட்சித் தேர்தல் முடிவுகள்:^[5] 12 உறுப்பினர்கள் வட்டாரங்களில் இருந்து நேரடியாகவும், 10 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும் மொத்தம் 22 உறுப்பினர்கள் தேர்ந்தெடுக்கப்பட்டனர்:

கூட்டணிகளும் கட்சிகளும்		வாக்குகள்	%	பெற்ற வாக்குகளுக்குரிய உறுப்பினர்கள்	வட்டாரங்களில் இருந்து தேர்ந்தெடுக்கப்பட்ட உறுப்பினர்கள்	உரித்தான முழு உறுப்பினர்களின் எண்ணிக்கை
	இலங்கைத் தமிழரசுக் கட்சி	2,577	14.74%	5	0	5
	ஐக்கிய மக்கள் சக்தி	3,520	20.14%	3	1	4
	சனநாயகத் தமிழ்த் தேசியக் கூட்டணி	3,400	19.45%	3	1	4
	தேசிய மக்கள் சக்தி	2,944	16.84%	0	3	3
	சிறீலங்கா முஸ்லிம் காங்கிரசு	2,124	12.15%	1	1	2
	இலங்கைத் தொழிற் கட்சி	1,450	8.30%	0	2	2
	அகில இலங்கைத் தமிழ்க் காங்கிரஸ்	646	3.70%	0	1	1
	சுயேச்சைக் குழு	568	3.25%	0	1	1
	ஈழ மக்கள் சனநாயகக் கட்சி	156	0.89%	0	0	0
	சர்வசன அதிகாரம்	93	0.53%	0	0	0
செல்லுபடியான வாக்குகள்		17,478	100.00%	12	10	22
செல்லாத வாக்குகள்		174
அளிக்கப்பட்ட மொத்த வாக்குகள்		17,652
பதிவு செய்யப்பட்ட வாக்காளர்கள்		24,327
வாக்குவீதம்		72.56%

2025 தேர்தலில் மன்னார் பிரதேச சபையின் தலைவராக ஏ. ஜே. எம். சப்ரான் (அகில இலங்கை மக்கள் காங்கிரசு), துணைத் தலைவராக ரொயிட்டன் சாந்தினி குரூசு (சனநாயகத் தமிழ்த் தேசியக் கூட்டணி) ஆகியோர் தெரிவு செய்யப்பட்டனர்.^[6]

மேற்கோள்கள்

↑ "LG polls cost to hit Rs. 4 b". Daily FT. 5-12-2017. http://www.ft.lk/front-page/LG-polls-cost-to-hit-Rs--4-b/44-644557. பார்த்த நாள்: 23-12-2017.
↑ "Amended Local Government Elections Bill approved in Parliament". டெய்லி நியூசு. 25-08-2017.
↑ ^3.0 ^3.1 ^3.2 "Local Authorities Election - 10.02.2018" (PDF). இலங்கை தேர்தல் திணைக்களம். Archived (PDF) from the original on 12 May 2025. Retrieved 7 June 2025.
↑ "Local Authorities Election - 2011" (PDF). இலங்கை தேர்தல் திணைக்களம். Archived (PDF) from the original on 21 December 2018. Retrieved 18 June 2025.
↑ "Local Authorities Election - 6.05.2025 Mannar District Mannar Pradeshia Sabha" (PDF). Department of Elections, Sri Lanka. Archived (PDF) from the original on 31 May 2025. Retrieved 31 May 2025.
↑ "மன்னார் பிரதேச சபையின் தவிசாளர் மற்றும் உப தவிசாளர் தெரிவு". தமிழ்வின். Archived from the original on 2 சூலை 2025. Retrieved 2 சூலை 2025.

[DFT051217-1] "LG polls cost to hit Rs. 4 b". Daily FT. 5-12-2017. http://www.ft.lk/front-page/LG-polls-cost-to-hit-Rs--4-b/44-644557. பார்த்த நாள்: 23-12-2017.

[DN250817-2] "Amended Local Government Elections Bill approved in Parliament". டெய்லி நியூசு. 25-08-2017.

[LAE2018-3] 3.0 ^3.1 ^3.2 "Local Authorities Election - 10.02.2018" (PDF). இலங்கை தேர்தல் திணைக்களம். Archived (PDF) from the original on 12 May 2025. Retrieved 7 June 2025.

[LAE2011-4] "Local Authorities Election - 2011" (PDF). இலங்கை தேர்தல் திணைக்களம். Archived (PDF) from the original on 21 December 2018. Retrieved 18 June 2025.

[5] "Local Authorities Election - 6.05.2025 Mannar District Mannar Pradeshia Sabha" (PDF). Department of Elections, Sri Lanka. Archived (PDF) from the original on 31 May 2025. Retrieved 31 May 2025.

[6] "மன்னார் பிரதேச சபையின் தவிசாளர் மற்றும் உப தவிசாளர் தெரிவு". தமிழ்வின். Archived from the original on 2 சூலை 2025. Retrieved 2 சூலை 2025.

[1]

[2]

[3]

[4]

[5]

[6]

பா உ தொ இலங்கை வடமாகாணத்தின் பிரதேச சபைகள்
யாழ்ப்பாண மாவட்டம்	சாவகச்சேரி நெடுந்தீவு காரைநகர் ஊர்காவற்றுறை நல்லூர் பருத்தித்துறை வடமராட்சி தென்மேற்கு வலிகாமம் கிழக்கு வலிகாமம் வடக்கு வலிகாமம் மேற்கு வலிகாமம் தெற்கு வலிகாமம் தென்மேற்கு வேலணை
கிளிநொச்சி மாவட்டம்	கரைச்சி பச்சிலைப்பள்ளி பூநகரி
முல்லைத்தீவு மாவட்டம்	மாந்தை கிழக்கு கரைதுறைப்பற்று புதுக்குடியிருப்பு துணுக்காய்
மன்னார் மாவட்டம்	மன்னார் மாந்தை மேற்கு முசலி நானாட்டான்
வவுனியா மாவட்டம்	வவுனியா வடக்கு வவுனியா தெற்கு சிங்களம் வவுனியா தெற்கு தமிழ் வெங்கலச்செட்டிக்குளம்