மது கண்ணா

மது கண்ணா (Madhu Khanna) இந்திய மக்கள் மத வரலாற்றாசிரியரும் தில்லியைத் தளமாகக் கொண்ட பிரபல தாந்திரீக அறிஞரும் ஆவார். தற்போது, இவர் சான் பிரான்சிஸ்கோவின் கலிபோர்னியா ஒருங்கிணைந்த ஆய்வு தொழில்நுட்ப நிறுவனத்தின் ஆசிய மற்றும் ஒப்பீட்டு ஆய்வுகளில் சிறப்பு உறுப்பினராக (2013-2014) உள்ளார். அதற்கு முன்னர், புது தில்லியின் ஜாமியா மில்லியா இஸ்லாமியாவில்,ஒப்பிடும் மதம் மற்றும் நாகரிகம் பற்றிய ஆய்வு மையத்தின் இயக்குநராக இருந்தார். இவர் தற்போது அதே மையத்தில் இந்திய மதத்தின் வருகை பேராசிரியராக உள்ளார். அங்கு இவர் இந்து மத ஆய்வுகளில் இடைநிலை படிப்புகளை கற்பிக்கிறார்.  இவர் பல புத்தகங்களை எழுதியுள்ளார். மேலும், பல கண்காட்சிகளையும் நடத்தியுள்ளார். மேலும், இவர் மூன்று தேசிய திட்டங்களுக்கும், இந்திரா காந்தி தேசிய கலை மையத்திற்கான பல ஆராய்ச்சி திட்டங்களுக்கும் பங்களித்துள்ளார்.

கல்வி

1986 ஆம் ஆண்டில் ஆக்சுபோர்டு பல்கலைக்கழகத்தின் கீழை நாடுகளின் ஆய்வு பீடத்திலிருந்து இந்தியவியல்/மத ஆய்வுகளில் முனைவர் பட்டம் பெற்றார். இவரது ஆய்வறிக்கை பேராசிரியர் அலெக்ஸிஸ் சாண்டர்சன், மேற்பார்வையின் கீழ் சமர்ப்பிக்கப்பட்டது. இவருடைய ஆராய்ச்சியானது, எளிதில் புரியாத இந்து மதம், இந்து தாந்திரீகம் மற்றும் தேவியின் மரபுகள் பற்றிய சிறப்பு குறிப்பாக இருந்தது. சாக்தத்தின் மையக் கோட்பாடாக சிறீவித்யாவின் தோற்றம் காஷ்மீரில் இருந்ததாக இவரது ஆராய்ச்சி காட்டுகிறது.

தொழில்

இவர், இந்திரா காந்தி தேசிய கலை மையத்தில் இணை பேராசிரியராக (மத/இந்திய ஆய்வுகள்) இருந்தார். அங்கு இவர் அனைத்து முக்கிய, இடை-ஒழுங்கு ஆராய்ச்சி திட்டங்களையும் கண்காட்சிகளையும் ஆராய்ந்து ஏற்பாடு செய்தார்.

விருதுகளும் கௌரவங்களும்

2002இல் கிராசிங் திட்டத்திற்காக ஜெராக்ஸ் பார்க், பாலோ ஆல்டோவின் சிறந்த ஆராய்ச்சி சான்றிதழ்: வாரணாசியின் வாழ்க்கையில் இறப்பும் மாற்றமும் என்ற இவரது படிப்பிற்காக வழங்கப்பட்டது. 2005இல் புது தில்லியில் உள்ள காந்தி சுமிருதியில் நித்திய காந்தி பல்லூடக அருங்காட்சியக கண்காட்சிக்காக டைம்ஸ் அறக்கட்டளையால் மகாவீர் மகாத்மா விருது வழங்கப்பட்டது (புனித உலக அறக்கட்டளையுடன் கூட்டு விருது).

மேலும் படிக்க

• Articles by Madhu Khanna IGNCA

வெளி இணைப்புகள்

• Tantra Foundation, website பரணிடப்பட்டது 2021-09-15 at the வந்தவழி இயந்திரம்
• www.shrikunja.org