மதனகோபால சுவாமி கோயில்
மதனகோபால சுவாமி கோயில், மதுரை நகரத்தின் மேல மாசி வீதி - தெற்கு மாசி வீதி சந்திப்பில், பெரியார் பேருந்து நிலையத்தின் அருகில் அமைந்துள்ளது. இது கிருஷ்ணன் கோயில் ஆகும். மூலவர் மதனகோபால் சுவாமி என்ற பெயருடன் கையில் புல்லாங்குழவுடன், சத்தியபாமா – ருக்மணி சமேதராக அருள் புரிகிறார். மதுரவல்லி தாயார் மற்றும் ஆண்டாள் சன்னதிகள் தனியாக உள்ளது. தல விருட்சம் வாழை மரம்.[1].
பிரித்தானியாவின் இந்தியப் பேரரசு காலத்தில், மதனகோபால சுவாமி கோயில் கற்றூண்களில் பலவற்றை, அமெரிக்க ஐக்கிய நாட்டிற்குக் எடுத்துச் செல்லப்பட்டு, அங்குள்ள பிலடெல்பியா காட்சிக்கூடத்தில் ஒரு மண்டபமாக அமைக்கப்பட்டுள்ளது.[2]
கூடலழகர் பெருமாள் கோயில் மற்றும் இம்மையிலும் நன்மை தருவார் கோயில் மதனகோபால சுவாமி கோயிலுக்கு மிகமிக அருகில் அமைந்த கோயில்கள்.
பிற சன்னதிகள்[தொகு]
- நவநீதகிருஷ்ணன் சன்னதி
- சக்கரத்தாழ்வார் சன்னதி
தலச்சிறப்பு[தொகு]
ஆண்டாளும் பெரியாழ்வாரும் ஒரு முறை திருவில்லிபுத்தூரிலிருந்து ஸ்ரீரங்கம் செல்லும் வழியில், மதனகோபால சுவாமியை வழிப்பட்டுச் சென்றதாக இக்கோயில் தல புராணம் கூறுகிறது.
துணைக் கோயில்கள்[தொகு]
மதனகோபால சுவாமி கோயில் நிர்வாகத்தின் கீழ் அமைந்த கோயில்கள்;
- ஆஞ்சநேயர் கோயில், கிருஷ்ணராயர் தெப்பக்குளம், மதுரை 625001
- வேங்கடமூர்த்தி அய்யனார் கோயில், அனுப்பானடி, மதுரை 625009
- சேவகபெருமாள் அய்யனார் கோயில் & வெங்கடஜலபதி கோயில், ஆலமரம் பேருந்து நிறுத்தம், அண்ணாநகர், மதுரை 625020
திருவிழாக்கள்[தொகு]
- கிருஷ்ண ஜெயந்தி
- இராம நவமி
- வைகுண்ட ஏகாதசி
- வசந்தோற்சவம்
- பாவை நோன்பு
- திருக்கல்யாணம்
மேற்கோள்கள்[தொகு]
வெளி இணைப்புகள்[தொகு]
- கோயிலின் அதிகாரப்பூர்வமான இணையதளம் பரணிடப்பட்டது 2016-03-04 at the வந்தவழி இயந்திரம்